Hagai 2:4 - Edo Bible (E Baibol Ẹdo) Version 1996

⁴ Sokpan, banbanna nian, wa ghẹ gie egbe wọ uwa rhọkpa, wa winna iwinna nii rhunmwuda, I rrọọ yaba uwa.

Hagai 2:4 ပူးပေါင်းရင်းမြစ်များ

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

I Krọnikol 22:13

A dẹghe u ya uhi hia ne Nọyaẹnmwa viọ ne Mosis ne ọ viọ ne ivbi Izrẹl gha ru emwi, u gha ru ne a gban. Mu egbe ne u gie ekhọe ruẹ sotọ, ghẹ vbe gie emwi rhọkpa ye afianma fian an.

I Krọnikol 28:20

E Devid ne ọba keghi tama e Solomọn ne ovbi ẹre wẹẹ, “Gie ekhọe ruẹ sẹ otọ ne u vbe mu aro yọ, suẹn iwinna nii, ghẹ vbe gie emwikemwi da a obọ yi. E Nọyaẹnmwa ne Osanobua ne imẹ ga, gha yaba ruẹ. Ẹ i ra fi iyeke gbe uẹ, ọ gha mudia kuẹ u te do winna iwinna ne a gha winna na vbe Ọgua Osa.

Ẹzra 10:18

Eni emwa ni viọ ikhuo orhunmwuyẹn ọ re ena khin: Avbe ohẹn kevbe ẹwae ne iran ke rre: Ewae Jọsua kevbe etiọnrẹn, ivbi e Jehozadak ni rrọọ kegha re Maaseia Eliezẹ, e Jarib kevbe Gedalaia.

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Hagai 1:13

Ẹre Hagai na ta uhunmwu ne Nọyaẹnmwa gie ma emwa nii wẹẹ, “I gha gu uwa gha rrọọ, eyan ne I yan rẹn ọ re ọnii khin.”

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Zẹkaraia 8:9

Wa gie ẹtin la uwa iwu! Ẹmwẹ ne avbe akhasẹ tae ẹghẹ ne a na gha gbe ẹyotọ ne a ra ya dọlọ Ọgua Osa mwẹ bọ, ọ re uwa vbe họn na.

Iyẹn ne ọ Maan Ọghe Mak 16:20

Avbe erhuanegbe keghi ladian ya gha kpe orhu lele ehe hia khian. Nọyaẹnmwa keghi rhie obọ ba iwinna iran, ọ kegha ye ama kevbe ẹtin rhie ma wẹ, orhu ẹmwata ọre iran kpe e.] [

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Diuteronomi 31:23

Ẹre Nọyaẹnmwa na tama Jọsua ne ovbi e Nọn wẹẹ, “Wegbe ne u vbe din. U gha viọ ivbi Izrẹl gha rrie otọe nii ne I ve iran ere. I gha vbe gha rrọọ yaba ruẹ.”

II Timoti 2:1

Zẹ vbe ọghe uwẹ, ovbi mwẹ, u ghi ya ẹsọhẹ ni, ne ọre ọghe ima vbe uwu a ya egbe ba Kristi, wegbe.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Jọsua 1:6

U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”