Hibru 10:23 - Edo Bible (E Baibol Ẹdo) Version 1996

²³ Wa gie ima da idaehọ ne ima miẹn kue yi mwẹ gbain, rhunmwuda, ma gha sẹtin mu ẹtin yan Osanobua wẹ ọ gha ru vbene ọ khare.

Hibru 10:23 ပူးပေါင်းရင်းမြစ်များ

Psalm 26:1

Bu asẹ mẹ, Osanobua, rhunmwuda mẹ ru vbene ọ kei yi I keghi mu ẹtin yan ruẹn fẹfẹẹfẹ.

Eve Orriara 3:23

ọ ye rọkhọọ vbe owiẹ, ọ keghi vbe re ne ẹ i baku zẹvbe ne owẹn yanrre.

I Kọrinti 1:9

Osanobua ne ọ tie uwa ne uwa do gha gu Jesu Kristi ne Ovbi ẹre mu obọ, ọmwa ne ọ kere ne a mu ẹtin yan nọ.

I Kọrinti 10:13

Edanmwẹ ne uwa he miẹn hia, egbe ne emwa ọvbehe hia vbe miẹn nọ. Rhunmwuda, Osanobua gha yan an, te ọ muẹn sẹ, ẹ i ra kue ne a danmwẹ uwa ghe gberra vbene ẹtin uwa sẹe, sokpan ẹghẹ ne a na danmwẹ uwa ghe nii, ọ gha rhie ẹtin ne uwa ya ya egbe miẹn ẹnrẹn, ne uwa miẹn ehe na sẹtin do ọe fe.

II Kọrinti 9:13

Kevbe rhunmwuda emwi ne ọ ghi la ekpa iwinna uwa na vẹ ne agbọn rẹn, emwa ni bun ghi rhie uyi ne Osanobua ye ẹmwẹ iyẹn ne ọ maa ọghe Kristi ne ọ rre uwa ekhọe, kevbe ne uwa vbe yayi, kevbe obọ ẹse ne ọ tọlọ uwa ghe iran, kevbe emwa ọvbehe.

I Tẹsalonaika 5:24

Ọmwa ne ọ tie uwa gha ru ẹe rhunmwuda ọmwa ne ẹ i hiẹ ọmwa nọ.

II Tẹsalonaika 3:3

Sokpan ọmwa ne ọ gia mu ẹtin yan ọre Nọyaẹnmwa khin, ọ gha ya uwa wo vbe egbe, ọ ghi vbe miẹn uwa fan vbe obọ Ọmwa Dan nii.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Hibru 11:11

Iyayi ọre ọ do ya Ebraham khian ebaba, egbe ne a rhe ya miẹn wẹ, ọ khian ọmaẹn gbe nẹ, kevbe wẹ, Sera ne amwẹ ọnrẹn keghi vbe gha re agan. Ọ keghi mu ẹtin yan Osanobua wẹ, ọ gha ru vbene ọ khare.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

Jems 1:6

Sokpan, u gha na erhunmwu, u ghi yayi vbe ne a i na ba iro eva hiehiere, rhunmwuda, ọmwa ne ọ ba iro eva, te ọ yevbe ihu okun ne ẹhoho mu yo mu rre.

Arhie Maan 3:11

I dee ẹgiẹgiẹ. Emwi ne ọ gu uẹ, dae yi mwẹ gbain ne ọmwaikọmwa ghẹ ya gbe uẹ miẹn ruẹn igho ọmẹguae ne a se yuẹ obọ.