Hibru 12:10 - Edo Bible (E Baibol Ẹdo) Version 1996

¹⁰ Ovbi ẹghẹ kherhe ọre erha ima vbe ọghe agbọn na, ya gbe ima hin ọkhọ rre zẹ vbene ọ vbe kei yi vbe aro iran. Sokpan te Osanobua ru ẹe, ne umamwẹ mwa, ne ima miẹn ehe na gu ẹe ghae vbe uhuanmwẹ ọnrẹn.

Hibru 12:10 ပူးပေါင်းရင်းမြစ်များ

Psalm 119:75

Mẹ rẹnrẹn wẹ, ẹmwata ọ re avbe ibuohiẹn ruẹn khin Nọyaẹnmwa, kevbe wẹ, te u gia mu ẹtin yan, ọ re u na gbe mwẹ hin ọkhọ rre.

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Eve Orriara 3:33

Ẹ i yẹ ọre ne ọ gie ima gha miẹn akhiẹ ra obalọ.

Levitikọs 19:2

ne ọ tama ivbi Izrẹl wẹẹ, “Wa gha re ni huanrẹn rhunmwuda ọmwa ne ọ huanrẹn mẹ khin. Mẹ ọ re Nọyaẹnmwa Osanobua uwa.

Ẹfisọs 4:24

Wa ghi mu ẹn yọ ighẹ egbe ọgbọn nii ne a yi zẹ vbe ama ọghe Osanobua, ne ọ vbe rhie egbe ma vbe a rrọọ ọghe ẹmwata ne ọre ne ọ mudia ẹse kevbe ne ọ huanrẹn.

Kọlose 1:22

Sokpan banbanna nian, rhunmwuda uwu ikinnegbe ne Ovbi ẹre wu, Osanobua ya uwa khian esiọre nẹ, ne ọ miẹn ehe na viọ uwa gha die odaro egbe ẹre, vbe ne ọ huanrẹn, ne ẹ i mwẹ iruẹn kevbe ne ẹ i mwẹ abe.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

II Pita 1:4

Odẹ vbe nian ọre ọ na ve ima emwi ighobioye ne ọ maa ẹsẹse, wẹ emwi ne ọ ve uwa ẹre gha ghi sẹ uwa obọ nẹ, wa ghi lẹfe vbe obọ Orriarria ne ọre ọghe ọmwa ne ọ rre agbọn na, wa ghi vbe do ghae vbe ama emwi ne a yi ne ọ huanrẹn.

Ebe Rut 1:3

Ẹlimẹlẹk keghi wu sẹ Naomi kevbe ivbi ẹre ne ikpia eveva rae.