Hibru 1:9 - Edo Bible (E Baibol Ẹdo) Version 1996

⁹ U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

Hibru 1:9 ပူးပေါင်းရင်းမြစ်များ

Psalm 11:5

Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 119:104

I miẹn ẹwaẹn ruẹ vbe uhi ruẹ, rhunmwuda ọnii, uyinmwẹ dan rhọkpa i ghi yẹ mwẹ.

Psalm 119:128

Rhunmwuda ọnii, mẹ lele igiodẹ ruẹ hia; I keghi vbe sọnnọ odẹ ne ọ ma gba hia.

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 23:5

Wẹ ye evbare mẹ re, sirra iran ne eghian mwẹ. Wẹ mu ọghọ orhunmwuyẹn yọ mwẹ egbe u keghi sa ukpu mwẹ ne ọ vuọn sẹ ukpẹ.

Psalm 33:5

E Nọyaẹnmwa ho ẹmwẹ emwi ẹmwata, kevbe ne ọ luro. Aho ẹmwẹ ọmwa ẹnrẹn ne ẹi beghe vuọn agbọn na.

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Psalm 45:6

Arriọba ne Osanobua mu ne uẹn, gha rrọ ẹdẹ kevbe ẹdẹdẹmwẹdẹ, wẹ ghi gha ya ẹmwata rriọba avbe emwa ruẹn.

Psalm 45:7

Wẹ ho ẹmwẹ emwi ne ọgbae u keghi khuiwu emwi ne ẹ i maa ọnii ọ re ọ siẹe ne Osanobua awẹ Osanobua ruẹ na hannọ uẹn zẹ ọ na ya ọyẹnmwẹ wẹ uẹ sẹẹ avbe ọba nekpa hia.

Psalm 89:20

I ya Devid ne ọguọmwadia mwẹ rri ọba nẹ, vbe ekpa ne I na sa ori ne ọ huanrẹn ye ọre uhunmwu.

Psalm 89:26

Rẹn gha tama mwẹ wẹẹ, ‘wẹ ọrọre erha mwẹ kevbe Osanobua mwẹ; wẹ ọrọre ne ọ degue mwẹ kevbe ọmiọnmwafan mwẹ.’

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Zẹkaraia 8:17

Wa ghẹ si uma emwi ne uwa gha ru egbe re. Wa ghẹ vẹn ihen ya sẹ osẹ ohoghe. I i zẹdẹ ho ẹmwẹ ohoghe, ẹkẹ vbe ero kevbe uyinmwẹ ibalegbe.”

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Jọn 1:41

Vbe ọwarọkpa nii, Andru keghi miẹn Saimọn ne ọtiọnrẹn, ọ keghi tama rẹn wẹẹ, “Ma miẹn nene Mẹzaia nẹ.” (Emwi ne a ya ọnii kha ọrọre “Kristi.”)

Iyẹn ne ọ Maan Ọghe Jọn 10:17

“Evbavba ho ẹmwẹ mwẹ, rhunmwuda, mẹ mu egbe vbe ẹghẹ hia ne I ya rhie orhiọn mwẹ ye otọ, ne I miẹn ehe na vbe dọlegbe rhie ẹre werriegbe.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Iwinna 4:26

Iran ne avbe ọba agbọn gha mu egbe, iran ni khaemwisẹ gha si uma ẹkhokho, ne iran mu aro da Nọyaẹnmwa kevbe Mẹzaia ẹre.’

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

I Kọrinti 1:9

Osanobua ne ọ tie uwa ne uwa do gha gu Jesu Kristi ne Ovbi ẹre mu obọ, ọmwa ne ọ kere ne a mu ẹtin yan nọ.

II Kọrinti 11:31

Osanobua ne Erha Nọyaẹnmwa Jesu Kristi — afiangbe nọ ne eni ẹnrẹn ẹdẹdẹmwẹdẹ rẹn wẹ ẹ i re ohoghe I tae.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Filipai 2:9

Rhunmwuda ọnii, Osanobua keghi rhie ẹre ye ehe ne ọ yo sẹẹ vbe odukhunmwu. Ọ na mu eni ne ọ sẹẹ eni hia nẹẹn.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.

Hibru 2:9

Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Jọn 1:3

Emwi ne aro mwa sẹe, kevbe ne ehọ mwa họẹn, ọre ima vbe tama uwa ne uwa miẹn ehe na ya egbe ba mwa vbe uwu ne ima na gu Evbavba mu obọ kevbe Ovbi ẹre ighẹ Jesu Kristi.

Arhie Maan 2:15

Erriọ vbe nọ, emwa eso vbe rre uwu ẹbu uwa ne ọ lele iruẹnmwi avbe Nikolaitan.