Hibru 12:19 - Edo Bible (E Baibol Ẹdo) Version 1996

¹⁹ Urhu okpe kevbe owogho uvannọmwẹ. Ugbẹn vbe iran ghi họn urhu nii, iran keghi rinmwian wẹ, ne iran ghẹ ghi dọlegbe họn ifi ẹmwẹ ọkpa sẹẹ ọnii.

Hibru 12:19 ပူးပေါင်းရင်းမြစ်များ

Ẹksọdọs 20:22

E Nọyaẹnmwa keghi tama e Mosis wẹ ne ọ tama ivbi Izrẹl wẹẹ: “Wa miẹn wẹ I gu uwa guan ke ẹrinmwi rre.

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

I Kọrinti 15:52

Ẹgiẹgiẹ, vbe ifua aro ọkpa, ẹghẹ ne okpe ne okiekie gha na tu. Rhunmwuda, ọ gha ghi tu, a ghi huẹn iran ni wulo nẹ kpaegbe do gha re emwa ne ẹ i ghi wu ẹdẹ, a ghi vbe fi ima hia werriẹ.

Diuteronomi 18:16

Ẹdẹ ne uwa si koko ye ọkpẹn Oke Sainai, te uwa rinmwian ẹẹn wẹ wa i ghi ho ne uwa họn urhu e Nọyaẹnmwa, ra ne uwa ye bẹghe ehe ne ọ ye ne ọ yevbe erhẹn nii, rhunmwuda wẹ, ọ gha ye rriọ, wa gha wulo.

Diuteronomi 4:11

Wa tama ivbi uwa vbene uwa do mudia ye ototọ oke nii ne okuku ne ọ mwẹ imi ọghe ighogho nekhui gue mu otọ, ọ na vbe gha kpannọ erhẹn sẹ iso.

Diuteronomi 4:12

Wa tama iran vbene Nọyaẹnmwa gha ke uwu erhẹn nii gu uwa guan hẹ, sokpan vbe ne uwa ma na bẹghe akpa ẹre hiehiere.

Diuteronomi 4:33

A he miẹn emwa ni ye gha rre agbọn vbe iran họn vbe Osanobua guan gie iran ke uwu erhẹn rre ra zẹ vbe ne uwa ye?

I Tẹsalonaika 4:16

A gha họn urhu ne ọ gha datu, urhu ne ọ gha ta emwi ne a gha ru, urhu olotu avbe odibosa, urhu okpe ọghe Osanobua ẹghẹ nii, e Nọyaẹnmwa tobọ ẹre ghi tuorre ke ẹrinmwi gha dee. Iran ni ya Kristi yi vbe ẹghẹ ne iran na wulo, a ghi ka huẹn iran kpaegbe nẹ,

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?