Hibru 11:36 - Edo Bible (E Baibol Ẹdo) Version 1996

³⁶ A ye eso gbe ogiẹ, a gbe iran asan, a keghi munọ eso gbalọ hẹ ku uwu ẹwẹdọ.

Hibru 11:36 ပူးပေါင်းရင်းမြစ်များ

Gẹnẹsis 39:20

Ọ na wẹ ne a mu e Josẹf, ne a muẹn ye ehe ne a viọ avbe oleghan ọba yi, ọ na gha rre evba.

I Ọba 22:24

Ere Zedekaia na sikẹ Makaia, ọ na gbe ubi ye ọre aro, ọ wẹẹ, “De ẹghẹ ne orhiọn e Nọyaẹnmwa ghi vbe ya sẹ imẹ rae ya gha gu uwẹ guan yi?”

I Ọba 22:27

Tama iran ne iran fi ẹe fi uwu ẹwẹdọ, ne ọ gha ye ebrẹd vbe amẹ koko ẹe I te rre vbe egbe hẹnnẹdẹn.”

II Ọba 2:23

Elaisia keghi kpao vbe Jẹriko rre gha rrie Bẹtẹl. Ọ ghi sẹ ẹvbo ọkpa ibiẹka eso keghi ladian ya ẹe gha gbe ogiẹ. Iran kegha kha wẹẹ, “Agbakpan, ladian mwa!”

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 18:26

Tama iran ne iran mu ẹẹn fi uwu ẹwẹdọ ne a gha ya ebrẹd ke amẹ kokẹe I te do rre hẹnnẹdẹn.”

II Krọnikol 30:10

Iran na gie ẹre uhunmwu keghi wa la ẹvbo ni rre otọ Ifreim kevbe Manasẹ fo, kevbe ya sẹ Zẹbulọn vbe odẹ Okuọ, sokpan emwa nii kegha giẹ iran, iran na gha ya iran gbogiẹ.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Jerimaia 20:2

Ọ na wẹ ne iran gbe mwẹ, ne a ye ọgiọrọ rrọ mwẹ vbe ọkpẹn Onurho e Bẹnjamin ne ọ ke Ọdọ vbe Ọgua Osa.

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 29:26

“E Nọyaẹnmwa ọ re ọ ya a rri ohẹn ye ihe Jehoiada, Banbanna nian, wẹ ọ re ọ ghi re enọwanrẹn avbe ohẹn vbe Ọgua Osa. Iwinna ruẹn nọ ne u miẹn ọmwẹmwẹikeọmwẹmwẹ ne ọ ba ru vbe akhasẹ, ne a ya ọgiọrọ rrọ ẹre, a ghi vbe mu odigba ematọn yọ ọre urhu.

Jerimaia 32:8

Zẹ vbene e Nọyaẹnmwa wa tae zẹẹ, e Hanamẹl keghi wa bu mwẹ gha die ẹghodo ẹguae, ọ na wẹ ne I do dẹ nene ako oha. Ẹre I na rẹn wẹ vbe ẹmwata, te Nọyaẹnmwa gele gunmwẹ guan.

Jerimaia 36:6

I gha ho ne uwẹ gha khian vbe ẹghẹ ne iran gha na dọlegbe gha rre aguẹ. U ghi tie ebe ohian na ladian, ne emwa họn avbe ẹmwẹ ne Nọyaẹnmwa tama mwẹ kevbe wẹ mẹ ọ re ọ talọe nuẹn gbẹnnẹ. U ghi ru emwi na vbe ehe ne emwa hia gha na sẹtin họẹn, ya sẹ egbe avbe ivbi e Juda ni ke ẹvbo iran ladian gha dee.

Jerimaia 38:28

Iran keghi sẹ mwẹ rae ye uwu ẹguae ọ te do sẹ ikpẹdẹ ne iran khọn mu e Jerusalẹm.

Jerimaia 39:15

Ẹghẹ ne a na mu mwẹ khui ye ẹguae, e Nọyaẹnmwa keghi giee mwẹ wẹ,

Daniẹl 11:33

Avbe ọkaolotu ni wan ọghe emwa nii, gha ma emwa ọvbehe nibun ẹwaẹn. Sokpan, vbe omwa ẹghẹ eso, iran gha gbele eso ua vbọ, a gha gien iran, iran ghi wulo, a gha do eso emwi viọ, a ghi munọ iran oghunmwu.

Matiu 20:19

Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Matiu 21:35

Iran ni keghi munọ eviẹn ọnrẹn nii, iran mama ọkpa vbọ, iran gbe ọkpa vbọ rua fẹẹrẹ, iran keghi filo okuta gbe nọkpa.

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Matiu 27:26

Pailet keghi fan Barabbas fua ne iran, ọ ghi gbe Jesu asan nẹ, ọ keghi rhie ẹre ne iran, ne iran ya kan rẹn mu ugbugbe.

Iyẹn ne ọ Maan Ọghe Mak 10:34

Iran nii ghi vbe ya ẹe gbe ogiẹ, iran ghi tu asẹn yan rẹn, iran ghi gbe ẹre asan, iran ghi gbe ẹe rua. Vbe iyeke ikpẹdẹ eha, ọ gha rhiọrre vbe orinmwi.”

Iyẹn ne ọ Maan Ọghe Luk 18:32

A gha si ẹe gie avbe iran ne ẹ i re Ju, iran gha yae ghe ogiẹ, iran gha ya ukpẹ sakan ẹn, iran gha tu asẹn ku ọre.

Iyẹn ne ọ Maan Ọghe Luk 23:11

Hẹrọd ke ẹe kevbe ivbiyokuo ẹre keghi ya Jesu gbe ogiẹ, iran keghi ru ẹre emwi oya. Iran mu ẹwu ne mose mose ye ọe, iran keghi dọlegbe rhie ẹre bu Pailet.

Iyẹn ne ọ Maan Ọghe Luk 23:36

Avbe ivbiyokuo keghi vbe yae gbe ogiẹ, iran bu ẹre gha dee, iran keghi mu ayọn ne ọ kaẹn nẹ.

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 24:27

Ukpo eva ghi gberra nẹ Pọsiọs ne ovbi e Fẹstọs keghi rhie ihe Fẹlis vbe ukpo e Ne ọ khaemwisẹ. Fẹlis keghi ho ne avbe Ju gha ta ẹmwẹ ọnrẹn ẹse, ọ na rhunmwuda ọnii sẹ Pọl rae ye ẹwẹdọ.

Iwinna 4:3

Rhunmwuda ọnii, iran mu nọ iran, iran keghi khui iran ye ẹwẹdọ vbe ẹdẹ te ya gbe, rhunmwuda ẹdẹ khian nẹ.

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.