Hibru 1:6 - Edo Bible (E Baibol Ẹdo) Version 1996

⁶ Osanobua ghi ra gie Ọmọdiọn rẹn gha die agbọn, ọ keghi kha wẹẹ, “Te avbe odibo Osa hia gha ya uhunmwu rhanmwẹ otọ nẹẹn.”

Hibru 1:6 ပူးပေါင်းရင်းမြစ်များ

Psalm 97:7

Ekhue mu dọmwadẹ ọghọe ne ọ gho ẹbọ, avbe ẹbọ hia ghughẹre vbe odaro Nọyaẹnmwa.

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

Kọlose 1:18

Rẹn ọrọre uhunmwu ra arowa esọsi ẹre, ne ọ re ikinnegbe ẹre, obọ ẹre ọre arrọọ ne ikinnegbe nii mwẹ, ke rre, rẹn ọrọre Ọmọdiọn ne a huẹn kpaegbe vbe orinmwi, ne a miẹn ehe na miẹn wẹ, rẹn ọre ọ rre ukpo ne okaro vbe uwu emwi hia.

Hibru 1:5

Rhunmwuda, ọkpa i rrọ vbe uwu avbe odibosa ẹre ne Osanobua tama wẹẹ, “Wẹ ọrọre Ovbi mwẹ, ẹdẹnẹrẹ na, I khian Erha a.” Ra ne ọ vbe kha vbekpa odibosa rhọkpa, “I gha khian Erha ẹe, rẹn ghi vbe gha re Ovbi mwẹ.”

Hibru 10:5

Ọna ọre ọ si ẹe ne a na miẹn wẹ ugbẹn vbe Kristi ghi ra gha die agbọn, ọ keghi kha wẹẹ, “Wẹ i gualọ ese ra emwi imuohan aranmwẹ, sokpan, wẹ ru egbe ọkpa ye otọ mẹ nẹ.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.

I Jọn 4:9

Vbenian ọre Osanobua ya rhie ma vbene irẹn ho ẹmwẹ mwa hẹ: ọ keghi gie Ovbi ẹre ukpọmọkpa gha die agbọn ne ima sẹtin la ekpa ẹre gha mwẹ arrọọ.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.