Hibru 11:5 - Edo Bible (E Baibol Ẹdo) Version 1996

⁵ Iyayi ọre ọ ma gie Inọk wu. Ne ọ gha na te wu, a keghi tọn ẹn mu bu Osanobua gha khian, ọmwa rhọkpa ma ghi vbe miẹn ọẹn, rhunmwuda, Osanobua rhie ẹre gha rrie odukhunmwu. Ebe khare wẹ, vbe a te do tọn Inọk mu, ọ ya ẹko rhiẹnrhiẹn Osanobua.

Hibru 11:5 ပူးပေါင်းရင်းမြစ်များ

II Ọba 2:1

Ọ keghi do sẹ ẹghẹ ne Nọyaẹnmwa gha ya ye ẹhoho ẹziza tọn Elaija mu gha rrie ẹrinmwi, Elaija kevbe Elaisia keghi gba ke Gilgal dee.

II Ọba 2:11

Vbene iran khian nii, iran kegha guan khian, vbe udomwurri, ikẹkẹ okuo ne ẹsin erhẹn si khian keghi wa la ẹkpo iran, ẹhoho ẹziza keghi mu Elaija gha rrie ẹrinmwi.

Psalm 89:48

De ọmwa ne ọ gha sẹtin gha rrọ ne ẹ i ra wu yi? Vbe ọmwa ra ya rhie egbe ẹre lẹ ne idin hẹ?

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Iyẹn ne ọ Maan Ọghe Luk 2:26

Orhiọn Ne Ọ Huanrẹn vbe tama rẹn wẹẹ ọ ma miẹn Mẹzaia ne Nọyaẹnmwa yan eyan rẹn nẹ, ẹ i ra miẹn uwu.

Iyẹn ne ọ Maan Ọghe Luk 3:37

Ne ovbi e Mẹtusẹla, ne ovbi Inọk, ne ovbi e Harẹd ne ovbi e Mahalale, ne ovbi e Kaina.

I Tẹsalonaika 2:4

Vberriọ, vbe ne Osanobua wẹ ne ima gha guan, ọre ima ya guan, rhunmwuda, Osanobua gba ẹko ima, ọre ọna mu ẹmwẹ Iyẹn Ne ọ maa ye ima obọ. Ẹ i re ne ọ gha yẹ emwa ne agbọn ma ru, vbe ẹ i re ne ọ gha yẹ Osanobua ọmwa nọ danmwẹ emwi ne ọ rre ima ekhọe ghe.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Hibru 2:9

Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

I Jọn 3:22

Emwi ne ima a rhirhi nọ vbe obọ ẹre, ghi gha sẹ ima obọ, rhunmwuda, emwi ne ọ tae ọre ima ru, emwi ne ọ rhirhi yẹ ọre ọre ima ru.

Ebe ne Jud gbẹẹn 1:14

Inọk ne ọ re, ọmwa ne ogiehan ke egbe Adam wa gha dee zẹẹ, ọre ọ guan ẹmwẹ iran na ye otọ ẹghẹ nii wẹ: “Ghe, Nọyaẹnmwa gha rre ke irẹn kevbe arriaigbe vbe uwu avbe odibo ẹre ni huanrẹn.