Hagai 2:5 - Edo Bible (E Baibol Ẹdo) Version 1996

⁵ Ẹghẹ ne uwa na ke Igipt ladian, I yanrẹn wẹ I gha gu uwa gha rrọ ẹghẹ hia. I ye gu uwa rrọ, rhunmwuda ọnii wa ghẹ fian afianma.

Hagai 2:5 ပူးပေါင်းရင်းမြစ်များ

II Krọnikol 20:17

Ẹ i re uwa ọ re, ọ ra khọn okuọ na. Ma rhie ihẹ uwa ne uwa mudia, wa gha miẹn vbe Nọyaẹnmwa ra rhie akhọnmiotọ ne uwa. Ivbi e Juda kevbe Jerusalẹm, wa ghẹ si uhe ra ne afianma vbe fian uwa, wa ladian gha rrie okuọ, e Nọyaẹnmwa gha rrọọ yaba uwa!”

Nehimaia 9:20

Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Ẹksọdọs 19:4

“Wa miẹn emwi ne I ru ivbi Igipt re, vbene I na mu uwa zẹ vbene oghohọn mu ovbi ẹre vbe ifuẹn ọnrẹn, I na viọ uwa gha die ehe ne I ye.

Ẹksọdọs 19:6

Wa ghi gha re uhunmwu ẹvbo ọghe emwa nii ga mwẹ zẹ vbe ohẹn, emwa ne a ya fiohan ne imẹ okpa.”

Ẹksọdọs 24:3

E Mosis keghi ya gu emwa nii guan vbene Nọyaẹnmwa kha hẹ kevbe iyi ne ọ vbe yi. Emwa nii hia keghi koko wanniẹn wẹẹ, “Ma gha ru emwikemwi ne Nọyaẹnmwa kha re.”

Ẹksọdọs 24:8

Ẹre Mosis na mu esagiẹn ne ọ rre ọkpan nii ọ na rhurhẹ ọe yan emwa nii, ọ na kha wẹẹ, “Esagiẹn na ọre a ya yi ile ne Nọyaẹnmwa gu uwa ta okhi vbe ẹghẹ ne ọ na yi iyi na hia ne uwa.”

Ẹksọdọs 34:10

E Nọyaẹnmwa keghi kha wẹẹ, “I gu uwa ta ile vbe sirra emwa uwa hia fẹẹrẹ. I gha winna iwinna nekhua egbe ne a ma he ka winna yi vbe agbọn na hia vbe ẹvboikẹvbo. Emwa ni guẹ rrọọ gha vbe miẹn emwi ne imẹ ne Nọyaẹnmwa gha sẹtin ru rhunmwuda emwi nọkhua ọre I ra ru nuẹn.

Ẹksọdọs 34:8

E Mosis keghi zẹgiẹgiẹ mu egbe rriotọ, ọ na ga Osanobua.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:13

Mẹ ọrọre Nọyaẹnmwa, Osanobua ruẹ, I rhie iwegbe ne uwa, I keghi tama uwa wẹẹ, ‘Wa ghẹ mu ohan, I gha yi uwa obọ.’ ”

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Zẹkaraia 8:15

Sokpan, banbanna nian, te I mwamwa ẹn wẹ ne I fiangbe ivbi e Jerusalẹm kevbe Juda. Rhunmwuda ọnii, wa ghẹ gie ohan mu uwa.

Matiu 28:5

Odibosa nii keghi gu avbe ikhuo ni guan, ọ wẹẹ, “Wa ghẹ gie ohan mu uwa, I rẹnrẹn ighẹ Jesu ne a kan ẹn mu ugbugbe ọre uwa gualọ khian.

Iwinna 27:24

‘Ghẹ mu ohan Pọl, te u gha mudia vbe odaro e Nọgbaisi, deba ẹre, Osanobua ne ọ maa, vbe ya orhiọn iran ne uwa gba gua khian ru uwẹ ẹse nẹ!’

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Jọsua 8:1

E Nọyaẹnmwa keghi tama e Jọsua wẹẹ, “Ghẹ gie ohan muẹn, ghẹ gie egbe vbe wọruẹ. Viọ ivbiyokuo hia mwẹ obọ ne u vbe gha rrie Eai. I gha guẹ khọn ọba Eai miẹn ẹre otọ, emwa rẹn, ẹvbo ẹre ke otọe ẹre gha khian ọwuẹ.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.

I Samuẹl 12:20

E Samuẹl ke wanniẹn wẹẹ, “Wa ghẹ fian afianma, a gha rhe miẹn wẹẹ wa ru emwi dan vberriọ, wa ghẹ fi iyeke gbe Nọyaẹnmwa, sokpan, wa gha ga ẹe kekhọe kekhọe uwa hia.