Hibru 11:1 - Edo Bible (E Baibol Ẹdo) Version 1996

¹ Ne a gha mwẹ iyayi ọrọre ne I aro ọmwa da emwi ne a mwẹ idanmwehọ ẹre, ne ekhọe ọmwa mu emwi ne a ma he dẹghe.

Hibru 11:1 ပူးပေါင်းရင်းမြစ်များ

Psalm 27:13

Mẹ rẹnrẹn i ghẹ I gha tọ miẹn ọma ọghe Nọyaẹnmwa vbe arria na.

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

I Kọrinti 13:13

Wanwanna, iran eha ọre ọ rrọọ, iyayi, idaehọ, kevbe aho ẹmwẹ ọmwa, ne ọ sẹ re vbe uwu iran eha na ọrọre aho ẹmwẹ ọmwa.

II Kọrinti 11:17

Sokpan ẹmwẹ ne I ra guan na, ẹ i re egbe ẹmwẹ ne Nọyaẹnmwa gha te wẹ ne I guan, vbe nọ dekaẹn ẹmwẹ orhuọ ne a rhuọ na, te I wa guan vbe akpa.

II Kọrinti 4:18

Rhunmwuda, ẹ i re emwi ne a dẹghe ma rhie aro daa, sokpan avbe emwi ne a i dẹghe nọ. Emwi ne a sẹtin dẹghe, ovbi ẹghẹ kherhe ọre ọ ya vbe otọ, sokpan emwi ne a i dẹghe ọre ọ rrọ ẹdẹdẹmwẹdẹ.

II Kọrinti 5:17

Ọmwaikọmwa gha yegbe ba Kristi nẹ, ọmwa ọgbọn ghi nọ, emwi nẹdẹ hia rrie, emwi ọgbọn rre nẹ.

II Kọrinti 5:7

Rhunmwuda, ekpa iyayi ọre ima ya rre agbọn na, ighẹ ẹ i re wẹ ma miẹn otọ ẹre nẹ.

II Kọrinti 9:4

Ra deghẹ ẹ i re vberriọ, a deghẹ emwa Masidonia lele mwẹ rre, iran na do vba ighẹ wa ma he mu egbe, u miẹn vbene ekhue gha mu ima hẹẹ, ne a ghẹ zẹdẹ ta ọghe emwi ekhue uwa, ne ima na wa ye obọ so udu ye ẹmwẹ uwa vberriọ.

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Taitọs 1:1

E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 10:39

Ma i rre uwu emwa ni werriegbe, iran na vbe wirua, sokpan ma mwẹ iyayi, a keghi miẹn mwa fan.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 11:27

Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 6:12

Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.