Hibru 11:19 - Edo Bible (E Baibol Ẹdo) Version 1996

¹⁹ Te Ebraham wa rhie aro yọ wẹ, Osanobua gha sẹtin dọlegbe huẹn Aizik kpaegbe vbe idin, a sẹtin kha khekherriọ wẹ, a gele rhie Aizik ke idin werriegbe gie Ebraham.

Hibru 11:19 ပူးပေါင်းရင်းမြစ်များ

Gẹnẹsis 22:13

Ebraham ghi tọn aro mu, ọ ke bẹghe ogho ọkpa ne ẹti gbalọ ẹre igho. Ọ na ya muẹn, ọ na ya zọ ese na giẹn uan ye ihe ovbi ẹre nokpia.

Matiu 12:36

“Ne I tama uwa, ọ gha sẹ ẹdẹ ibuohiẹn, dọmwadẹ ọghọe gha la erhan ẹzọ ba ẹmwẹ oya ne ọ ya unu ẹnrẹn ta.

Matiu 9:28

Ugbẹn vbe Jesu ghi la uwu owa, avbe arhuaro ni na bu ẹre gha dee, Jesu keghi nọ iran wẹẹ, “Wa yayi ighe mẹ gha sẹtin ruẹe?” Iran wanniẹn tama rẹn wẹẹ, “Ma yayi Nọwanrẹn.”

Ebe ne Pọl gbẹẹn gie emwa Rom 5:14

Sokpan ke ẹghẹ Adam gha dee do sẹ ẹghẹ Mosis, uwu keghi mu yan emwa hia, ya sẹ egbe avbe emwa ne ọ ma ru khọ zẹ vbene Adam rukhọ vbekpa ne ọ ma na ru vbene Osanobua kha re. Adam keghi re emwi ne a ya gie ọmwa ne ọ dee.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.

Hibru 9:9

Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.