Hibru 1:7 - Edo Bible (E Baibol Ẹdo) Version 1996

⁷ Emwi ne Osanobua tae vbekpa avbe odibo Osa ọre ọna khin wẹẹ, “Osanobua yi avbe odibo Osa ẹre ẹhoho. Ọ keghi vbe ru avbe eguọmwadia ẹre aranmwẹ erhẹn.”

Hibru 1:7 ပူးပေါင်းရင်းမြစ်များ

Gẹnẹsis 3:24

Vbe odẹ ahọ ọghe ogba nii, rẹn keghi viọ emwi ne a yi ni ma he wu eso yọ, ke iran ke umozo ne erhẹn ne ọ baa ne ọ vbe gbe lẹga egbe hia. Wẹẹ ne iran ghẹ gie ọmwarhọkpa sikẹ erhan arrọọ nii.

I Ọba 22:19

E Makaia keghi rhie te ẹe wẹẹ “Danmwehọ vbene Nọyaẹnmwa kha hẹ! I keghi bẹghe vbe Nọyaẹnmwa tota ye ẹkete ẹre vbe ẹrinmwi, avbe odibo ẹre keghi mudia lẹga ẹre.

II Ọba 2:11

Vbene iran khian nii, iran kegha guan khian, vbe udomwurri, ikẹkẹ okuo ne ẹsin erhẹn si khian keghi wa la ẹkpo iran, ẹhoho ẹziza keghi mu Elaija gha rrie ẹrinmwi.

II Ọba 6:17

Ẹre irẹn na na erhunmwu wẹẹ, “E Nọyaẹnmwa, rhan ẹre aro ne ọ miẹn ehe na bẹghe!” E Nọyaẹnmwa keghi họn erhunmwu ẹnrẹn, ọguọmwadia Elaisia ghi tọn aro mu, ọ keghi miẹn wẹ avbe ẹsin kevbe ikẹkẹ okuo ọghe erhẹn ọ re ọ wa gba oke nii hia lẹga Elaisia.

Psalm 104:4

U ya ẹhoho ru ne u gie ẹre uhunmwu kevbe asan ọghe ayan, zẹ vbe eguọmwadia ruẹ.

Aizaia 6:2

Emwi ne a yii ni baa gidigidi vbe erhẹn keghi mudia lẹga ẹre, ọkpọkpa vbe uwu iran keghi mwẹ ifuẹn ehan. Ọkpọkpa vbe uwu emwi ne a yii nii keghi ya ifuẹn eva gue aro, ọ keghi ya eva gue owẹ, ọ keghi gha ya eva ni dekẹe tin.

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Zẹkaraia 6:5

Rẹn keghi wanniẹn wẹẹ, “Avbe ẹhoho enenẹ ena khin, te iran wa da ke akharha e Nọyaẹnmwa ọghe otọ agbọn hia dee na.”

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.