Hibru 10:27 - Edo Bible (E Baibol Ẹdo) Version 1996

²⁷ Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.

Hibru 10:27 ပူးပေါင်းရင်းမြစ်များ

Psalm 21:9

Ọ gha fuẹn iran hia a zẹvbe okperhẹn, vbe irẹn a ladian. Nọyaẹnmwa gha fuẹn iran an vbe ohu ẹre, erhẹn gha giẹn iran an.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Ezikiẹl 36:5

“Mẹ ne Nọyaẹnmwa ne Udazi, vbene ohu wa ya mu mwẹ ọ re I ya gu avbe ẹvbo ni yin lẹga ẹre guan, kpataki Idọm. Iran keghi ye ọpakharha kevbe a i zama ọmwa khọn otọe mwẹ, iran na vbe munọ avbe ehe ne aranmwẹ na rria ni rrọọ.

Ezikiẹl 38:19

Uwu ohu nọkhua ne ọ mu mwẹ ọ re I na tae na wẹ igbohiotọ nọkhua gha sunu vbe Izrẹl vbe ẹdẹ nẹdẹrriọ.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Joẹl 2:30

“I gha rhie ama emwi ne ọ ra sunu ẹdẹrriọ ma emwa, vbe iso kevbe otọ, esagiẹn gha rrọ kevbe erhẹn kevbe ighogho ne ọ bi vbe amẹ.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Matiu 13:42

A ghi hẹ iran ku uwu ọgẹn erhẹn ne iran ya gha viẹ egbe, kevbe ne iran vbe ya gha rri akọn khuara vbe evba.

Matiu 13:50

Iran ghi hẹ iran ku uwu ọgẹn erhẹn. Iran ghi gha viẹ egbe, iran ghi vbe gha rri akọn khuara vbe evba.”

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Matiu 8:29

Iran keghi datu vbe udomwurri wẹẹ, “Vbọ kan ima kan ruẹn yi, wẹ ne Ovbi Osanobua? Te u rre do rri ima oya khẹ ọ dee ra?”

Iyẹn ne ọ Maan Ọghe Luk 16:24

Rẹn keghi datu wẹẹ, ‘Ebraham ne Evbavba! Tohan mwẹ ne u gie Lazarọs ne ọ ya fi ukpẹ ihiẹn obọ ye amẹ do nọnọ ya fu mwẹ aranmwẹ rre, rhunmwuda erhẹn na ya mwẹ rrie!’

Iyẹn ne ọ Maan Ọghe Luk 19:27

Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”

Iyẹn ne ọ Maan Ọghe Luk 21:26

Emwa gha fọrhiọn ba ẹmwẹ ohan nọ mu iran vbe ehe ne iran na de gọọ, gha khẹ vbe ne agbọn ghi ra ru hẹ, rhunmwuda a gha kpẹngiẹn ẹtin ni rre ideghedeghe aro iso hin ẹzi iran rre.

Iyẹn ne ọ Maan Ọghe Luk 23:30

Ẹdẹ ne ẹdẹrriọ ọre emwa gha khama oke nekhua wẹẹ, ‘De rhu ima!’ kevbe avbe oke negiẹrẹ wẹẹ, ‘Gue ima muotọ.’

Iyẹn ne ọ Maan Ọghe Jọn 5:29

iran ghi ke unu idin iran ladian, a gha huẹn iran ni ru ẹse kpaegbe ne iran gha rrọọ, a gha huẹn iran ni ru emwi dan kpaegbe, a ghi bu abe gbe iran.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 12:29

Rhunmwuda Osanobua mwa, erhẹn ne ọ fuẹn emwi uan nọ.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Jems 5:3

Ọtọn gbe igho nọfua kevbe ne ọ baa ọghe uwa, ọtọn na ọre ọ ra sẹ osẹe gbe uwa, ọ ghi vbe rri uwa efun egbe zẹ vbe erhẹn. Wa silo ẹfe gboo nẹ vbe ẹdẹ okiekie na.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.