Hagai 2:3 - Edo Bible (E Baibol Ẹdo) Version 1996

³ “A gha ye miẹn ọmwarhọkpa vbe uwu uwa ra, ne ọ gha ye yerre vbene Ọgua Osa nii te ye hẹ ẹghẹ nii vbe umosemwẹ? Vbe ọ ghi khọ vbe aro uwa nian? Ẹ i zẹdẹ gia gie hiehiere.

Hagai 2:3 ပူးပေါင်းရင်းမြစ်များ

I Krọnikol 22:5

E Devid keghi rorẹe wẹẹ, “Ọgua Osa ne Solomọn ne ovbi mwẹ gha bọ, ọ kere ne ọ gha re ne ọ mose kevbe ne ọ gha titi gba otọ agbọn hia. Sokpan, ọvbokhan ọ re irẹn khin, ọ ma he rẹn emwi rhọkpa, rhunmwuda ọnii, ọ kere ne I mu egbe ẹre ye otọ.” Ọ re Devid na mwamwa emwi ọrhẹnrhẹn ye otọ ọ te wu.

Ẹzra 3:11

Iran keghi sihuan ghe Nọyaẹnmwa iran na gha rra ẹre wẹẹ, “E Nọyaẹnmwa maa, etẹbitẹ ọre aho ẹmwẹ ọmwa rẹn khin ghe Izrẹl.” Emwa hia keghi wa ya ẹtin hia gha wee, iran na gha rho e Nọyaẹnmwa rhunmwuda, a suẹn iwinna ẹyotọ Ọgua Osa ne a gbe nẹ.

Ẹzra 3:12

Ni bun vbe uwu avbe ohẹn ni khian eniwanrẹn sẹ, kevbe avbe Livai, kevbe avbe ọkaẹgbẹe rẹn Ọgua Osa nokaro. Iran ghi miẹn vbe a gbe ẹyotọ Ọgua Osa na, iran kegha viẹ ghẹ ghẹghẹ. Sokpan, emwa nekpa ni rre evba kegha we uwemwẹ oghọghọ.

Aizaia 64:10

Te ẹvbo ruẹ nihuanrẹn hia ghi yevbe ato oha, itowa ne emwa lẹẹ kpao sẹrae, ọ re Jerusalẹm ghi khin,

Ezikiẹl 7:20

Ẹghẹ okpa, iran keghi gha ya ikpẹrọnmwọ itegbe iran ni mose hio, sokpan, iran keghi ya iran gha mannọ amazẹ ni hu ọmwa ẹko. Ọnii ọ si ẹe ne Nọyaẹnmwa na ya ẹfe iran khian ne ọ ghi sọnnọ iran.

Hagai 2:9

Ọgua Osa ne ọgbọn na gha mose sẹẹ Ọgua Osa nẹdẹ, evba ọ re imẹ gha na rhie ne emwa mwẹ wẹ ne agbọn ma iran kevbe ne iran gha rre ọfumwegbe.” Erriọ Nọyaẹnmwa ne Oghodua khare.