Hibru 10:37 - Edo Bible (E Baibol Ẹdo) Version 1996

³⁷ Rhunmwuda zẹ vbene ebe khare, “Ọ gha ghi kpẹe kherhe, ọmwa ne ọ dee gha rre, Ẹ i ra yae rhọ eghẹrẹ.

Hibru 10:37 ပူးပေါင်းရင်းမြစ်များ

Aizaia 26:20

Wa la uwu owa uwa, wa ne emwa mwẹ, ne uwa khui urho ke egbe yi. Wa ya lẹre nẹ kherhe, ohu Osanobua te do dọyọ.

Aizaia 60:22

Uhin wẹ ẹgbẹe ne ọ kanmwa sẹ ke ne ọ rriotọ sẹẹ gha do gha kpọlọ zẹ vbe uhunmwu ẹvbo ne ọ mwẹ ẹtin. Ọ gha sẹ ẹghẹ ne ọ kei yi, I gha ru ẹe ne ọ na sunu ẹgiẹgiẹ. Mẹ ọrọre Nọyaẹnmwa.”

Matiu 11:3

Iran nọ Jesu wẹẹ, “Tama ima, wẹ ọrọre ọmwa ne Jọn wẹẹ ọ dee ra ne ima gha khẹ ọmwa ọvbehe?”

Iyẹn ne ọ Maan Ọghe Luk 18:8

Ne I tama uwa, ọ gha zẹgiẹ do buohiẹn ne iran. Sokpan Ovbi Ọmwa gha rre, ọ gha miẹn iyayi vbe agbọn?”

Filipai 4:5

Gha yin uyinmwẹ ọmẹhẹ da emwa hia, Nọyaẹnmwa dee ẹgiẹgiẹ.

Hibru 10:25

Wa ghẹ gie a do obọ iko ne a do miẹn egbe yi, zẹ vbene emwa eso ru na, sokpan wa gie a rhie igiẹdu ne egbe, kpataki vbe ne a na wa miẹn nian wẹ, Ẹdẹ Nọyaẹnmwa sẹ otọ fo nẹ.

II Pita 3:8

Sokpan wa ghẹ mianmian ẹmwẹ ọkpa na, wa ne ọse mwẹ ni ghaan wẹ, vbe aro Nọyaẹnmwa ẹdẹ ọkpa kevbe ukpo arriaisẹn, a lughaẹn ne egbe i rrọọ, ọkpa ọre iran eva khin vbe odaro ẹre.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.

Arhie Maan 22:20

Ọmwa ne ọ sẹ osẹe ye emwi na hia khare wẹ, “Erriọ wa nọ zẹẹ, I dee banbanna!” Erriọ ogha ye. Gha dee Nọyaẹnmwa Jesu!