Hibru 10:34 - Edo Bible (E Baibol Ẹdo) Version 1996

³⁴ Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Hibru 10:34 ပူးပေါင်းရင်းမြစ်များ

Asan-Ibo 3:6

ọ rhie ẹghẹ yọ ne a ya mu fua, ọ rhie ẹghẹ yọ ne a ya miẹn rhie, ọ rhie ẹghẹ yọ ne a ya si koko, ọ rhie ẹghẹ yọ ne a ya zagha kua,

Matiu 19:21

Jesu tama rẹn wẹẹ, “U gha ho ne ọ gba nuẹn fo, ya khiẹnnẹ emwi hia ne u mwẹ, viọ igho ẹre ne avbe ivbiogue, u gha mwẹ ẹfe vbe ẹrinmwi, bu mwẹ gha dee ne u do gha lele mwẹ khian.”

Iyẹn ne ọ Maan Ọghe Luk 10:42

Sokpan emwi ọkpa kẹkan sẹe, Meri zẹ emwi ne ọ kere nẹ, a i ghi miẹn ẹre re ọvbehe.”

Iyẹn ne ọ Maan Ọghe Luk 12:33

Khiẹn emwi ne u mwẹ hia ne u gha igho ẹre ne avbe ivbiogue. Wa gualọ ẹsiso ne ẹ i khian ọmaẹn, ne uwa si emwi ewe uwa koko ye ẹrinmwi, ehe ne ẹ i na dibu, rhunmwuda oyi i sẹ evba, arriukpa ẹ i rhia ẹe rua.

Iyẹn ne ọ Maan Ọghe Luk 9:25

De ere ne ọ rrọ ne ọmwa, deghẹ agbọn na hia sẹ ọre obọ vbe ne irẹn tobọ ẹre na gu ebi ro. Ẹ i zẹdẹ mwẹ esa.

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 28:20

Ọnii ọ siẹe ne I na wẹ I ho ne I miẹn uwa ne I vbe gu uwa guan, rhunmwuda wẹ, rhunmwuda omwa ne Izrẹl la ekpa re mwẹ idaehọ, ọre a na guọ eghan na yọ mwẹ obọ.”

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

II Kọrinti 5:1

Rhunmwuda, ma rẹnrẹn wẹ, okhogbo ne ima ye na ọnii ọre egbe ne ima mwẹ vbe agbọn na — a gha sin ẹnrẹn kua nẹ, Osanobua gha rhie owa ne ima gha ye vbe ẹrinmwi, ne irẹn tobọ ẹre bọe, owa ne ọ gha rrọọ rhinrin ẹdẹdẹmwẹdẹ.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Kọlose 1:5

Ẹghẹ ne ikporhu ẹmwata nii, ighẹ Iyẹn Ne ọ maa na ka sẹ ehe ne uwa ye, wa keghi họn vbene ọ rhie idaehọ ne ọmwa hẹ. Rhunmwuda ọnii, iyayi kevbe aho ẹmwẹ ọmwa keghi re ne ọ hẹnhẹn egbe yan emwi ne uwa danmwehọ ẹre, emwi ne a dọlọ yi ye otọ khẹ uwa vbe ẹrinmwi.

I Timoti 6:19

Odẹ vbenian ọre iran gha na si koko ne egbe iran, emwi ewe ne ọ gha re ẹyotọ ne ọ deziẹn, ne iran ẹdẹ ne akhuẹ. Ẹghẹ nii, iran gha sẹtin khọn miẹn arrọọ ọghe ẹmwata.

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 11:16

Sokpan, ẹvbo ne ọ maa sẹ ọnii ọre iran rhie aro yi, ẹvbo ẹrinmwi. Rhunmwuda ọnii, ekhue ẹre i mu Osanobua vbe ọ wẹ ne iran gha tie irẹn Osanobua iran, rhunmwuda, ọ rhie ẹvbo ye otọ khẹ iran nẹ.

Hibru 13:14

Rhunmwuda ma i mwẹ ẹvbo etẹbitẹ vbe agbọn na, ẹvbo ne ọ dee ọre ima rhie aro yi.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.

Hibru 9:15

Rhunmwuda ọnii, ọre a na miẹn wẹ, Kristi ọre ọ mwamwa ile ọghọgbọn, ne afiangbe etẹbitẹ ne Osanobua ve, miẹn ehe na sẹ iran obọ ighẹ avbe emwa ne Osanobua tie re. Te ọna ghi gia ru nian, rhunmwuda, ọmwa ọkpa wu, ne ọ fannọ emwa hin orukhọ ne iran ru ẹghẹ ne iran na gha rre ototọ ile ne okaro rre.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

I Pita 1:4

Rhunmwuda ọnii, te ima ghi rhie aro ye odẹ wẹ, ọ gha sẹ ima obọ vbe afiangbe ọrhẹnrhẹn ne Osanobua rhie khẹ emwa rẹn. Ọ rhie ẹre hin rre khẹ uwa vbe ẹrinmwi, ehe ne ẹ i na sẹtin kẹkẹ na ne ọ rhia, ra ne ọ fafaa.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.