Hagai 2:17 - Edo Bible (E Baibol Ẹdo) Version 1996

¹⁷ I gie ẹhoho kevbe owowo ne ọ giẹn emwi uan ne ọ do rhia emwi ne uwa te kọ hian a, sokpan, wa ma ye ro iro fi uyinmwẹ werriẹ.

Hagai 2:17 ပူးပေါင်းရင်းမြစ်များ

Gẹnẹsis 42:23

E Josẹf họn ẹmwẹ ne iran ta, sokpan iran ma rẹn irẹn. Rhunmwuda ọzedu ọ re ọ gha zedu ne iran.

Gẹnẹsis 42:27

Iran ghi sẹ ehe ne iran vbiẹre, ọkpa vbe uwu iran keghi rhan ẹkpo ẹre ne ọ rhie evbare ne ekẹtẹkẹtẹ ọre, ọ keghi miẹn igho ẹre vbe uwu ẹkpo irẹn.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

I Ọba 8:37

“A deghẹ ukhunmwu ghi fi vbe otọe nii, ra te okpemianmwẹ ghi rrọọ, ra te okpe ẹhoho ghi dunmwu emwiokọ rua, ra deghẹ te eghian iran ghi zagha avbe emwa ruẹn kua, ra deghẹ te emianmwẹ ra ohuẹhuẹ la uwu iran,

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

II Krọnikol 6:28

“A dẹghe ukhunmwu ọ re ọ ghi la ẹvbo ra egboghogbogho nọ, ra te emwiokọ hia sohie ra te irhiso rri ọe rua, ra te eghian mu okuọ gie emwa ruẹn, ra dẹghe emianmwẹ nọ ra ohuẹhuẹ vbe uwu emwa ruẹn.

Job 36:13

“Ohu ohu ọ re iran ne emwa dan mu, a gha kue vbe rri iran oya, iran i tu nọ iyobọ.

Psalm 128:2

Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

Psalm 78:46

Ọ gie irhiso ya rri iran emwiokọ, ne ọ vbe mu iran ugbo rhia.

Aizaia 28:2

E Nọyaẹnmwa mwẹ ọmwa ne ọ wegbe ke ne ọ mwẹ ẹtin, ọ mu egbe ne ọ dekun iran, ọmwa ne ọ gha rre zẹvbe ẹhoho ọgbẹgbẹ, zẹvbe amẹ okpẹhoho, zẹvbe amẹ ọgbẹgbẹ ne ọ lẹ deyan emwa hia, te ọ ra lẹ rhu otọe nii hia.

Aizaia 37:27

Emwa ni rre evba nii keghi khian ni i ghi mwẹ ẹtin, iran runraẹn, iran keghi zeze. Iran keghi yevbe irunmwu ni rre oha, ra irunmwu ni zọ ye ẹrhunrhun owa, ehe ne ẹhoho ne ọ tọn ne ọ ke odẹ ahọ rre na guọnmwẹ iran.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Aizaia 9:13

Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Jerimaia 3:24

Sokpan, e Baal ne ẹbọ emwiekhue ne ima gha gho, wa miẹn ima emwi hin obọ rre, avbe oghẹn ohuan, ẹmila emọ ikpia, emọ ikhuo, avbe emwi hia ne avbe erha ima odede wa miẹn ẹsọn yi ke ẹkpo nẹdẹ gha dee.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Emọs 4:6

“Mẹ ọ re ọ ru ẹe ne ohanmwẹ na fi la otọe uwa hia, sevba wa ma dọlegbe bu mwẹ rre.

Hagai 1:11

“I gie amẹ nọkhua mu vbe otọe nii, vbe uhunmwu oke ẹre, ohọka ẹre, ogba aranmwẹ oha, kevbe emwi hia ne a ghi miẹn rhọ ẹre emwiokọ vbe otọ.”

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Hagai 2:16

wa ghi kpao gha rrie ehe ne a si ọka gbo yi, ne uwa na rhie aro ye agban ugie, sokpan, igbe kẹkan ọ re uwa miẹn vbọ. Wa ghi wẹ wa ra sa egalọn ayọn ekigbesiyeha vbe ẹgbẹdin nọkhua, sokpan wa ghi miẹn ugie kẹkan vbọ.

Malakai 3:11

Mẹ i ra kue ne ọkhọe rri uwa emwiokọ, alimo ayọn gha vbe vuọn uhunmwu erhan azara ọghe uwa.

Diuteronomi 28:22

E Nọyaẹnmwa ghi tue emianmwẹ ne ọ ke egbe ẹmwẹ ọkpa la egbe ọmwa ọvbehe ku uwa kevbe egbe ne ọ hinmwian kevbe ọnii, ọ gha ru ẹe ne amẹ ghẹ rhọ ọ ka uwa hia ghi so hie kevbe irhunrhun, ne ọ ya ẹe fuẹn emwiokọ uwa hia a. Ọfuan na ghi gu uwa gha rrọọ wa te ya wulo.

Arhie Maan 2:21

I rhie ẹghẹ nẹẹn ne ọ ya fiwerriẹ vbe orukhọ ne ọ ru, sokpan ọ ma ho ne ọ fiwerriẹ hin uyinmwẹ alama oghẹ ne ọ ye rre.