Hibru 11:27 - Edo Bible (E Baibol Ẹdo) Version 1996

²⁷ Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.

Hibru 11:27 ပူးပေါင်းရင်းမြစ်များ

Psalm 16:8

Ẹghẹ hia mẹ ya rẹn wẹ, Nọyaẹnmwa rre emwa na. Ọ sikẹ mwẹ, emwi ne ọ gha mu mwẹ rueghe ighi rrọ.

Ẹksọdọs 11:8

E Mosis keghi kha wẹẹ, “Ẹghẹ nii avbe ekhaẹmwẹ ruẹn na ghi bu mwẹ gha dee, iran ghi ya uhunmwu rhanmwẹ otọ mẹ wẹẹ, ‘Gha khian ke uwẹ kevbe emwa ruẹn. Iyeke ọnii, I ghi kpao.’ ” Ẹre Mosis na guọnmwẹ egbe kpao sẹ ọba Igipt rae.

Ẹksọdọs 12:11

Te uwa ra mu egbe okhian ya rriọe. Wa ghi gba ukpọn uwa ukugba ginna ẹkun, wa ghi viọ ibata ye owẹ, wa ghi viọ ọkpọ utuaotọ uwa mwẹ obọ, wa ghi rriọe okhirhikhirhi, Evbare Alagberra ọghe uyi mẹ ne Nọyaẹnmwa nọ.

Ẹksọdọs 12:50

Ivbi Izrẹl hia na wa ru vbene a kha re, iran keghi ru vbene Nọyaẹnmwa tama e Mosis kevbe Errọn.

Ẹksọdọs 4:19

E Nọyaẹnmwa keghi tama e Mosis vbe Midian wẹẹ, “Banbanna nian, dọlegbe gha rrie Igipt, iran hia ni te ho ne iran gbe uẹ ua wulo nẹ.”

Matiu 10:22

Emwa hia gha mu ohu uwa rhunmwuda mwẹ. Sokpan ọmwa ne ọ mu uhunmwu kọe ya sẹ ufomwẹ, a gha miẹn rẹn fan.

Matiu 24:13

Sokpan ọmwa ne ọ da ẹe yi ya sẹ ufomwẹ, ọre a gha miẹn fan.

Iyẹn ne ọ Maan Ọghe Mak 13:13

Emwa hia ghi gha khuiwu uwa ba ẹmwẹ mwẹ. Sokpan ọmwa ne ọ mu uhunmwu ke ọe ya sẹ ufomwẹ, a gha miẹn rẹn fan.

Iyẹn ne ọ Maan Ọghe Mak 4:17

Sokpan ọ ma la iran ekhọe ẹse, ẹ i vbe tọ. Ugbẹn vbe orueghe kevbe ukpokpo ghi rre rhunmwuda ne ne ẹmwẹ, emwa na keghi wa zẹgiẹ kie werriegbe.

Iwinna 2:25

Rhunmwuda, ẹmwẹ ne Devid tae vbe ekpa ẹre ọre ọna khin: “ ‘Ẹghẹ hia ọre I ya bẹghe Nọyaẹnmwa vbe odaro mwẹ, rhunmwuda, ọ rre obọ erha ọmwa mwẹ, ne ohan ghẹ miẹn ehe na mu mwẹ.

I Kọrinti 13:7

Ẹtin i fo aho ẹmwẹ ọmwa ne ọ zobọ iyayi, idaehọ kevbe i ziengbe ẹre i fi raa.

II Kọrinti 4:18

Rhunmwuda, ẹ i re emwi ne a dẹghe ma rhie aro daa, sokpan avbe emwi ne a i dẹghe nọ. Emwi ne a sẹtin dẹghe, ovbi ẹghẹ kherhe ọre ọ ya vbe otọ, sokpan emwi ne a i dẹghe ọre ọ rrọ ẹdẹdẹmwẹdẹ.

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

I Timoti 6:16

Rẹn ọkpa kẹkan ọre ne ẹ i wu ẹdẹ, ne ọ rre uwu uwanmwẹ ne ẹ i gie a ghe. Ọmwa ne ọmwa ọkpa ma he ye aro kan, kevbe ne ọmwaikọmwa i sẹtin miẹn ọre aro, ọghọe ọre uyi khin deba ẹtin etẹbitẹ. Isẹ.

Hibru 10:32

Wa roro vbe ne ọ gha ye uwa hẹ, ẹghẹ ne ọ gberra. Ẹkpo nii, vbe uwanmwẹ Osanobua ghi wan mu uwa nẹ, wa rri oya emwi ni bun, sevba ọlọghọmwa nii ma gbele uwa kua.

Hibru 11:1

Ne a gha mwẹ iyayi ọrọre ne I aro ọmwa da emwi ne a mwẹ idanmwehọ ẹre, ne ekhọe ọmwa mu emwi ne a ma he dẹghe.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 6:15

Ebraham mwẹ iziengbe, rhunmwuda ọnii emwi ne Osanobua ve keghi sẹ ọre obọ.

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.