Hibru 12:14 - Edo Bible (E Baibol Ẹdo) Version 1996

¹⁴ Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Hibru 12:14 ပူးပေါင်းရင်းမြစ်များ

Gẹnẹsis 32:30

E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl.

Job 19:26

Uhin vbe iyeke vbe emianmwẹ a ghi rri ikpakpa egbe mwẹ na an nẹ,

Job 33:26

Ọ gha na erhunmwu, Osanobua ghi họn. Ọ ghi ye oghọghọ gha ga Osanobua. Osanobua ghi do dọlegbe dọlọ emwi hia yi ne ẹẹn.

Psalm 120:6

Ọ kpee gbe ne I kegha yin, ke emwa ni khuiwu ọfumwegbe

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 38:20

Iran ni ya ọkhọ san ẹse mu aro igbinna da mwẹ rhunmwuda, ighẹ I hia ne I gha ru vbene ọ kere.

Psalm 94:15

A gha ye miẹn ẹmwata vbe uwu iko ibuohiẹn, emwa ẹmwata hia gha wa ya egbe ba ẹre.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 16:7

U gha ru vbene ọ yẹ Nọyaẹnmwa, u gha sẹtin ya avbe eghian ruẹn khian ọse.

Itan 17:14

Omuhẹn imuanmwẹ, te ọ yevbe ehe ne ekẹn ne a gbe khiọ orogho amẹ na ha uvun, zẹgiẹgiẹ ran rẹn ọ te fannọ uan.

Aizaia 51:1

E Nọyaẹnmwa khare wẹẹ, “Wa danmwehọ mwẹ, wa ni ho ne a miẹn uwa fan, wa ni do nọ iyobọ vbe obọ mwẹ, wa roro ẹmwẹ okuta nọkhua ne uwa ke ladian. Ehe ne a na fian okuta ne a ke fian uwa ladian.

Iyẹn ne ọ Maan Ọghe Mak 9:50

Umwẹ maa, sokpan adeghẹ orhiẹnrhiẹn ọnrẹn ghi fafaa nẹ, de emwi ne a ghẹ ghi ya ru ẹe ne ọ do gha rhiẹnrhiẹn? Wa gha mwẹ umwẹ vbe uwu uwa, ne uwa vbe gha gu egbe uwa rrọọ vbe ọfumwegbe.”

Iyẹn ne ọ Maan Ọghe Luk 1:75

Ne ima gha re emwata ni huanrẹn vbe odaro ẹre. Vbe ẹdẹ agbọn ima hia.

Ebe ne Pọl gbẹẹn gie emwa Rom 12:18

Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

Ebe ne Pọl gbẹẹn gie emwa Rom 14:19

Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

I Kọrinti 13:12

Emwi ne ima ghe ama rẹn vbirrivbirri zẹ vbe uwu ughegbe na, ẹghẹ nii, a gha bẹghe ehia vbe ghe aro mwẹ ghe aro uẹ. Emwi ne I rẹnrẹn nian, ukhiọnmwẹ nọ, ẹghẹ nii, I gha rẹn ọnrẹn fo zẹ vbe ne Osanobua rẹn mwẹ fo.

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Galatia 3:21

Te ọnii ghi rhie maa ra ighẹ nene Uhi gbe odan ye emwi ne Osanobua ve? Hiehiere. Rhunmwuda, akpawẹ Uhi ne a yi, ne ọ sẹtin rhie arrọọ ne ọmwa rrọọ, ẹghẹ nii, te a gha sẹtin la ekpa uhi gha ye ọmwa khian ne ọ mudia ẹse vbe odaro Osanobua.

Ẹfisọs 5:5

Wa kakabọ rhie ọna ye ekhọe, ọmwaikọmwa ne ọ gbe alama oghẹ ra ne ọ họhọ ra ne ọ zuan (rhunmwuda ozuan, esa ẹbọ ne a ga nọ) ne ọ gha mwẹ oghae vbe Arriọba Kristi kevbe ọghe Osanobua, ẹ i rrọọ.

Filipai 3:12

I ma kha ighẹ I ru rho obọ nẹ vbe ọnọna, ra wẹ I guẹ fo nẹ, te I ye yẹn egbe ghe odaro, ne ọ miẹn ehe na sọ mwẹ obọ, ighẹ ive emwi ne Kristi Jesu ya yan mwẹ nẹ.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

I Tẹsalonaika 4:7

Osanobua ma tie ima ne a do gha yin uyinmwẹ alama oghẹ, sokpan ne a do gha re ne ọ mwẹ uyinmwẹ ne ọ huanrẹn.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

II Timoti 2:22

Gha bi egbe hin orriarria ibiẹka, u ghi gha gbinna ne emwi ẹmwata, iyayi, kevbe ahoẹmwọmwa kevbe ọfumwegbe vbe uwu a ku obọ gbe ba iran ni ye ekhọe ne ọ huanrẹn datie Nọyaẹnmwa, ne ọ yi iran obọ.

Hibru 12:10

Ovbi ẹghẹ kherhe ọre erha ima vbe ọghe agbọn na, ya gbe ima hin ọkhọ rre zẹ vbene ọ vbe kei yi vbe aro iran. Sokpan te Osanobua ru ẹe, ne umamwẹ mwa, ne ima miẹn ehe na gu ẹe ghae vbe uhuanmwẹ ọnrẹn.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Pita 3:11

Ọ ghi zobọ vbe emwi dan do gha ru emwi esi. Ọ ghi gha gualọ ọfumwegbe, ọ ghi gha zọ uhio ẹre khian.

I Pita 3:13

Gha ọ ra ru uwa emwi dan yi adeghẹ wa mu aro ye ẹmwẹ ne uwa gha ru emwi esi?

II Pita 3:11

Vbene a ghi na miẹn nian wẹ erriọ ọre a ra ya fuẹn avbe emwi na hia ua, de egbe emwa ne ọ kere ne uwa gha khin? Wa gie edẹ agbọn uwa gha re ni huanrẹn, kevbe ne a ya fi ohan ne Osanobua,

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

III Jọn 1:11

Wa ne avbe ọse mwẹ, wa ghẹ gha ya egbe ta emwi dan, wa gha ya egbe ta emwi esi. Ọmwaikọmwa ne ọ ru emwi ne ọ maa ọghe Osanobua nọ, ọmwaikọmwa ne ọ ru emwi dan, ọ ma he miẹn Osanobua.

Giọgis 11:14

E Jẹfta keghi dọlegbe gie emwa bu ọba Amọn,