Hagai 2:22 - Edo Bible (E Baibol Ẹdo) Version 1996

²² I ghi ya avbe arriọba kevbe ẹtin iran uhunmwu rhu, I gha ya avbe ikẹkẹ okuo kevbe iran ni hin iran uhunmwu rhu, avbe ẹsin gha wulo, iran ni hin iran khian gha gbele egbe ua.

Hagai 2:22 ပူးပေါင်းရင်းမြစ်များ

II Krọnikol 15:6

Ẹvbo ọkpa kegha zẹ ẹvbo nọkpa owẹ, ore ọkpa kegha zẹ ore nọkpa owẹ rhunmwuda, Osanobua keghi si ọlọghọmwa kevbe omẹ ye iran egbe.

II Krọnikol 20:22

Iran ghi suẹn gha so ihuan, ẹ Nọyan ke fian otighi ọkpeudu fi iran ni mu okuọ gie iran egbe.

II Krọnikol 20:23

Ivbiyokuo Amọn kevbe ọghe Moab keghi deyan ọghe Idọm, iran na lọkọ ehia a. Vbe iyeke ọnii iran keghi viọ aro da egbe gha gu egbe gbinna igbinna aranmwẹ oha.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Psalm 76:6

Ẹghẹ ne u na ya obọ sekhae ne iran Osanobua Jekọb, avbe ẹsin kevbe iran ni hin iran keghi dele, iran na wulo.

Ẹksọdọs 14:17

I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Ẹksọdọs 14:28

Amẹ keghi lẹ werriegbe rre, ọ na ro gue avbe ikẹkẹ okuo, iran nii gua ẹe kevbe ivbiyokuo Igipt hia nii lele ivbi Izrẹl la uwu okun, ọkpa ne ọ miẹn uhunmwu i rrọọ.

Ẹksọdọs 15:19

Avbe ivbi Izrẹl keghi fian okun rra vbe otọe ne ọ kae, sokpan, ugbẹn vbe ikẹkẹ okuo ivbi Igipt ghi la uwu okun, e Nọyaẹnmwa keghi hihiẹ amẹ werriegbe rre, ọ na gue iran ginna otọ.

Ẹksọdọs 15:4

Ọ filo ikẹkẹ okuo Igipt, kevbe ivbiyokuo ẹre ku uwu okun; ekhaẹmwẹ ọnrẹn nii maa sẹ, wulo ye uwu Okun Nọbaa.

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Aizaia 60:12

Sokpan avbe ẹvbo ni ma ga uwẹ a gha fuẹn iran an fẹẹrẹ.

Aizaia 9:19

Rhunmwuda ne ohu na mu e Nọyaẹnmwa ne Oghodua, ikhi ne ọ rria emwa re gha to vbe erhẹn vbe otọe nii hia, ọ kevbe gha fuẹn emwi nii hia a, ọ keghi do khian ne dọmwadẹ ọghọe ghi na sinmwi uhunmwu ẹnrẹn.

Ezikiẹl 21:27

Ọfuan, ọfuan, vbe ẹmwata, mẹ gha ya ore ẹvbo nii khian itowa. Sokpan ọna i ra sunu, a te do miẹn wẹ ọ rre ighe ọmwa ne I zẹe ne ọ do rri ẹvbo nii oya. Rọẹn nii ọre I ra mu ẹẹn ẹre na.

Ezikiẹl 26:16

Avbe ọba avbe uhunmwu ẹvbo nii ghi gua okọ ye okun hia, gha tuorre ke ẹkete iran rre. Iran gha kie ẹwu iran kevbe ukpọn ne a do ọghe iran, iran ghi tota lele otọ gha guọ zẹzẹzẹ. Emwi ne ọ rruan ruẹn gha mu iran ohan sẹrriọ wẹ, iran i ghi ra sẹtin dobọ uguọmwẹ yi.

Ezikiẹl 38:21

I gha ya emwi ọfuan hia runran e Gọg. Mẹ ne Nọyaẹnmwa ne Udazi ọ re ọ tae. Emwa rẹn gha ye umozo lọkọ egbe iran an.

Ezikiẹl 39:20

Vbe eteburu mwẹ, iran gha rri efun ẹsin zẹ vbene ẹko iran gha gua sẹ, kẹe kevbe iran ni hin iran kevbe ọghe avbe ivbiyokuo, kevbe emwa ni gbinna. Mẹ ne Nọyaẹnmwa ne Udazi ọ re ọ ta ẹe.”

