Hibru 10:1 - Edo Bible (E Baibol Ẹdo) Version 1996

¹ Uhi avbe Ju i re ama ẹmwata ne ọ gbae, ne a ya gie nene emwi tobọ ẹre. Te ọ te ra ye vbe emwi ne ọ khọ uwa ne ọ dee kherhe. Ese ọkpa ni ọre a zọọ ẹdẹdẹmwẹdẹ, ke ukpo dinna ukpo. Vbe nene Uhi i ghi ra na sẹtin ya egbe zọ ese vbe nian ye emwa ni bu Osanobua rre khian ni gbae hẹ?

Hibru 10:1 ပူးပေါင်းရင်းမြစ်များ

Levitikọs 9:16

Ọ na vbe mu aranmwẹ ọghe ese na giẹn uan rre, ọ na vbe ya ẹe zọ ese zẹ vbe odẹ na ru ẹe la.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Kọlose 2:17

Emwi na hia, aghọnghọn emwi ne ọ gha he rre iran khin, e Kristi ọrọre nene enakha vbe ẹmwata.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 7:11

Obọ uniẹn ivbi e Livai ni re ohẹn, ọre a la mu Uhi aghaeyihigbe ye otọ ne ivbi Izrẹl. Vbene ọ ghi ye na nian, akpawẹ te avbe ohẹn ne ivbi e Livai gbae fo, a i ghẹ ghi vbe wẹ ne a vbe dọlegbe rhie ohẹn ọvbehe ladian, ne ọ re uviẹn Mẹlkizẹdẹk, ne ẹ i re ọghe Errọn.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

Hibru 9:11

Sokpan Kristi rre nẹ, zẹ vbe Ogie Ohẹn ọghe avbe emwi ni maa ni rre emwa na nẹ, Ọgua ukpọn ne irẹn na ga, keghi re ne ọ kpọlọ sẹẹ, kevbe ne ọ vbe gba na sẹẹ, ẹ i re emwa ne agbọn ọre ọ ru ẹe, ọnii nọ wẹ, ẹ i re ọkpa vbe uwu emwi ni rre agbọn ne a yi na.

Hibru 9:23

Odẹ vbe nian, ọre a ya ya iran khian ni huanrẹn ighẹ a vbe emwi na ni re ama ne a ya taa ọghe ẹmwata ni rre ẹrinmwi. Sokpan ni wa rre ẹrinmwi ni rrọọ, emwi ni maa sẹ ena ọre a ya zọ ese ẹre.

Hibru 9:25

Ogie Ohẹn a vbe Ju, uhukpa vbe ukpo ọre ọ la uwu Ehe Ne ọ Huanrẹn, irẹn kevbe esagiẹn aranmwẹ ne ọ mu mwẹ. Sokpan Kristi ma la evba ya ye egbe ẹre zọ ese kugba kẹghẹrẹ.