Hibru 12:21 - Edo Bible (E Baibol Ẹdo) Version 1996

²¹ Ọ mu ohan sẹrriọ ne a ghe wẹ, Mosis keghi kha wẹẹ, “I guọe zẹzẹzẹ, ohan keghi mu mwẹ.”

Hibru 12:21 ပူးပေါင်းရင်းမြစ်များ

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Ẹksọdọs 19:16

Vbe owiẹ vbe ikpẹdẹ ne ogieha, avan ne ukhunmwu kevbe ayan kegha wannọ vbe uhunmwu oke, okuku ne ọ mwẹ imi, kevbe urhu okpe ne ọ la ẹsẹse. Emwa ni rre agọ hia kegha guọ zẹzẹzẹ ne ohan.

Ẹksọdọs 19:19

Urhu okpe keghi kakabọ gha tu sayọ. E Mosis keghi guan, e Nọyaẹnmwa na ya avan ne ukhunmwu zẹmwẹ wanniẹn ọẹn.

Daniẹl 10:17

Te I yevbe ọviẹn ne ọ mudia ye odaro arowa ẹre. Vbe I a ghi ra sẹtin guẹ guan hẹ? Ẹtin i ghi rrọ mwẹ re, orhiọn ighi rrọ mwẹ re.”

Daniẹl 10:8

Mẹ ọkpa ọ re ọ ghi rre evba, I na gha ghe umian ọyunnuan na. Orhiọn ma ghi gha rrọ mwẹ re, aro mwẹ keghi fiwerriẹ sẹrriọ vbe uhunmwu wẹ, ọmwa ọkpa ne ọ gha ye rẹn mwẹ ighi rrọ.

Diuteronomi 9:19

Ohan ohu nọkhua ọghe Nọyaẹnmwa ọ re ọ gha mu mwẹ, rhunmwuda ohu nii sẹrriọ wẹ ọ sẹtin fuẹn uwa ua, sokpan e Nọyaẹnmwa keghi yevbe họn ọghomwẹ uhukpa ba ẹre.

Hibru 10:27

Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.