Daniẹl 8:25

Rhunmwuda ighe ọmwa ero nọ, emwi ero ne ọ ru hia ghi wa gha dunna ne ẹẹn. Rẹn gha wa gha ye emwi ne irẹn khin hio, ọ ghi vbe fuẹn emwa nibun uan vbe a ma ro a ma kọ, uhin ighe te ọ ra yagha Ọba ne ọ kpọlọ Sẹehia fẹẹrẹ sokpan, a gha fuẹn ọnrẹn uan vbe ne a i na lo ẹtin ọmwa nagbọn hiehiere.

Emọs 2:15

Iran ni fi uhanbọ i ra sẹtin rrọ emwi rhọkpa, iran ni kakabọ rhulẹ i ra sẹtin lẹ fe, iran ni hin ẹsin i vbe miẹn uhunmwu rhie ladian.

Maika 5:10

E Nọyaẹnmwa khare wẹẹ, “Ọ gha sẹ ẹghẹ nii, I gha viọ avbe ẹsin uwa kpao, I ghi vbe guọghọ ikẹkẹ okuo uwa a.

Maika 5:15

Vbe uwu ohu mwẹ nọkhua, I gha rria iran ikhi ighe avbe ẹvbo ne ẹ i họn ẹmwẹ mẹ.”

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Maika 5:9

Izrẹl gha khọn avbe eghian rẹn mu otọ, ọ ghi fuẹn iran hia a.

Maika 7:16

Avbe uhunmwu ẹvbo gha miẹn ọna, iro ghi han iran vbene iran ye wegbe sẹ nii. Vbe uwu iro ne ọ han iran, iran gha koko unu gbua, iran ghi ya obọ khiọ ehọ.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Zẹkaraia 10:11

Iran gha la okun orueghe iran gberra khian, mẹ ne Nọyaẹnmwa gha fi uhuemwẹ ẹzẹ emwi, odin nọkhua e Naẹl gha khian ne ọ kae. A gha hie Asiria ne ọ hio uhunmwu rre. Egbe gha wọ Igipt ne ọ wegbe.

Zẹkaraia 10:5

Ivbi e Juda gha khọnmiotọ zẹ vbe ivbiyokuo ni ya owẹ gbele avbe eghian iran ye uwu ekhuọrhọ vbe adesẹ ore. Iran gha gbinna, rhunmwuda, e Nọyaẹnmwa rrọọ yaba iran, obọ iran gha vbe ke okhunmwu ne ẹsin avbe eghian.

Zẹkaraia 12:9

Ọ gha se ẹghẹ ne a kha na, I gha fuẹn iran an ighe ẹvboikẹvbo ne ọ ho ne ọ gu e Jerusalẹm gbinna.

Zẹkaraia 14:3

Ẹghẹ nii, e Nọyaẹnmwa gha ladian ya gu avbe uhunmwu ẹvbo nii gbinna zẹ vbene ọ ka ru ẹe yi vbe ẹghẹ ne ọ gberra.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Zẹkaraia 9:10

E Nọyaẹnmwa khare wẹẹ, “I gha viọ avbe ikẹkẹ okuo hin otọe Izrẹl rre. I ghi viọ avbe ẹsin hin e Jerusalẹm rre; avbe uhanbọ ne a lo vbe okuo, a gha bunnọ ehia a. Ọba ruẹ gha ru adọlọ ọfumwegbe ye ẹbu avbe uhunmwu ẹvbo; ọ gha khaemwisẹ ke okun ya sẹ okun ke Ẹzẹ Yufretes kpao yasẹ ehe ne agbọn sẹe.”

Matiu 24:7

Ẹvbo na gha mu okuo gie nọkpa, otọ arriọba na ghi mu okuo gie nọkpa. Ukhumwu kevbe igbohiotọ ghi gha rre ehe hia.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Giọgis 7:22

Ẹghẹ nii, iran iyisẹn eha nii ghi na kpee okpe iran, e Nọyaẹnmwa keghi ru ẹe ne iran ni rre agọ nii, ya umozo yan egbe iran. Iran keghi lẹ ghe odẹ Zarẹta ya sẹ Bẹt Sita ya sẹ Ebẹl Mehola vbe ọkpẹn Tabat.

I Samuẹl 14:16

Ibiẹka e Sọl ni bodẹ vbe Gibea vbe otọ e Bẹnjamin keghi bẹghe vbe ivbi e Filistin hia gha hẹ yo hẹ rre, vbene iran ma na rẹn emwi ne iran gha ru.