Hibru 10:3 - Edo Bible (E Baibol Ẹdo) Version 1996

³ Sokpan, vbene ọ ghi ye na nian, te ese ne a zọọ nii ghi ye emwa ẹmwẹ orukhọ iran rre, ke ukpo dinna ukpo.

Hibru 10:3 ပူးပေါင်းရင်းမြစ်များ

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

Ẹksọdọs 30:10

Errọn ghi ru ugamwẹ ayabọ orukhọ ọghe ukpẹ enenẹ nii rrọọ uhukpa vbe ukpo. Ọ ghi lo esagiẹn emwi ne a gbe ya zọ ese ye orukhọ. Wa ghi yevbe gha ru vberriọ vbe orre ne ọ dee. A ghi gie ẹe gha re aka ne ọ huanrẹn ẹsẹse ne a ya fi ohan ne imẹ ne Nọyaẹnmwa.”

Levitikọs 16:34

Emwamwa na, te a ra gha ru ẹe khian ẹdẹdẹmwẹdẹ. A ghi gha ru iruemwi na uhukpa vbe ukpo ne a ya gha kpe ivbi Izrẹl huan hin orukhọ rre. E Mosis keghi ru vbene Nọyaẹnmwa khare.

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iyẹn ne ọ Maan Ọghe Jọn 2:17

Avbe erhuanegbe ẹre keghi do yerre ighe ebe tae nẹ wẹẹ, “Ẹmwẹ owa ruẹ gha fian mwẹ re Osanobua, ọ ghi ye vbe erhẹn vbe uwu imẹ.”

Hibru 9:7

Sokpan Ogie Ohẹn ọkpa ọre ọ la Ọgua ukpọn ne ọ ke uwu ẹre, uhukpa ọre ọ vbe ru vberriọ vbe ukpo. Ọ ghi mu esagiẹn mwẹ, ọnii ọre ọ ya zọ ese ne egbe ẹre, kevbe ye orukhọ ne emwa ni hia ru, vbe ne iran ma na rẹn.