Hagai 2:11 - Edo Bible (E Baibol Ẹdo) Version 1996

¹¹ Ọ wẹẹ, “Tama avbe ohẹn ne iran guan ye ẹmwẹ awua vbene ọ kere ne ọ gha ye:

Hagai 2:11 ပူးပေါင်းရင်းမြစ်များ

Ezikiẹl 22:26

Avbe ohẹn rra uhi mwẹ, iran i vbe yọghọ ne avbe emwi nihuanrẹn. Iran i vbe vin uwu ye ẹkpo emwi ne ọ huanrẹn kevbe nọ ma huan. Iran i vbe ma emwa alughaẹn negbe ne ọ rre ẹkpo emwi ne awua i ye ke ne awua ye, iran i vbe zẹdẹ zẹ ye ẹmwẹ Ẹdẹ Ikẹtin. Emwi ne a ghi la ọna miẹn ọrọre wẹ ivbi Izrẹl i ghi yọghọ mẹ.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Diuteronomi 33:10

Iran gha ma emwa ruẹn re ne iran gha ya uhi ru emwi, iran gha zọ ese vbe aka ruẹ.

Taitọs 1:9

Ọ ghi gha re ne ọ yobọ da ẹmwẹ nii yi gbangbaangban, ẹmwẹ nii ne ọ gia mu ẹtin yan kevbe ne ọ gu iruẹmwi nii ro. Odẹ vberriọ ọre ọ gha na sẹtin ye iruẹmwi ẹmwata nii, rhie igiẹdu ne emwa ọvbehe, ọ ghi vbe sẹtin rhie ehe ne iran ni gbe odan yọ na ba odẹ ku, ma agbọn.