Hibru 1:2 - Edo Bible (E Baibol Ẹdo) Version 1996

² Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Hibru 1:2 ပူးပေါင်းရင်းမြစ်များ

Gẹnẹsis 49:1

E Jekọb keghi tie avbe ivbi ẹre, ọ tama iran wẹẹ, “Wa do si koko ye emwa ne I tama uwa emwi ne ọ gha sunu vbe egbe uwa vbe ẹghẹ nọdee:

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Jerimaia 48:47

Sokpan e Nọyaẹnmwa gha gie agbọn dọlegbe maa e Moab vbe ẹghẹ ne ọ dee. Avbe emwi na hia, ọre Nọyaẹnmwa khare ighe ọ gha sunu vbe egbe Moab.

Ezikiẹl 38:16

U gha dekun Izrẹl ne emwa mwẹ zẹ vbe okpẹhoho ne ọ gbe otọe ni dunmwu. Ẹghẹ nii gha sẹ, I gha giọ ne u mu okuo gha rrie otọe mwẹ ne I miẹn ehe na rhie ma avbe uhunmwu ẹvbo ọmwa ne I khin, ne I la ekpa emwi ne I lo ruẹ ya ru na rhiema vbene I huan hẹ.

Daniẹl 10:14

Te I rre do rhie ma ruẹn emwi ne ọ gha sunu vbe egbe emwa ruẹn ẹdẹnakhuẹ. Umian ọghe ẹdẹnakhuẹ ọ re ọna khin.”

Daniẹl 2:28

Sokpan, Osanobua ọkpa ne ọ rhie emwi oro ma emwa rre ẹrinmwi. Rẹn tama ruẹn nẹ emwi ne ọ ra do sunu ẹdẹnakhuẹ. Umogun. Banbanna nian, I ra ta imina nii nu u miẹn vbe u vbiẹ ma ruẹn.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Maika 4:1

Ẹdẹ dee ne a gha miẹn wẹ oke nii ne a bọ Ọgua Osa yi ọ re ọ ra yo sẹ ehia fẹẹrẹ, ọ ghi gha ghee ni dekẹe adesẹ uhunmwu. Agbọn ẹvbo nibun gha rre, iran ghi gha vẹ bu ẹre rre.

Nọmbas 24:14

E Balam keghi tama e Balak wẹẹ, “Banbanna nian, I ra bu avbe emwa mwẹ, sokpan vbe I te kpao, I gha tama ruẹn emwi ne ivbi Izrẹl gha ru avbe emwa ruẹn re ẹdẹ ne ọ dee,”

Matiu 13:39

Esu tobọ ẹre ọrọre ọmwa ne ọ do tu ohunhun ye ugbo. Ẹghẹ emwiorhọ ọrọre ufomwẹ agbọn. Avbe odibosa ọrọre iran ni rhọ emwiorhọ.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 21:38

Sokpan iran ni rre ugbo nii ghi wa bẹghe ovbi ẹre na, iran keghi wa si uma wẹẹ, ‘Ghe ovbi enọyan ugbo, wa larre ne a gbe ẹe rua ne emwi ẹnrẹn khian ọghọmwa.’

Matiu 26:63

Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Iyẹn ne ọ Maan Ọghe Mak 1:1

Ọna ọrọre Iyẹn Ne ọ maa vbekpa Jesu Kristi ne Ovbi Osanobua.

Iyẹn ne ọ Maan Ọghe Mak 12:6

Ọmwa ọkpa ne ọ ma ghi he gie keghi re ovbi ẹre ukpọmọkpa. Vbe okiekie, ọ keghi gie ovbi ẹre ukpọmọkpa ni bu iran ni gbe aro ghe ugbo ni agbeghae, ọ wẹẹ, ‘Mẹ yayi ighẹ iran gha lohan ovbi mwẹ.’

Iyẹn ne ọ Maan Ọghe Mak 12:7

Sokpan iran ni gbe aro ghe ugbo ni keghi kha wẹẹ, ‘Wa ghe ovbi ne ọ yan ugbo, wa gia gbe ẹe rua ne ugbo khian ọghomwa.’

Iyẹn ne ọ Maan Ọghe Jọn 1:10

Ọnii nọ wẹ, nene Ẹmwẹ keghi rre agbọn, obọ ẹre ọre Osanobua la yi agbọn, levba sevba, agbọn ma rẹn ọnrẹn.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:3

Obọ ẹre Osanobua la yi emwi hia. Vbe uwu emwi ne a yi hia, ọkpa ne a la iyeke ẹre yi, ẹ i rrọọ.

