Hibru 11:13 - Edo Bible (E Baibol Ẹdo) Version 1996

¹³ Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 11:13 ပူးပေါင်းရင်းမြစ်များ

Gẹnẹsis 21:34

Ebraham kegha rre ẹvbo avbe Filistin vbe ẹghẹ ne ọ taẹn.

Gẹnẹsis 23:4

“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.”

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Gẹnẹsis 49:18

I diakhẹ ẹghẹ imiẹnfan ruẹn Osanobua.

Gẹnẹsis 49:28

Enena ọrọre ẹwae iweva ni rre Izrẹl, ena ọ vbe re ẹmwẹ ne erha iran tama iran. Vbe ehe ne ọ na ya ẹmwẹ ne ọrhiẹnrhiẹn gbe ọ khian ẹdẹ hia ne iran.

Gẹnẹsis 49:33

E Jekọb ghi ru igiodẹ ma ivbi ẹre nẹ, ọ keghi ya iyeke ho otọ, ọ na zẹ ukpọn obọ.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

Job 19:25

Sokpan, mẹ rẹnrẹn ighẹ arhiọnkpa rre ẹrinmwi, ne ọ gha do mu ẹzọ mwẹ gui.

Psalm 119:19

Ovbi ẹghẹ kherhe ọ re I ya rre agbọn na, ghẹ rhie iyi ruẹ lẹre mẹ.

Psalm 39:12

Họn erhunmwu mwẹ Nọyaẹnmwa ne u vbe rhie ehọ ye eve mwẹ larre ne u do yọmwẹ obọ vbe I a gha viẹ. Ẹghẹ kherhe ọ re I mwẹ ne I gha ya vbe ehe ne u ye. Zẹ vbene avbe erha mwẹ odede vbe ye.

Ẹksọdọs 2:22

Okhuo nii keghi biẹ ọmọ okpia ọkpa. E Mosis ke kha wẹẹ, “Ọrriọvbe ẹre I khin vbe ẹvbo ẹrrẹe, ọre I na he ere Gẹsiọm.”

Levitikọs 25:23

“Wa ghẹ khiẹn otọ uwa fua fẹẹrẹ, rhunmwuda ẹ i re ọwuẹ ọghe Osanobua nọ, te uwa ye vbe orhunmwuyẹn ne a kue yọ ẹre ne ọ gha lo ẹre.

Nọmbas 10:30

E Hobab keghi wanniẹn wẹẹ, “Ẹn o, I rrie ẹvbo mwẹ,”

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Matiu 13:17

Wa yerre ighẹ akhasẹ kevbe emwa Osanobua nibun ọre ọ te gha ho ne iran miẹn emwi ne uwa miẹn na, sokpan iran ma miẹn ọẹn, kevbe ne iran vbe họn emwi ne uwa họn ẹn, sokpan iran ma họn ẹn.

Iyẹn ne ọ Maan Ọghe Jọn 12:41

Te Aizaia ta ẹmwẹ na rhunmwuda ighẹ ọ miẹn uyi Jesu, ọ na mu go.

Iyẹn ne ọ Maan Ọghe Jọn 8:56

Ẹko sẹ Ebraham ne erha uwa ọyẹnmwẹ wẹ aro ẹre gha sẹ ẹghẹ mwẹ, aro ẹre sẹ ọe, ọ keghi ghọghua.”

Ebe ne Pọl gbẹẹn gie emwa Rom 4:21

Rhunmwuda ekhọe ẹre wa muẹn gbangbaangban wẹ Osanobua gha sẹtin ru vbe ne ọ yan rẹn.

Ebe ne Pọl gbẹẹn gie emwa Rom 8:24

Rhunmwuda, idaehọ ọre a ya miẹn ima fan. Sokpan, deghẹ ma bẹghe emwi ne a mwẹ idaehọ ẹre nẹ, ọnii i ghi re idaehọ. Wa he vbe miẹn ọmwa ne ọ rhie aro ye odẹ gha khẹ emwi ne ọ rre ọre obọ nẹ ra?

II Kọrinti 4:18

Rhunmwuda, ẹ i re emwi ne a dẹghe ma rhie aro daa, sokpan avbe emwi ne a i dẹghe nọ. Emwi ne a sẹtin dẹghe, ovbi ẹghẹ kherhe ọre ọ ya vbe otọ, sokpan emwi ne a i dẹghe ọre ọ rrọ ẹdẹdẹmwẹdẹ.

II Kọrinti 5:6

Rhunmwuda ọna ọre udu na hu ima vbe ẹghẹ hia. Ma rẹnrẹn wẹ, ẹghẹ ne ima a rhirhi ya vbe uwu egbe na, te ima lahin uwu owa Nọyaẹnmwa rre.

Ẹfisọs 2:19

Rhunmwuda ọnii nian, wa ne ẹ i re Ju i ghi re ọrriọvbe ra orhunmwuyẹn ọvbehe, ivbi ẹvbo ọkpa wa ghi gu emwa Osanobua khin, wa keghi vbe re ivbi ẹgbẹe Osanobua.

Hibru 11:14

Emwa ni guan vberriọ wa rhie maa wẹ, ẹvbo ne ọre ọghe iran ọre iran gualọ khian.

Hibru 11:17

Iyayi ọre ọ ya Ebraham ya Aizik ne ovbi ẹre zọ ese vbe Osanobua danmwẹ Ebraham ghe. Ebraham ọrọre ọmwa ne Osanobua ve ẹre emwi, sẹ evba, ọ keghi wa ye mu egbe ne ọ ye ovbi ẹre ne ukpọmọkpa zọ ese.

Hibru 11:27

Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.

Hibru 11:39

U miẹn emwi ne iran na he ya iyayi iran ru! Sẹ evba, emwi ne Osanobua ve ma sẹ iran obọ.

I Pita 1:1

E Pita ne ukọ Jesu Kristi ọre ọ gbẹn ebe na gie emwa ne Osanobua hannọ zẹ ni ragha zẹ vbe emwa ne ọlọghọmwa ya lẹ hin owa rre, gba ikinkin ọghe Pọntus, Galatia, Kapadonia, Esia kevbe Bitinia.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

I Jọn 3:19

Vbenian ọre ima gha ya rẹn khekherriọ ighẹ obọ ọghe uhunmwu ẹmwẹ ma ye. Vbenian ọre ekhọe mwa gha na sẹ otọ vbe odaro Osanobua.