Hagai 2:7 - Edo Bible (E Baibol Ẹdo) Version 1996

⁷ I gha ye avbe uhunmwu ẹvbo hia uhunmwu rhu, a ghi viọ emwi ẹfe iran gha die emwa na, Ọgua Osa ghi vuọn ne emwi ẹfe.

Hagai 2:7 ပူးပေါင်းရင်းမြစ်များ

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

I Ọba 8:10

Avbe ohẹn ghi wa ladian vbe Ọgua Osa nii, okuku keghi wa gba ẹre.

I Ọba 8:11

Iran ma ghi sẹtin werriegbe la rọ ya winna iwinna iran rhunmwuda uyi e Nọyaẹnmwa vuọn Ọgua Osa.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 85:9

Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 60:4

Tọn aro mu ne u ghe emwi ne ọ sunu. Emwa ruẹn gha si egbe koko ne iran gha die owa. Avbe ivbuẹ nikpia gha ke otọe urria rre, a gha mu avbe ivbuẹ nikhuo zẹ vbe emọ obọ.

Aizaia 60:7

Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.

Ezikiẹl 21:27

Ọfuan, ọfuan, vbe ẹmwata, mẹ gha ya ore ẹvbo nii khian itowa. Sokpan ọna i ra sunu, a te do miẹn wẹ ọ rre ighe ọmwa ne I zẹe ne ọ do rri ẹvbo nii oya. Rọẹn nii ọre I ra mu ẹẹn ẹre na.

Ezikiẹl 31:16

I gha rhie ẹre gha rrie ẹvbo iran ni wulo nẹ ulamwẹ udemwẹ ọnrẹn gha mu avbe uhunmwu ẹvbo rueghe. Avbe erhan ni rre Idẹni hia, kevbe avbe erhan esiesi ne a gbe amẹ khakha vbe Lebanọn, ni kpao gha rrie agbọn ne ọ rre uwu otọ nẹ, oha gha ghọghọ ye udemwẹ ọnrẹn.

Ezikiẹl 38:19

Uwu ohu nọkhua ne ọ mu mwẹ ọ re I na tae na wẹ igbohiotọ nọkhua gha sunu vbe Izrẹl vbe ẹdẹ nẹdẹrriọ.

Ezikiẹl 44:4

Ọmwa nii keghi rhie mwẹ la urho odẹ okuọ gha rrie odaro Ọgua Osa. I ghi ghee ẹre, I keghi miẹn wẹ Ọgua Osa e Nọyaẹnmwa vuọn ne uwanmwẹ ne wainwain ne a ya rẹn ighe ọ rre evba. I keghi dee mu aro rhu otọ.

Hagai 1:8

Banbanna nian, wa hin uhunmwu oke wa ya va erhan, ne uwa dọlegbe bọ Ọgua Osa. Ẹghẹ nii, ẹko gha rhiẹnrhiẹn mwẹ, a ghi vbe gha ga mwẹ zẹ vbene ọ kere ne a gha ga mwẹ.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Iyẹn ne ọ Maan Ọghe Luk 19:47

Jesu kegha ma emwa emwi vbe uwu Ọgua Osa ẹdẹgbegbe. Iran ne igie ohẹn, iran ni ma emwa Uhi, kevbe avbe iran ne olotu emwa kegha ho ne iran gbe Jesu ua.

Iyẹn ne ọ Maan Ọghe Luk 2:27

Zẹ vbe ne Orhiọn rhie ma rẹn, Simiọn kegha rrie uwu Ọgua Osa. Ugbẹn vbe evbibiẹ ọmọ ni ghi mu Jesu sẹ Ọgua Osa ne iran do ru nẹ zẹ vbene Uhi khare.

Iyẹn ne ọ Maan Ọghe Luk 2:46

Vbe ikpẹdẹ nogieha, iran keghi do vba ẹre vbe uwu Ọgua Osa, ọ tota ba avbe emamwaemwi e Ju, ogha danmwehọ iran, ọ keghi vbe gha nọ iran ọta.

Iyẹn ne ọ Maan Ọghe Luk 20:1

Ẹdẹ ọkpa, Jesu kegha rre uwu Ọgua Osa, ọ na gha ma emwa emwi, ọ kegha kpe orhu Arriọba Osanobua, iran ne igie ohẹn, iran ni ma emwa Uhi kevbe avbe ediọn keghi bu ẹre gha dee.

Iyẹn ne ọ Maan Ọghe Luk 21:38

Vbe owiẹ vbirrivbirri, emwa hia ghi gha rrie Ọgua Osa ne iran ya danmwehọ ẹre.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Galatia 3:8

Ebe miẹn ọẹn ye otọ nẹ wẹ, iyayi ọre Osanobua ra ya dọlọ iran ne ẹ i re Ju kugbe ba egbe ẹre. Ọnii ọ si ẹe ne ebe na ka kpe orhu Iyẹn Ne ọ maa ni ma Ebraham ye otọ wẹ, “Ekpa ruẹ ọre Osanobua ra na fiangbe emwa hia ni rre agbọn.”

Kọlose 2:9

Rhunmwuda emwi hia ne ọ ghi rre uwu a i ya egbe ta Osa hia, ta ọ gbae vbe egbe Kristi, zẹ vbe ọmwa.