Hibru 11:34 - Edo Bible (E Baibol Ẹdo) Version 1996

³⁴ Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

Hibru 11:34 ပူးပေါင်းရင်းမြစ်များ

I Ọba 19:1

Ehab ne ọba keghi na iyẹn emwi hia ne Elaija ru ma e Jezibẹl ne amwẹ ọnrẹn, kevbe vbene ọ vbe gbele avbe akhasẹ e Bal hia a hẹ.

I Ọba 19:3

Ohan keghi mu Elaija ọ na lẹ fua, ọ keghi rhie ọguọmwadia ẹre ba egbe, ọ na lẹ gha rrie Biẹsiẹba vbe Juda. Ọ keghi vbe sẹ ọguọmwadia ẹre rae ye evba.

II Ọba 6:1

Ọ ghi sẹ ẹdẹ ọkpa, avbe ivbi otu akhasẹ ne Elaisia hẹ khian keghi do tu ma rẹ wẹẹ, “Ehe ne ima ye kanmwa gbe.

II Ọba 6:32

Ọ keghi gie ya mu Elaisia vbe uwu ẹghẹ na, Elaisia kevbe avbe eniwanrẹn eso ni do tuẹ ọe kegha rre owa ẹre. Ọmwa ne ọba gie ẹre uhunmwu ghi te sẹ evba, Elaisia keghi tama iran wẹẹ, “Izigha ni gie ọmwa wẹ ne ọ do gbe mwẹ uan. Ọ gha sẹ emwa na, wa khui urho, wa ghẹ gie ẹe la owa. Ọba tobọ ẹre wa vbe lele ẹe ẹre iyeke dee.”

Job 42:10

Ugbẹn vbe Job ghi na erhunmwu ne esiọ re eheha nẹ, e Nọyaẹnmwa keghi dọlegbe giẹ agbọn ma rẹn, ọ keghi viọ emwi ukhukhu eva ọghe ne ọ te ka mwẹ ne ẹẹn.

Job 5:20

Ukhunmwu gha rre, ọ gha daa yi ye agbọn, kevbe ẹghẹ okuo, ọ ghi degue ruẹ, hin obọ uwu.

Psalm 124:7

Ma lẹ fe, zẹ vbene ahianmwẹ yuo hin ifi ọgbahianmwẹ rre ifi dọn fua, ma sannọ kua!

Psalm 144:10

Wẹ ọ re ọ rhie akhọnmiotọ ne avbe ọba, u keghi vbe miẹn Devid ne ọguọmwadia ruẹ fan,

Psalm 6:8

Wa kpao vbe ehe ni I ye rre, emwa dan, E Nọyaẹnmwa họn eve mwẹ nẹ.

Psalm 66:12

U gie avbe eghian mwa ya owẹ rrilo mwa muotọ; ma la erhẹn kevbe uromwẹ amẹ gberra sokpan, banbanna nian, u viọ ima gha die ehe ne ẹbe i ye.

Ẹksọdọs 18:4

Ọ kevbe kha wẹẹ, “Osanobua avbe erha mwẹ ọre ọ yọmwẹ obọ, ọ na miẹn mwẹ fan vba obọ umozo ọba Igipt”; ọre ọ na he ovbi ẹre ne okpia nọkpa Eliezẹ.)

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Jerimaia 26:24

Sokpan ne Ahikam ne ovbi e Siafan na gha rre esa ọghomwẹ, a ma mu mwẹ ne emwa nii ne iran gbe mwẹ uan.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

I Pita 4:12

Ọse mwẹ ni ghan, wa ghẹ gie edanmwẹ nọwegbe ne uwa miẹn ẹghẹ na, yan uwa unu uan, zẹ vbe emwi ne a ma he miẹn ẹdẹ.

Giọgis 15:8

Ọ keghi dekun iran ọghe ọhanabe, ọ na gbele ni bun vbe uwu iran, Ẹre ọ na kpao, ọ na ya di uvun okuta ne ọ rre ukpẹ oke Etam ya.

I Samuẹl 18:11

E Sọl keghi ya ekhọe ẹre ta ẹe wẹẹ, “I gha hae ginna ekẹn.” Ọ na fi asoro ni gie ẹe igba eva sokpan, e Devid keghi gban egbe nẹ vbe eveva.

I Samuẹl 19:10

E Sọl keghi te hia ne ọ ya asoro ẹre ha e Devid ginna ekẹn, sokpan, e Devid keghi bi egbe, asoro na ya de ba ye ekẹn, e Devid keghi lẹ fua, ọ na miẹn uhunmwu.

I Samuẹl 20:1

Ẹre Devid na lẹ kpao vbe Naiọt ne Rama rre, ọ na bu e Jonatan gha khian ya tama rẹn wẹẹ, “De emwi ne I ru? De a i ghẹ ru ne I ru? De abakuru ne I ru ghe erha a ne ọ na ho ne ọ gbe mwẹ uan?”