Iyẹn ne ọ Maan Ọghe Jọn 13:3

Jesu rẹnrẹn ighe asẹ hia ọre Evbavba wa rhie ne irẹn, ọ rẹnrẹn ighe ehe ne Osanobua ye ọre irẹn ke gha dee, kevbe wẹ te irẹn vbe bu Osanobua khian.

Iyẹn ne ọ Maan Ọghe Jọn 13:32

A deghẹ a ghi la egbe ẹre rhie uyi Osanobua maa, Osanobua gha vbe tobọ ẹre rhie uyi Ovbi Ọmwa maa, ọ gha wa vbe ruẹe ọwarọkpa.

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Iyẹn ne ọ Maan Ọghe Jọn 16:15

Emwi ne Erha mwẹ mwẹ hia, ogho mwẹ nọ, ọnii ọ zẹẹ ne I na kha wẹ Orhiọn nii gha rhie emwi ne I rhie ne ẹn, ọ ghi ta ẹe ma uwa.

Iyẹn ne ọ Maan Ọghe Jọn 17:2

Rhunmwuda, wẹ ọre ọ rhie asẹ nẹẹn ne ọ gha kha yan emwa hia, ne irẹn miẹn ehe ne rhie arrọọ ne ẹ i fo ne iran hia ne uwẹ viọ ne ẹn.

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Iyẹn ne ọ Maan Ọghe Jọn 3:25

Avbe erhuanegbe Jọn kevbe avbe Ju eso keghi gba gha muan ẹmwẹ ye ẹmwẹ iruemwi a khue huan.

Iyẹn ne ọ Maan Ọghe Jọn 5:26

Zẹ vbene Erha tobọ ẹre re isi ehe ne arrọọ ke rre, erriọ zẹ ọre ọ vbe ya Ovbi ẹre ru isi ehe ne arrọọ ke rre.

Iyẹn ne ọ Maan Ọghe Jọn 5:27

Rẹn rhie asẹ ne Ọmọ ne ọ ya gha bu ohiẹn rhunmwuda ighẹ Ovbi Ọmwa ọre irẹn khin.

Iyẹn ne ọ Maan Ọghe Jọn 9:29

Ma rẹnrẹn ighe Osanobua gu e Mosis guan. Sokpan ma ma kue rẹn ehe ne oko na ke rre.”

Iwinna 10:36

Wa rẹn uhunmwu ne ọ gie gie emwa Izrẹl ne ọ na gha wewe Iyẹn Ne ọ maa ọghe ọfumwegbe la ekpa Jesu Kristi ne ọre Nọyan emwa hia.

Iwinna 2:17

“ ‘Ọ gha sẹ ẹdẹ okiekie, erriọ Osanobua khare: I gha hihiẹ Orhiọn mwẹ yan emwa hia. Ivbi uwa ne ikpia kevbe ne ikhuo gha guan ẹmwẹ akhasẹ avbe igbama ghi gha miẹn umian, avbe ọmaẹn ghi gha mian imina.

Ebe ne Pọl gbẹẹn gie emwa Rom 1:4

Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.

Ebe ne Pọl gbẹẹn gie emwa Rom 8:17

Vbene ima ghi na rre ivbi ẹre, afiangbe ẹre ne ọ rhie khẹ emwa rẹn, gha khian ọghomwa, ma ghi vbe gu Kristi gha mwẹ oghae vbe avbe emwi ne ọ hẹ khẹ ọre, rhunmwuda deghẹ ma ghae vbe oya Kristi, ma gha vbe ghae vbe uyi ẹre.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

I Kọrinti 8:6

Sokpan Osanobua ọkpa ma mwẹ, ọnii ọ re Evbavba ne ọ yi emwi hia, ọmwa ne ima rre agbọn na, Nọyaẹnmwa ọkpa kẹkan ọre ọ vbe rrọọ, ọnii ọrọre Jesu Kristi, ọmwa ne a la ekpa ẹre yi emwi hia, ọmwa ne ima la ekpa ẹre vbe rre agbọn.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Ẹfisọs 1:10

Emwi ne Osanobua mwamwa ẹn, ne ọ ra vbe musẹ vbe ẹghẹ a sẹ, ọrọre wẹ, ne ọ do viọ emwi na yi hia ni rre ẹrinmwi kevbe agbọn, kugbe ba Kristi zẹ vbe uhunmwu uta ehia.

