Hagai 1:4 - Edo Bible (E Baibol Ẹdo) Version 1996

⁴ “Wa ne emwa mwẹ, vbọzẹ ne uwa gha na gha rre owa ne a bọlọe ẹsẹse vbe Ọgua Osa mwẹ re itowa?

Hagai 1:4 ပူးပေါင်းရင်းမြစ်များ

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

II Ọba 5:26

Sokpan Elaisia tama rẹn wẹẹ, “Orhiọn mwẹ ma gu uwẹ mudia vbe evba ra vbe ẹghẹ ne okpia nii na tuorre vbe ikẹkẹ okuo ẹre ne ọ do khian vba ruẹ? Ọ na i re ẹghẹ ne a ya miẹn emwa igho, ukpọn ofigbọn oliv kevbe ebe ẹre, ogba azara, ohuan kevbe ẹmila kevbe eguọmwadia.

Psalm 102:14

Avbe eguọmwadia ruẹ ho ẹmwẹ ọnrẹn, egbe ne a rhe ya fuẹn ọnrẹn uan, iran ye tohan rẹn, a gha rhe miẹn wẹ itowa ore ghi nọ.

Psalm 74:7

Iran rhia Ọgua Osa ruẹ ua, iran keghi mu erhẹn yọ iran mu awua ye ehe ne a na ga uwẹ.

Asan-Ibo 3:3

ọ rhie ẹghẹ yọ ne a ya gbe ua, ọ rhie ẹghẹ yọ ne a ya sinmwi, ọ rhie ẹghẹ yọ ne a ya siẹn emwi sotọ, ọ rhie ẹghẹ yọ ne a ya bọ ẹe, ọ rhie ẹghẹ yọ ne ẹko ya rriara, ọ rhie ẹghẹ yọ ne ẹko ya rhiẹnrhiẹn,

Jerimaia 22:14

Ọwiri nọ ne ọmwa ne ọ khare wẹẹ, “I gha bọ owa ẹrẹkhẹrẹ ne egbe mwẹ ne ughugha gbadagbada rre odukhunmwu vbọ.” Rhunmwuda ọnii, ọ gia ewindo ye owa ẹre ọ ya isida yi ẹkhu yọ, ọ keghi ya ẹmu ne ọ baa rra ẹre.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

Jerimaia 33:10

E Nọyaẹnmwa keghi kha wẹẹ, “Emwa ta ẹe khian wẹ, te emwana ye vbe ato, kevbe wẹ emwa nagbọn ra aranmwẹ oha i rrọọ. Ẹmwata ọre iran tae, avbe okpẹvbo ni rre Juda, kevbe idunmwu ni rre Jerusalẹm, ehia divbiẹ, emwa nagbọn i rre evba, aranmwẹ i rrọọ sokpan, wa gha dọlegbe họn.

Jerimaia 33:12

E Nọyaẹnmwa ne Oghodua khare wẹẹ, “Vbe otọe na ne ọ yevbe ato, ehe ne emwa nagbọn ra aranmwẹ i ye na, a gha dọlegbe miẹn ehe ne avbe aranmwẹ na rria vbọ, ehe ne avbe ọsuohuan gha sẹtin viọ ohuan iran gha yo.

Jerimaia 52:13

Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.

Eve Orriara 2:7

E Nọyaẹnmwa hee Ogiukpo ẹre ọ keghi kpao hin uwu Ọgua Osa ẹre nọhuanrẹn rre. Ọ gie avbe eghian guọghọ ekẹn ọnrẹn sotọ. Iran wee ye akhọnmiotọ iran vbe ehe ne ima na te ya oghọghọ ga yi.

Eve Orriara 4:1

Igoru mwa ne ọ te fi wainwain wu nẹ vbe aro. Avbe okuta Ọgua Osa tagha lele ore ẹvbo hia.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Levitikọs 19:25

Sokpan vbe ukpo ne ogisẹn, wa sẹtin gha rri ọmọ erhan nii. Wa gha ru vbenian, erhan uwa ghi kakabọ gha mọ yọ. Mẹ ọre Nọyaẹnmwa Osanobua ruẹ.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Hagai 1:3

E Nọyaẹnmwa keghi rhunmwuda ọnii giee Hagai ne akhasẹ uhunmwu na gie emwa ni, wẹẹ,

Hagai 1:5

Wa ma miẹn emwi ne ọ ru uwa nian?

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Filipai 2:21

Emwa nekpa hia, ẹmwẹ ne egbe iran ọre iran rhie aro daa, ẹ i zẹdẹ re ẹmwẹ iwinna Jesu Kristi.