Hagai 2:6 - Edo Bible (E Baibol Ẹdo) Version 1996

⁶ “Vbe ọ ma he kpee wan, I gha mu ẹrinmwi rueghe, kevbe agbọn otọe kevbe okun.

Hagai 2:6 ပူးပေါင်းရင်းမြစ်များ

Job 9:6

Osanobua ghi giẹ igbohiotọ, ọ ghi mu otọ rueghe, ọ ghi mu avbe orrẹ ni da agbọn yi rueghe.

Psalm 18:7

Ẹghẹ nii, agbọn keghi mu rueghe, ọ guọe zẹzẹzẹ. Ẹyotọ avbe oke hia kpẹngiẹn ọ kegha mian. Rhunmwuda ighe ohu mu Osanobua.

Psalm 37:10

Vbe ọ ma he kpee wan, a gha ho emwa dan bẹkun. U gha gualọ iran sokpan u i ra miẹn iran.

Aizaia 10:25

Vbe ọma he kpee na, I gha rrii uwa oya sẹ vbene I ho nẹ, I ghi dobọyi, I ghi ya fuẹn iran an.

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 29:17

Zẹẹ vbene a yae kpitan wẹ vbe ọ ma he kpee wan, ẹgbo ne ọ wo gha khian ne a ya mu ugbo otọe ugbo ghi vbe khian ẹgbo.

Aizaia 34:4

Avbe owẹn, uki kevbe orhọnmwẹ hia gha rẹnkhuan khian ebubẹ, iso gha khian ne a ho bẹkun zẹvbe ebe ohian ne a kiri, avbe orhọnmwẹ ghi kharha kua zẹvbe ebe azara ra ebe ohọ.

Jerimaia 33:14

E Nọyaẹnmwa keghi kha wẹẹ, “Ẹghẹ dee ne I gha na mu eyan ne I yaan ne ivbi Izrẹl kevbe Juda sẹ.

Jerimaia 51:33

Vbe ọ ma he kpee wan, avbe eghian gha hele iran yotọ, iran ghi gha ya owẹ rrilo iran muotọ vbe ọka vbe ehe ne a na khuọn rẹn. Mẹ ne Nọyaẹnmwa ne Oghodua, ne Osanobua Izrẹl ọ re ọ taa ẹe.”

Ezikiẹl 38:19

Uwu ohu nọkhua ne ọ mu mwẹ ọ re I na tae na wẹ igbohiotọ nọkhua gha sunu vbe Izrẹl vbe ẹdẹ nẹdẹrriọ.

Ezikiẹl 38:20

Avbe ehẹn kevbe ahianmwẹ hia, avbe aranmwẹ hia, nekhua ke negiẹrẹ, emwa nagbọn ni rre ehe hia gha guọ zighazigha rhunmwuda ohan mwẹ ne ọ mu iran. Avbe oke nekhua gha dele guọghọ ua, avbe oke ni ye gelete gha rẹnkhẹn uan, avbe ekẹn ne a gbe hia gha siẹn kua.

Joẹl 3:16

E Nọyaẹnmwa davan ke Oke Zaiọn rre, urhu ẹre wa vannọ ke Jerusalẹm rre, iso keghi mu rueghe. sokpan, rẹn gha gbinna ne emwa rẹn.

Iwinna 2:19

I gha rhie ọyunnuan ma vbe aro iso, kevbe iwinna ọyanaroua vbe agbọn vbe ototọ. Esagiẹn kevbe erhẹn kevbe ighogho nọ mwẹ imi.

Hibru 10:37

Rhunmwuda zẹ vbene ebe khare, “Ọ gha ghi kpẹe kherhe, ọmwa ne ọ dee gha rre, Ẹ i ra yae rhọ eghẹrẹ.

Arhie Maan 11:9

Emwa ni ke dọmwadẹ uhunmwu agbọn ẹvbo rre kevbe ẹwae, ẹvbo ne a zẹ kevbe iyaẹvbo, ghi ya ikpẹdẹ eha vbe ukhiọnmwẹ gha ghe ikun iran, iran i kue ne a re iran.