Hibru 11:38 - Edo Bible (E Baibol Ẹdo) Version 1996

³⁸ Agbọn na ma maa sẹ ne iran. Iran kegha kun yo kun rre vbe uwu ato kevbe uhunmwu oke, zẹ vbe emwa ne ẹ i mwẹ owa, iran kegha di uwu uvun okuta kevbe uvun otọ ya.

Hibru 11:38 ပူးပေါင်းရင်းမြစ်များ

I Ọba 17:3

“Kpao vbe emwa na rre, laghe odẹ ahọ ne u lẹre ye ọkpẹn ovbi ẹzẹ Kiẹrit vbe odẹ ahọ ne Jọdan.

I Ọba 18:13

U ma he họn wẹ ẹghẹ ne Jezibẹl na gha gbele avbe akhasẹ e Nọyaẹnmwa, I keghi ya viọ iyisẹn vbe uwu iran lẹre, ekigbesiyeha vbe uvun ọkpọkpa, I na ye amẹ vbe evbare gha koko iran.

I Ọba 18:4

ẹghẹ ne Jezibẹl na gha gbele avbe akhasẹ e Nọyaẹnmwa, Obedaia keghi viọ iyisẹn vbe uwu iran, ọ na viọ iran lẹre, ekigbesiyeha vbe uvun ọkpọkpa, ọ na gha ye amẹ vbe evbare koko iran.

I Ọba 19:9

Ọ keghi la uwu uvun okuta vbe evba ne ọ vbiẹ evba ne ẹdẹ gbe. Vbe udomwurri, e Nọyaẹnmwa keghi gu ẹe guan wẹẹ, “Elaija vbe u a ru vbe emwa yi?”

Aizaia 57:1

Emwa esi ghi wulo, ai miẹn ọmwa ne ọ rẹn otọ ẹre ra ne ọ vbe zẹyọ. Sokpan iran gha wulo, ọkhọ ọhanabe i sẹtin kuan iran.

Jerimaia 41:9

Uhae ne Ismaẹl filo ikun emwa ne ọ gbele kui keghi gha re nọkhua ne Asa ne ọba fiaẹn vbe Baasia ne ọba Izrẹl gu ẹe khọn. Ismaẹl keghi ya ikun iran ran uhae nii.

Giọgis 6:2

Emwa Midian keghi wegbe sẹ ivbi Izrẹl, ẹre avbe Izrẹl na lẹ la uhunmwu oke ya gha lẹre ye uvun okuta kevbe ehe ne ọ ghi sẹtin degue iran.

I Samuẹl 22:1

E Devid keghi lẹ hin e Gat rre, ọ na ya lẹre ye uvun okuta ọkpa vbe ọkpẹn Adulam. Avbe etiọnrẹn kevbe emwa ẹgbẹe ọre nekpa ghi họn ighẹ ọ rre evba, iran keghi ya deba ẹre.

I Samuẹl 23:15

Sevba, te ohan ye gha mu e Devid rhunmwuda, te Sọl wa mu egbe ne ọ gbe ẹe rua. E Devid kegha rre Hores vbe ẹvbo oha vbe ọkpẹn Zif.

I Samuẹl 23:19

Emwa eso keghi ke Zif kpao bu e Sọl gha rrie Gibea, iran tama rẹn wẹẹ, “E Devid lẹre ye otọ ima vbe Hores ne uhunmwu oke Hakila vbe odẹ ekẹn ọghe ẹgbo Juda.

I Samuẹl 23:23

Wa gualọ otọ avbe ehe ne ọ wa lẹre yi dandaandan, ne uwa wa do tama mwẹ. Ẹghẹ nii, I ghi lele uwa gha khian, a deghẹ ọ ye rre ẹdogbo nii, I ghi gualọ ẹe miẹn, ọ gha khọn rẹn wẹ ne I gha na wa gualọ ẹe la otọ e Juda hia nọ.”

I Samuẹl 26:1

Emwa eso keghi ke Zif gha dee do tama e Sọl vbe Gibea wẹ e Devid lẹre ye Oke Hakila vbe okhiẹ ẹgbo Juda.