Hibru 12:23 - Edo Bible (E Baibol Ẹdo) Version 1996

²³ Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.

Hibru 12:23 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Psalm 111:1

Wa rho e Nọyaẹnmwa! I gha ya ekhọe mwẹ hia kpọnmwẹ e Nọyaẹnmwa; vbe uwu ẹbu avbe emwa rẹn.

Psalm 69:28

Te a gha khiẹn eni iran hin ẹbe emwa ni rre agbọn rre; ai gha ka iran ba emwa ruẹn.

Psalm 89:27

I gha ya ẹe ru ovbi mwẹ nokpia ne ọdiọn, ne ọ kpọlọ sẹ vbe uwu avbe ọba hia.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 94:2

Wẹ ọ re ọ bu ohiẹn emwa hia kpaegbe, ne u ru avbe emwa ni tọn egbe mu emwi ne ọ ma iran.

Psalm 96:13

Ẹghẹ ne Nọyaẹnmwa gha na do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Psalm 98:9

Rhunmwuda, ọ dee ra do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 32:32

Sokpan, banbanna nian, lahọ ya orukhọ iran bọ iran. Adeghẹ u i ra ya bọ iran, lahọ khiẹn eni mwẹ hin ebe ne u gbẹnnẹ eni emwa ruẹn yi rre.”

Ẹksọdọs 4:22

Ẹghẹ nii, u ghi tama rẹn wẹẹ, vbenian ọre Nọyaẹnmwa khare ‘Izrẹl ọrọre ovbi mwẹ ne ọdiọn.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Iyẹn ne ọ Maan Ọghe Luk 10:20

Sokpan ẹ i re ne avbe orhiọn esu na họn ẹmwẹ ne uwa ọre uwa gha ghọghọ yi, sokpan wa gha ghọghọ ighe a gbennẹ eni uwa ye otọ vbe ẹrinmwi.”

Iyẹn ne ọ Maan Ọghe Jọn 5:27

Rẹn rhie asẹ ne Ọmọ ne ọ ya gha bu ohiẹn rhunmwuda ighẹ Ovbi Ọmwa ọre irẹn khin.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

I Kọrinti 13:12

Emwi ne ima ghe ama rẹn vbirrivbirri zẹ vbe uwu ughegbe na, ẹghẹ nii, a gha bẹghe ehia vbe ghe aro mwẹ ghe aro uẹ. Emwi ne I rẹnrẹn nian, ukhiọnmwẹ nọ, ẹghẹ nii, I gha rẹn ọnrẹn fo zẹ vbe ne Osanobua rẹn mwẹ fo.

I Kọrinti 15:49

Zẹ vbene ima te ka gha ye vbe ama ọghe ọnii ne a ya ekẹn ma, erriọ ma ghi mu akpa ọghe ọmwa ne ọ ke ẹrinmwi rre yọ.

I Kọrinti 15:54

Ẹghẹ nii, a ghẹ ghi mu a i wu ẹdẹ yọ emwi ne ọ sẹtin wu nẹ, ighẹ a vbe mu emwi ne ẹ i sẹtin wu yọ emwi ne ọ gha te wu nẹ, ẹmwẹ ebe ghi do sẹ wẹ, “A fuẹn uwu a nẹ, Akhọnmiotọ i re ne a ru ghẹghẹ.”

II Kọrinti 5:8

Udu wa hu ima, ọ gha te yẹ ima sẹ ne a kpao sẹ owa ikinnegbe mwa na rae, ne ima ya gu Nọyaẹnmwa gha rrọọ.

Ẹfisọs 1:22

Osanobua keghi viọ emwi hia ye ototọ owẹ Kristi, ọ keghi vbe rhie ẹre ne esọsi zẹ vbe Ogie nọkhua nọyan emwi hia.

Diuteronomi 21:17

“Ukhukhu eva ọghe emwi ẹnrẹn ọ re ọ gha viọ ne ọmọ ọdiọn nii, a gha rhe miẹn wẹ ẹ i re ovbi amwebọ ẹre nọ. Ọ kere ne ọmwa rẹn ovbi ẹre ne ọdiọn ye ọmọ ọdiọn, ne ọ vbe gha emwi ne ọ khẹ ke ẹe ne ẹẹn zẹ vbene uhi khare.

Filipai 4:3

Kevbe uwẹ, ogieva mwẹ ne ekhọe esi ne ima gba winna kugbe, lahọ ru iyobọ ne avbe ikhuo na, rhunmwuda, iran mobọ kakabọ gun mwẹ winna vbe uwu ne a na kpe orhu iyẹn ne ọ maa, kevbe Klẹmẹnt kevbe avbe iho mwa nekpa ne ima gba winna, eni emwa ne a gbẹnnẹ ye uwu ebe ẹfe ọghe Osanobua nẹ.

Kọlose 1:12

Wa vbe ye oghọghọ gha rhie ekpọnmwẹ ne Evbavba, ne ọ ye uwa khian ne ọ kere ne ọ gha mwẹ oghae vbe uwu avbe emwi ne Osanobua viọ hinrre khẹ emwa vbe arriọba uwanmwẹ.

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

I Timoti 3:5

Rhunmwuda, a deghẹ ọmwa ma sẹtin gbe aro ghe owa ẹre, vbe ọ ra na sẹtin gbe aro ghe esọsi Osanobua hẹẹ?

Hibru 11:4

Iyayi ọre Ebel ya zọ ese ne ọ maa sẹ ọghe Ken ghe Osanobua. Rhunmwuda iyayi ẹre, ọre Osanobua na kae ye ọmwa ẹmwata, rhunmwuda Osanobua tobọ ẹre rhan ohọ miẹn emwi imuohan rẹn.

Hibru 11:40

Rhunmwuda, Osanobua ru emwamwa nọ maa sẹẹ ọnii ye otọ khẹ ima nẹ. Iro ọghọe nọ wẹ, ẹghẹ mwa ọkpa ọre iran gha na do dunna fo.

Hibru 2:12

Zẹ vbene ọ tae wẹẹ, “Osanobua I gha ta emwi ne u ru ma etẹn mwẹ, I gha so ihuan rho ruẹ, vbe ehe ne iran gbe ẹbu yi.”

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.

Arhie Maan 6:11

A keghi mu ẹwu ogbọnmwọkpa ne ọkpọkpa vbe uwu iran, a na wẹ ne iran he ye ya hẹwẹ nẹ, la ẹghẹ kherhe, rhinrin iran te do gba ighẹ avbe eguọmwadia ne ihua iran, kevbe etẹn iran ne a ra gbele ua zẹ vbene avbe gbele iran uan.

Arhie Maan 6:9

Iyeke ọnii, Oteghe Ohuan nii keghi rhan emwi ne a gbae nii. I ghi ya ghe ototọ ogiukpo, orhiọn emwa hia ne a he gbele ua rhunmwuda ighẹ iran kpe orhu ẹmwẹ Osanobua, iran keghi vbe gha re emwa ni mu aro ye ẹmwẹ osẹ ne iran sẹ.