Hibru 11:26 - Edo Bible (E Baibol Ẹdo) Version 1996

²⁶ Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.

Hibru 11:26 ပူးပေါင်းရင်းမြစ်များ

Psalm 37:16

Ive emwi kherhe ne ọmwata mwẹ, sẹ ẹfe emwa dan hia fẹẹrẹ,

Psalm 69:20

Ihẹn ne iran tie ya ekhọe mwẹ rhia, emwi hia wa khan mwẹ. Te I te rhie aro ye itohan, sokpan I ma miẹn, I te rhie aro ye egberọkhọmwẹ sokpan, ọ ma sẹ mwẹ obọ.

Psalm 69:7

Rhunmwuda ruẹ ọ re a na tie ihẹn mẹ, ne a na vbe ya ekhue rhu mwẹ ginna otọ.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Itan 23:18

Ọ gha ye vbe rrio, umamwẹ rre odaro.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Matiu 10:41

Ọmwa ne ọ miẹn ọguọmwadia Osanobua yi rhunmwuda ighẹ ọguọmwadia Osanobua nọ, ọ gha ghae vbe ere ẹre. Ọmwa ne ọ vbe miẹn ọmwa esi yi rhunmwuda ighẹ ọmwa esi nọ, ọ gha vbe ghae vbe ere ẹre.

Matiu 5:12

Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Matiu 6:1

“Mu egbe ruẹ ye ọghọ ne iwinna ugamwẹ iyayi ruẹ ghẹ gha re ọghe nababẹghe mwẹ, ọ gha khian ọghe ne a ya voro vberriọ nẹ, Erhaa ne ọ rre ẹrinmwi i ghi san ruẹ ẹse.

Iyẹn ne ọ Maan Ọghe Luk 14:14

a gha fiangbuẹ, rhunmwuda iran i sẹtin ha ruẹ use. Osanobua gha ha ruẹ osa vbe ẹghẹ ne a gha na huẹn avbe emwata kpaegbe vbe idin.”

Iyẹn ne ọ Maan Ọghe Luk 14:33

Jesu keghi kha wẹẹ, “Erriọ ọ wa ye zẹ, ne ọ gha sẹtin ru ọrhuanegbe vbe uwu uwa i rrọọ a deghẹ Ọ ma sẹ emwi nẹ ọ mwẹ hia rae.

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

II Kọrinti 12:10

Ẹko ẹre vuọn mwẹ ighẹ ne I ma na wo vbe egbe, ne a na tie ẹbọ mẹ, ẹsọn, ukpokpo, kevbe orueghe rhunmwuda Kristi. Rhunmwuda ẹghẹ ne I ma na wo vbe egbe ọre I na mwẹ ẹtin.

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Filipai 3:7

Sokpan avbe emwi nii hia ne I mẹ gha te gha ka ye okpe ere, ọ rhiae ọre I ghi ka ẹe yi nian, rhunmwuda Kristi.

Hibru 10:33

Ẹghẹ eso ne a na gha rhovbiẹ uwa sirra emwa hia, a na gha ru uwa emwi oya, ke ẹghẹ eso ọvbehe, wa keghi mu egbe ne uwa yaba avbe emwa ne a ru ẹre emwi vberriọ.

Hibru 10:35

Wa ghẹ gie egbe wọ uwa khekherriọ, rhunmwuda, ere nọkhua ọre ọ la dee.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Hibru 13:13

Rhunmwuda ọnii nian, wa gie ima kpao vbe agọ rre ya vba ẹre, ne ima vbe ya egbe viọ vbe emwi ekhue ẹre.

Hibru 2:2

A miẹn ọẹn wẹ, ẹmwẹ ne avbe odibo Osa do ta, ẹmwata nọ, kevbe wẹ, ọmwaikọmwa ne ọ ma ya ẹe ru emwi ra ne ọ ma ru vbe ne ọ khare, ọ ghi rri oya ne ọ ma ẹn.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.

Arhie Maan 2:9

I rẹn emwi ne ọ kpokpo uẹ. I rẹnrẹn ighẹ ovbiogue ọre u khin sokpan vbe ne ẹmwata, ọmwa ẹfe ọre u khin! I vbe rẹn ẹmwẹ dan ne iran talọ vbe ekpa ruẹ ighẹ iran ni wẹ Ju ọre iran khin, vberriọ iran i re ọre, otu ne Setan yanrẹn ọre iran khin.

Arhie Maan 3:18

Rhunmwuda ọnii, I gu uẹ zẹ iro nian ne u do gun mwẹ dẹ igoru, igoru ne a ma gua, ne u miẹn ehe na fe. Vbe dẹ ogbọnmwọkpa ya gha mu egbe, ne u rhuan ẹn gue irhunmwirhun efaa ne u ye. U ghi vbe dẹ ukhunmwu eso gha ya ye aro, ne u miẹn ehe na gha dẹghe.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”