Hagai 2:20 - Edo Bible (E Baibol Ẹdo) Version 1996

²⁰ Vbe ẹdẹ ọkpa nii, ikpẹdẹ enẹ yan ugie vbe uki, e Nọyaẹnmwa keghi vbe gie Hagai uhunmwu ukpogieva,

Hagai 2:20 ပူးပေါင်းရင်းမြစ်များ

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Hagai 1:1

Vbe ukpo ne ogieva ne Dariọs ya gha re ọgbaisi e Pẹsia, vbe ikpẹdẹ ne okaro ọghe uki ne ogiehan, e Nọyaẹnmwa keghi giee Hagai ne akhasẹ uhunmwu rre, ọmwa ne a giee uhunmwu na gie kegha re e gọvina ọghe Juda ighe e Zerubabẹl ne ovbi Siatiẹl, kevbe ogiohẹn ighe Jọsua ne ovbi e Jehozadak.

Hagai 1:15

Vbe ikpẹdẹ eneyanugie vbe uki ne ogiehan, vbe ukpo ne ogieva ne Dariọs ya gha re ọgbaisi.

Hagai 2:1

Vbe ikpẹdẹ ọkpayan ugie, vbe uki ne ogihinrin, ọghe ukpo ọkpa nii, e Nọyaẹnmwa keghi vbe dọlegbe gie Hagai ne akhasẹ uhunmwu rre.

Hagai 2:10

Vbe ikpẹdẹ enẹyan-ugie vbe uki ne ogihinrin vbe ukpo ne Ogieva ne Dariọs ya gha re ọgbaisi, e Nọyaẹnmwa ne Oghodua keghi vbe dọlegbe gu e Hagai ne akhasẹ guan.

Zẹkaraia 1:1

Vbe uki ne ogierẹnrẹn ọghe ukpo nogieva ne Dariọs ya gha re ọgbaisi e Pẹsia, e Nọyaẹnmwa keghi gie ẹre uhunmwu na ighe Zẹkaraia ne ovbi e Berakia kevbe eyẹ Iddo.

Zẹkaraia 7:1

Vbe ukpo ne ogienẹ ne Dariọs ya gha re ọgbaisi, vbe ikpẹdẹ ne ogienẹ ọghe uki ne ogihinrin (uki ne a tie ẹre Kislev), e Nọyaẹnmwa keghi do gie mwẹ uhunmwu ọkpa.