Hibru 11:7 - Edo Bible (E Baibol Ẹdo) Version 1996

⁷ Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 11:7 ပူးပေါင်းရင်းမြစ်များ

Gẹnẹsis 19:14

E Lọt keghi bu emwa ne avbe ivbi ẹre nikhuo ra te rọnmwẹ, ọ tama iran wẹẹ, “Wa zẹgiẹ ladian vbe emwana, e Nọyaẹnmwa ra do fuẹn emwa na an.” Sokpan iran keghi ro ighẹ ọdẹn ọre ọ gbe.

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

Gẹnẹsis 6:22

E Noa keghi ru emwi hia ne Osanobua tama rẹn.

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

Gẹnẹsis 7:23

Nọyaẹnmwa keghi fuẹn emwi ni ghi hiọnrọn ni rre otọ agbọn hia a, yasẹ egbe emwa nagbọn, emwirri, aranmwẹ kevbe avbe ahianmwẹ. Noa vbe iran ni lelẹe la uwe okọ ọkpa ọre a ghi sẹrae ne a ma fuan an.

Gẹnẹsis 7:5

Noa keghi ru emwi hia ne Osanobua tama rẹn.

Gẹnẹsis 8:16

“Ladian vbe uwe okọ ke uwẹ kevbe amwẹ ọn kevbe ivbuẹ kevbe avbe amwẹ iran.

II Ọba 4:5

Ẹre okhuo nii na viọ ivbi ẹre gha rrie owa ẹre, ọ keghi khui urho, ọ na ruẹn ofigbọn ye avbe uru nii zẹ vbene ivbi ẹre vbe ya viọ iran gie ẹe.

Job 35:8

Ọmwa nagbọn ne ihua ọ re ọ rri oya orukhọ ne u ru, rẹn ọ re emwi esi ne u ru vbe ru iyobọ na.

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Itan 27:12

Avbe umẹwaẹn sẹtin rẹn vbe orueghe a gha dee, iran ghi gban egbe ne ẹẹn; sokpan, ọmwa ne ẹ i ro iro ghi wa ye owẹ eveva khian la rọ, ọ ghi ya gha ghe I ma rẹn vbe okiekie.

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Ezikiẹl 14:20

ọ gha khọnrẹn ne Noa, kevbe Daniẹl kevbe Job gha rre evba, omwa vbene a na miẹn wẹ mẹ ne Nọyaẹnmwa ne Udazi ọrọre Osanobua ne ọ rrọọ, iran i ra sẹtin miẹn ivbi iran ne arẹnegbe fan, egbe iran ọkpa ọ re iran ra ya uyinmwẹ esi iran miẹn fan.”

Ezikiẹl 33:5

Rẹn ọ tobọ ẹre gbe egbe ẹre, rhunmwuda, ọ ma zẹ yọ vbe a tama rẹn. Akpawẹ te ọ zẹ yọ, te ọ gha te lẹ fua.

Matiu 2:12

Osanobua keghi tama iran vbe imina wẹ ne iran ghẹ ghi van ọghe Hẹrọd, iran keghi la odẹ ọvbehe gha rrie.

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Matiu 24:25

Ghe I tama uwa yotọ nẹ.

Matiu 24:38

Zẹẹ vbe ne a miẹn wẹẹ, ọ te do sẹ ẹghẹ uromwẹ amẹ, emwa kegha re, iran na gha da, ikpia kevbe ikhuo na gha rọnmwẹ egbe, rhinrin ya sẹ ikpẹdẹ ne Noa la okọ zẹẹ.

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iyẹn ne ọ Maan Ọghe Luk 17:26

Vbene ọ gha ye vbe ẹghẹ Noa, erriọ ọre ọ gha vbe gha ye vbe ẹghẹ Ovbi Ọmwa.

Ebe ne Pọl gbẹẹn gie emwa Rom 1:17

Rhunmwuda, iyẹn ne ọ maa tae ladian nẹ vbene Osanobua ya ye ọmwa khian ọmwata vbe odaro ẹre hẹ vbe ekpa iyayi ọkpa ne ọ ke omuhẹn ya sẹ ufomwẹ, rhunmwuda, Ebe ta ẹe nẹ wẹ, “Ọmwa ne a la ekpa iyayi ya khian ọmwata vbe odaro Osanobua, ọ gha fe.”

Ebe ne Pọl gbẹẹn gie emwa Rom 10:6

Sokpan vbe ọghe wẹ ne a rhunmwuda iyayi dọlọ ọmwa kugbe ba Osanobua, ọ wẹẹ, “Ghẹ gbe agbanmwẹ wẹẹ, ‘De ọmwa ne ọ khian yo odukhunmwu vbe ẹrinmwi yi?’ ” (Ọnii nọ wẹ ne ọ ya tie Kristi rre.)

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

Ebe ne Pọl gbẹẹn gie emwa Rom 4:13

Osanobua tama Ebraham wẹ, agbọn na gha khian ọghọe. Emwi ne Osanobua ve na, ẹ i re rhunmwuda ighẹ Ebraham ru vbene nene Uhi kha re, sokpan rhunmwuda ighẹ ọ yayi, Osanobua keghi ka ẹe ye ọmwata.

Ebe ne Pọl gbẹẹn gie emwa Rom 9:30

Vbe ima a ghẹ ghi tae hẹ yi? Vbe nian, wẹ emwa ne ẹ i re Ju, ni ma zẹdẹ hia ne iran gu Osanobua dọlọ kugbe, keghi do khian ne iyayi dọlọ kugbe ba ẹre.

Galatia 5:5

Zẹ vbe ọghomwa, idaehọ mwa ọrọre wẹ, Osanobua gha ya ima khian ne ọ mudia ẹse vbe odaro ẹre, ọnọna ọre ima mudia khẹ, vbe ekpa ẹtin Orhiọn Osanobua, ne ọ winna la ekpa iyayi mwa.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Hibru 11:1

Ne a gha mwẹ iyayi ọrọre ne I aro ọmwa da emwi ne a mwẹ idanmwehọ ẹre, ne ekhọe ọmwa mu emwi ne a ma he dẹghe.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

I Pita 3:20

Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

II Pita 2:5

Osanobua ma yabọ agbọn nẹdẹ, sokpan, te ọ hihiẹ Okpamẹ ne ọ lẹ rhu agbọn emwa dan, emwa ni miẹn uhunmwu vbọ ma gberra Noa ne ọ gha kpe orhu ẹmwata, deba arhin ihinrọn ọvbehe.

II Pita 3:6

Nene amẹ nii ye vbe nọ, amẹ ọlẹgbe orogho nii, ne a ya fuẹn ọnrẹn uan ighẹ agbọn nẹdẹ.