Ẹfisọs 3:9

Kevbe ne I ma emwa hia vbene a ra ya mu ẹn sẹ hẹ ighẹ emwamwa ẹkhokho ne Osanobua mwamwa ẹn. Osanobua ne Ayi ne ọ yi emwi hia keghi rhie emwamwa ẹkhokho ọghọe na lẹre ke ne ẹkpo mwẹ arria gha dee.

Diuteronomi 18:15

Ye ihe ọnii, ọ gha gie avbe akhasẹ vbe mwẹ ke uwu uwa gie uwa, wa ghi gha rhie ẹmwẹ ọnrẹn.

Diuteronomi 31:29

I rẹnrẹn wẹ I gha wu ne, iran ghi do khian emwa dan, iran ghi mu emwi ne I ma iran ẹre fua. Vbe ẹdẹ ne ọ dee, ọkhọ gha rruan iran rhunmwuda, iran ya ohu mu e Nọyaẹnmwa, vbe ne iran na ya gha ru emwi ne ọ tama iran ighẹ a wua.”

Diuteronomi 4:30

Sokpan, deghẹ ọlọghọmwa ghi vba uwa, ighẹ te emwi na hia ghi sunu vbe egbe uwa, ẹghẹ nii wa ghi werriegbe bu e Nọyaẹnmwa gha dee, wa ghi do gha ya ẹmwẹ ọnrẹn ru emwi.

Hibru 1:5

Rhunmwuda, ọkpa i rrọ vbe uwu avbe odibosa ẹre ne Osanobua tama wẹẹ, “Wẹ ọrọre Ovbi mwẹ, ẹdẹnẹrẹ na, I khian Erha a.” Ra ne ọ vbe kha vbekpa odibosa rhọkpa, “I gha khian Erha ẹe, rẹn ghi vbe gha re Ovbi mwẹ.”

Hibru 1:8

Sokpan ọ ghi ra guan vbekpa Ọmọ, Ọ wẹẹ, “Osanobua, ẹkete ruẹ gha rrọọ ẹdẹdẹmwẹdẹ. Ẹmwata ne a ta, ọ re u ra ya rriọba yan emwa ruẹn.

Hibru 11:3

Iyayi ọre ima ya rẹn wẹ, ẹmwẹ unu ọre Osanobua ya yi ẹrinmwi kevbe agbọn, ne a na miẹn wẹ uwu emwi ne a i bẹghe ọre a ke yi emwi ne a bẹghe ladian.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 5:8

A gha rhe miẹn wẹ, Ovbi Osanobua ọre irẹn gha khin sẹ evba, te ọ ye la ekpa oya ne ọ re ruẹ, vbe ne a họn ẹmwẹ hẹẹ.

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.

Hibru 7:3

Emwi rhọkpa i rrọọ ne a gbẹn ye otọ vbe ekpa erha ra iye Mẹlkizẹdẹk ra vbe ekpa uniẹn kevbe ekhuarha ẹre, a ma rẹn vbene a ya biẹ ọe hẹ ra vbene ọ ya wu hẹ. Te irẹn yevbe Ovbi Osanobua, ọ na gha re ohẹn ẹdẹdẹmwẹdẹ.

Hibru 9:26

Akpawẹ erriọ nọ, ẹghẹ ni bun ọre ọ gha ya rri oya ke ne agbọn ya suẹn gha dee. Sokpan rẹn keghi ladian nian uhukpa ọghe ọfo vbe otọ, ne ọ do ya egbe ẹre zọ ese ya kpe orukhọ kua, vbe ẹghẹ na ne emwi hia ni rrọọ ghi na ye egbe rrie ufomwẹ.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

II Pita 3:3

Okaro, wa rẹnrẹn wẹ, ọ gha sẹ ẹdẹ okiekie, emwa eso gha rrọọ ne a gha miẹn wẹ, orriarria iran ọre ọ tama iran emwi ne iran gha ru vbe agbọn. Iran ghi gha ya uwa gbe ogiẹ.

Ebe ne Jud gbẹẹn 1:18

Rhunmwuda iran khare wẹẹ, “Ọ gha ghi sẹ ẹdẹ okiekie, emwa eso gha rre, iran ni gha do gha ya uwa gbe ogiẹ, emwa ni gha ru emwi dan ni rre iran ekhọe.”