Hibru 1:5 - Edo Bible (E Baibol Ẹdo) Version 1996

⁵ Rhunmwuda, ọkpa i rrọ vbe uwu avbe odibosa ẹre ne Osanobua tama wẹẹ, “Wẹ ọrọre Ovbi mwẹ, ẹdẹnẹrẹ na, I khian Erha a.” Ra ne ọ vbe kha vbekpa odibosa rhọkpa, “I gha khian Erha ẹe, rẹn ghi vbe gha re Ovbi mwẹ.”

Hibru 1:5 ပူးပေါင်းရင်းမြစ်များ

II Samuẹl 7:14

Mẹ gha re erha ẹe, rẹn ghi vbe gha re ovbi mwẹ. Ọ gha ba emwi ku ru, I ghi rri ọre oya zẹ vbene erha rri ovbi ẹre oya.

I Krọnikol 17:13

Mẹ ghi gha re erha ẹe, rẹn ghi vbe gha re ovbi mwẹ, mẹ i ra rhie obọ hin ẹre iyeke rre vbene I ru e Sọl ne I rhie hin evba rre, ne uwẹ miẹn ehe na do rriọba.

I Krọnikol 22:10

Rẹn ọ re ọ gha bọ Ọgua Osa mẹ. Rẹn ghi gha re ovbi mwẹ, mẹ ghi gha re erha ẹe. Ẹgbẹe uniẹn ọba ẹre ọ re ọ ra gha rriọba vbe Izrẹl ẹdẹdẹmwẹdẹ.’ ”

I Krọnikol 28:6

“E Nọyaẹnmwa keghi tama mwẹ wẹẹ, ‘E Solomọn ne ovbi uẹ ọre ọ gha bọ Ọgua Osa mẹ. I zẹẹ ọe nẹ ne ọ gha re ovbi mwẹ, mẹ gha vbe gha re erha ẹe.

Psalm 2:7

Ọba khare wẹẹ, “Mẹ gha wewe ẹmwẹ ne Nọyaẹnmwa tama mwẹ. Rẹn khama mwẹ wẹẹ, ‘Wẹ ọrọre ovbi mwẹ, ẹrẹ ọ re imẹ khian erhaa.

Hibru 5:5

Erriọ vbe nọ zẹẹ, ẹ i re te Jesu wa tobọ ẹre tọn uyi ogie ohẹn mu yan egbe ẹre. Sokpan te Osanobua tama rẹn wẹẹ “Ovbi mwẹ ọre u khin, Ẹdẹnẹrẹ na I khian Erha a.”