Hibru 10:25 - Edo Bible (E Baibol Ẹdo) Version 1996

²⁵ Wa ghẹ gie a do obọ iko ne a do miẹn egbe yi, zẹ vbene emwa eso ru na, sokpan wa gie a rhie igiẹdu ne egbe, kpataki vbe ne a na wa miẹn nian wẹ, Ẹdẹ Nọyaẹnmwa sẹ otọ fo nẹ.

Hibru 10:25 ပူးပေါင်းရင်းမြစ်များ

Matiu 10:15

Ne I tama uwa ọ gha sẹ ẹdẹ ibuohiẹn, Osanobua gha tohan emwa ni rre Sọdom kevbe Gomorra sẹ emwa ni rre ẹvbo ni.

Matiu 18:20

Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”

Iyẹn ne ọ Maan Ọghe Jọn 12:48

Ọmwa ne ọ ma rhan obọ miẹn mwẹ kevbe ne ọ ma vbe ya ẹmwẹ mwẹ yi, ọmwa ne ọ gha bu ohiẹn ọnrẹn rrọọ. Ẹmwẹ ne I guanrẹn ọre ọ ra bu ohiẹn ọnrẹn vbe ẹdẹ okiekie.

Iwinna 16:16

Ẹdẹ ọkpa, ma ghi rrie ehe ne a na na erhunmwu, ọvbokhan okhuo ọkpa, ne ọre ọviẹn, ne ọ vbe mwẹ orhiọn dan nọ yae miẹn aro, keghi khian vbe ima. Igho ọrhẹnrhẹn ọre ọ ye aro me ọ miẹn nii khuan ne enarẹn.

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

Iwinna 2:42

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Iwinna 20:7

Vbe Ẹdẹ uzọla, ma keghi si egbe koko ne a rri evbare ivbiotu. Pọl kegha gu avbe emwa ni guan, ọ keghi guan rhinrin ya sẹ ogiasọn rhunmwuda rẹn gha kpao vbe ẹdẹ a gbe.

Ebe ne Pọl gbẹẹn gie emwa Rom 12:8

Deghẹ ne a gha rhie igiọdu ne emwa ọvbehe nọ, gie a gha ru vberriọ, ọmwa ẹ ọ ghae ne emwa ọvbehe vbe emwi ẹnrẹn, giẹe gha ye ẹkoata ruẹe, ọmwa ne ọ mwẹ asẹ, wẹ ne ọ gha winna ẹsẹse, ọmwa ne ọ tohan emwa ọvbehe, giẹe gha ye aro ne ọ hian rẹn vbe uhunmwu ruẹe.

I Kọrinti 11:20

Wa gha do si egbe koko zẹ vbe otu, ẹ i re evbare ota Nọyaẹnmwa wa do gha re.

I Kọrinti 14:23

A deghẹ esọsi ghi si egbe koko, agbọn hia na wa suẹn gha ya urhu ne a ma rẹn guan, a deghẹ ọmwa kẹkan ra eni ma yayi eso la owa, ẹ i re te ọ ra kha ighẹ te uwa hia mwẹmwẹ?

I Kọrinti 14:3

Sokpan, ọmwa ne ọ kpe orhu Osanobua, emwa ne agbọn ọre ọ gu guan, ọ ghi gha rhie iyobọ, igiẹdu kevbe ifuẹko ne iran.

I Kọrinti 3:13

A gha rẹn vbene iwinna edọmwadẹ ọghọe ye hẹ vbe Ẹdẹ Kristi, ẹdẹ ne ọ gha we ehia uhe ua. Rhunmwuda, erhẹn ne Ẹdẹrriọ gha rhie iwinna edọmwadẹ ọghọe maa, erhẹn gha danmwẹ ọẹn ghe, ne a miẹn ehe na rẹn vbene ọ ye hẹẹ.

I Kọrinti 5:4

Wa gha do iko, mẹ gha vbe gha rre evba vbe ekpa ọghe orhiọn, vbekpa ẹtin Nọyaẹnmwa Jesu ne ọ gu ima rre evba.

Filipai 4:5

Gha yin uyinmwẹ ọmẹhẹ da emwa hia, Nọyaẹnmwa dee ẹgiẹgiẹ.

I Tẹsalonaika 4:18

Rhunmwuda ọnii, wa ye avbe ẹmwẹ na gha fu egbe ẹko rre.

I Tẹsalonaika 5:11

Rhunmwuda ọnọna, wa gha rhie ẹtin ye egbe iwu, wa gha ye egbe obọ zẹ vbene uwa wa ruẹe na.

Hibru 10:24

Wa gie ima gha zẹ ye ẹmwẹ egbe, ne ima gha ye egbe obọ, ne a gha mwẹ aho ẹmwẹ ọmwa, kevbe ne a gha ru emwi esi.

Hibru 10:37

Rhunmwuda zẹ vbene ebe khare, “Ọ gha ghi kpẹe kherhe, ọmwa ne ọ dee gha rre, Ẹ i ra yae rhọ eghẹrẹ.

Hibru 13:22

I rinmwian uwa etẹn mwẹ, ne uwa ye i ziengbe danmwehọ ikporhu igiẹdu na, rhunmwuda ebe ne I gbẹn gie uwa na ma tan gbe.

Hibru 3:13

Sokpan na ghẹ miẹn wẹ orukhọ rẹrẹ eso vbe uwu uwa do ya ẹe gha ze vbe udu, wa ghi gha ru iyobọ ne egbe ẹdẹgbegbe, ugbẹn vbe a miẹn wẹ “Ẹdẹnẹrẹ” ne ebe khare ye dekan ima.

Jems 5:8

Erriọ ọre ọ kere ne uwa vbe zin egbe. Wa gie ẹtin gha rre uwa iwu ẹsẹse rhunmwuda Ẹdẹ Nọyaẹnmwa bu otọ nẹ.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

II Pita 3:11

Vbene a ghi na miẹn nian wẹ erriọ ọre a ra ya fuẹn avbe emwi na hia ua, de egbe emwa ne ọ kere ne uwa gha khin? Wa gie edẹ agbọn uwa gha re ni huanrẹn, kevbe ne a ya fi ohan ne Osanobua,

II Pita 3:14

Rhunmwuda ọnii, wa ne ọse mwẹ vbe uwu ne uwa na mudia khẹ Ẹdẹ ne ẹdẹrriọ, wa ziga ne uwa gha re ni hianrẹn kevbe ne ẹ i mwẹ okan vbe odaro Osanobua, ne uwa guẹe gha rrọọ vbe ọfumwegbe.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.