Hibru 12:12 - Edo Bible (E Baibol Ẹdo) Version 1996

¹² Rhunmwuda ọnii, wa gie obọ uwa ne lughọlughọ si tua, wa vbe gie igbọn ne ọ rhie gbe egbe de ziẹn.

Hibru 12:12 ပူးပေါင်းရင်းမြစ်များ

Psalm 109:24

Te igbọn mwẹ ghi ye lughọlughọ rhunmwuda ohanmwẹ, I i ghi mwẹ egbe gberra uvẹ vbe ikpakpa.

Aizaia 35:3

Rhie iwegbe ne avbe obọ ne egbe wọre kevbe avbe igue ni guọ rhunmwuda a ma wegbe.

Ezikiẹl 21:7

Iran gha nọ ruẹn emwi ne ọ zẹ ne u na rriakọn, u ghi tama iran wẹ rhunmwuda iyẹn ne ọ he dee nọ. Ẹghẹ ne iyẹn nii gha ya sẹ obọ, ohan gha mu iran hia ẹsẹse, obọ iran gha wu ginna iran egbe, ẹtin gha fo iran, igbọn iran ghi gha rhie gbe egbe. Nene ẹghẹ wa dee, ọ sẹẹ emwa fo nẹ,” E Nọyaẹnmwa ne Udazi guan nẹ.

Ezikiẹl 7:17

Obọ edọmwadẹ ọghọe gha luẹluẹ, igue ghi vbe gha degbe egbe.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Zẹfanaia 3:16

Ẹghẹ dee ne iran gha na tama e Jerusalẹm wẹẹ, “Ghẹ mu ohan, okpẹvbo e Zaiọn! Ghẹ gie obọ ruẹ luẹluẹe ua!

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

Hibru 12:3

Wa roro emwi ne ọ ye egbe miẹn, vbene ọ ziengbe hẹ vbe emwa orukhọ khọ ẹko ẹre, rhunmwuda ọnii, wa ghẹ gie egbe wọ uwa ne uwa zẹ obọ vbọ.

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.