Hagai 1:6 - Edo Bible (E Baibol Ẹdo) Version 1996

⁶ Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Hagai 1:6 ပူးပေါင်းရင်းမြစ်များ

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

I Ọba 17:12

Okhuo ni keghi wanniẹn wẹẹ, “I ya eni Nọyaẹnmwa nọ rrọọ ne Osanobua ruẹ vẹn ihẹn wẹ, I i mwẹ ebrẹd hiehie. Emwi ne I ghi mwẹ ma gberra ovbi irhuarhua kherhe vbe uzokpo kevbe ofigbọn oliv kherhe vbe ovbi ẹluba. Te I rre do ho erhan na ne I ya le evbare kherhe ne ọ ghi guemwẹ ne imẹ vbe ovbi mwẹ. Evbare okiekie ima ọ re onii khin. Iyeke onii, ohanmwẹ ghi gbele ima an.”

Nehimaia 5:2

Eso kegha kha wẹẹ, “Ma mwẹ emwa nibun vbe ẹgbẹe ima, te ima gha gualọ evbare ne ima miẹn ehe na sẹtin gha rre agbọn.”

Job 20:22

Umamwẹ ọnrẹn ghẹ ghi sẹ ehe ne ọ gha sẹ ukhuamwẹ ọkhọ hia, ghi do rẹnkhẹn ọẹn ruan.

Job 20:28

A gha fuẹn ẹfe ẹre hia a. Vbe uwu amẹ ne ọ lẹ ọghe ohu Osanobua.

Psalm 107:34

Ọ ya avbe otọ ni maa emwiokọ khian otọe umwẹ, ni la ọ rhie rriẹ, rhunmwuda uyimwẹ dan avbe emwa ni rrọọ.

Itan 11:24

Emwa eso rrọ ni lo igho iran wọrhọwọrhọ, ẹfe iran ghi ye gha maa yọ, eso ghi gha hẹko lo ẹre, sevba, ọ ghi ye gha khian ovbiogue.

Aizaia 5:10

Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Jerimaia 12:13

Avbe emwa mwẹ kọ ọka, sokpan iran keghi ya rhọ irunmwu; iran kakabọ winna, sokpan, iran ma miẹn emwirhọkpa vbọ. Rhunmwuda ohu mwẹ ne ọ wegbe, emwiokọ iran ma maa.”

Jerimaia 14:4

Rhunmwuda ne amẹ ma na rhọ, te otọ hia ghi kaka, udu gha kpe avbe ọgbugbo.

Jerimaia 44:18

Sokpan, ke ẹghẹ ne ima ya dobọ ese ne a zọ ghe Ọba okhuo ne Ẹrinmwi yii gha dee, a na vbe dobọ ayọn ne a sa ye otọ ne ẹẹn yii, ma ma miẹn emwi rhọkpa, emwa ima wulo vbe okuo, ohanmwẹ vbe gbele eso ua.”

Hozia 4:10

Wa gha rri oghae ne ọ kan uwa vbe emwi ne a ya zọ ese, ohanmwẹ ghi ye gha gbe uwa. Wa gha ga avbe ẹbọ ni rhie ọmọ rre, sevba wa i ra ye miẹn ọmọ biẹ, rhunmwuda, wa fi iyeke gbe mwẹ, wa keghi ya gha gho ẹbọ ọvbehe.”

Hozia 8:7

Iran kọ ẹhoho iran gha rhọ okpẹhoho! Ugbo ọka ne ọma mọ ọka, ẹ i sẹtin rhie ebrẹd ladian. Sokpan, a deghẹ ọ sẹtin gha yerriọ, ẹrrẹe ọ re ọ ra rriọe rua.

Levitikọs 26:20

Ẹsọn ne uwa gha miẹn hia, ọma ọkpa i ra kọe ladian, rhunmwuda, otọ ruẹ i ra ma emwiokọ, erhan ruẹn i ra vbe mọ.

Levitikọs 26:26

I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Hagai 1:10

Ọnii ọ re ọ sii ẹe ne amẹ i na rhọ, emwiokọ i vbe zọ.

Hagai 1:5

Wa ma miẹn emwi ne ọ ru uwa nian?

Hagai 1:7

Wa miẹn emwi ne ọ sii ẹe ne ọna na sunu?

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Hagai 2:16

wa ghi kpao gha rrie ehe ne a si ọka gbo yi, ne uwa na rhie aro ye agban ugie, sokpan, igbe kẹkan ọ re uwa miẹn vbọ. Wa ghi wẹ wa ra sa egalọn ayọn ekigbesiyeha vbe ẹgbẹdin nọkhua, sokpan wa ghi miẹn ugie kẹkan vbọ.

Hagai 2:17

I gie ẹhoho kevbe owowo ne ọ giẹn emwi uan ne ọ do rhia emwi ne uwa te kọ hian a, sokpan, wa ma ye ro iro fi uyinmwẹ werriẹ.

Zẹkaraia 5:4

E Nọyaẹnmwa ne Oghodua khare wẹ te irẹn ra tie ihen na. Ọ gha la uwu owa avbe oyi hia kevbe iran ni vẹn ihen ta ohoghe. Te ọ ra gha rre iran owa, ọ ghi ya iran khian itowa.”

Zẹkaraia 8:10

Vbe ọ te do sẹ ẹghẹ ne a kha na, a i miẹn ọmwa ne ọ sẹtin rhie aranmwẹ ra ọmwa ne agbọn vbe iwinna, ọmwa ne ọ wa vbe fe vbe obọ eghian rẹn ẹ i rrọ. I keghi ru ẹe ne emwa viọ aro igbinna da egbe.

Malakai 2:2

Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Diuteronomi 28:17

“E Nọyaẹnmwa gha fi avbe ọka uwa unu kevbe evbare ne uwa ya ẹe le.