Hibru 12:11 - Edo Bible (E Baibol Ẹdo) Version 1996

¹¹ A gha gbe ima hin ọkhọ rre, vbobọ vbobọ nii, ọ ghi ye vbe ne a miẹn wẹ, te a wa ho ne a rhia ima ekhọe rua, ighẹ i re ne ọ ya ẹe rhiẹnrhiẹn. Sokpan Ọ ghẹ ghi sẹ okiekie, a vbe emwa ne a gu gui vberriọ dia ye odẹ, ghi do miẹn ẹdẹ agbọn nekhuẹrhẹ, ọ ghe ọmwa ẹmwata, rhie vbọ.

Hibru 12:11 ပူးပေါင်းရင်းမြစ်များ

Gẹnẹsis 21:11

Ẹmwẹ na keghi rhia Ebraham ẹko a ẹsẹse, rhunmwuda, ovbi ẹre nokpia ọre Ismẹl vbe khin.

Psalm 118:18

Ọ gbe mwẹ ne obọ da mwẹ, hin ọkhọ rre sokpan ọ ma wa gbe mwẹ uan.

Psalm 119:165

Iran ni ho ẹmwẹ uhi ruẹ fe vbe ẹbe fẹẹrẹ, emwi ne ọ gha sẹtin mu iran gbotọ i rrọ.

Psalm 89:32

ẹghẹ nii, mẹ gha rri iran oya ye orukhọ iran, I gha gie iran rri oya ye abakuru iran.

Itan 15:10

U gha ru emwi ne ọ ma gba, a gha rriọọ oya ẹsẹse, sokpan, u gha wẹ ne a ghẹ dia ruẹ ye odẹ, uhunmwu ọ re u ya khiọ ẹre.

Itan 19:18

Ma ivbi uẹ emwi vbe iran ma he wan gbe ne ọ sẹtin ruẹ emwi guẹ. Adeghẹ u ma ru ẹe vberriọ, te u ru iyobọ ne iran ya fuẹn egbe iran an.

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Aizaia 32:17

Rhunmwuda ighe emwa hia ọ re ọ ra gha ru emwi ne ọ gbae, ọfumwegbe kevbe ẹkun ne ọ sotọ ghi gha rrọọ ẹghẹ hia.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 12:10

Ovbi ẹghẹ kherhe ọre erha ima vbe ọghe agbọn na, ya gbe ima hin ọkhọ rre zẹ vbene ọ vbe kei yi vbe aro iran. Sokpan te Osanobua ru ẹe, ne umamwẹ mwa, ne ima miẹn ehe na gu ẹe ghae vbe uhuanmwẹ ọnrẹn.

Hibru 5:14

Evbare ne ọ wo vbe egbe, ọghe avbe eniwanrẹn nọ, iran ni ma unu iran ẹre, ne iran vbe gha ya ẹe rẹn alughaẹn ne ọ rre ẹkpo emwi ne ọ maa kevbe ne ẹ i maa.

I Pita 1:6

Wa gie ọyẹnmwẹ ọ na gha sẹ uwa, a gha rhe miẹn wẹ ẹ i mwẹ wa ma gha mwẹ ẹkorriaramwẹ vbe ẹghẹ kherhe, rhunmwuda edanmwẹ ughughan ne u wa miẹn.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.