Hagai 1:1 - Edo Bible (E Baibol Ẹdo) Version 1996

¹ Vbe ukpo ne ogieva ne Dariọs ya gha re ọgbaisi e Pẹsia, vbe ikpẹdẹ ne okaro ọghe uki ne ogiehan, e Nọyaẹnmwa keghi giee Hagai ne akhasẹ uhunmwu rre, ọmwa ne a giee uhunmwu na gie kegha re e gọvina ọghe Juda ighe e Zerubabẹl ne ovbi Siatiẹl, kevbe ogiohẹn ighe Jọsua ne ovbi e Jehozadak.

Hagai 1:1 ပူးပေါင်းရင်းမြစ်များ

I Ọba 10:15

Ọna kegha re ne ọ deyan emwi ne ọ miẹn vbe igho uhunmwu ne ọ fian ne iran ni do ẹki, ere ne ọ miẹn vbe ẹki kevbe emwi ne avbe ọba Arebia ya mu ohan kevbe avbe ogie isi ni rre otọe Izrẹl.

I Ọba 14:18

Ivbi Izrẹl keghi khiẹ ọre iran na re ẹre zẹ vbene e Nọyaẹnmwa la unu ọguọmwadia ẹre ighẹ Ahija ne akhasẹ ta ẹe.

II Ọba 14:25

Ọ keghi dọlegbe khọn munọ avbe ẹvbo hia ni ka re ọghe Izrẹl de ẹdẹ kevbe Hamat Pas vbe odẹ okuọ ya sẹ Okun Nọwu vbe odẹ ekẹn, vbenian ọre Nọyaẹnmwa gie ọguọmwadia ẹre ne akhasẹ, rẹn ighẹ Jona ne ovbi Amatai ne ọ ke Gat rre ne ọ ta ẹe ye otọ.

I Krọnikol 3:17

Ivbi uniẹn e Jehoiakin ne ọba, ne iran viọ ẹre oghunmwu gha rrie Babilọn ọ re ena khin. Emọ ikpia ihinrọn ọ re Jehoiakin gha mwẹ, ena ọ re Sieltiẹl,

I Krọnikol 3:19

E Pedaia kegha mwẹ emọ ikpia eva, ena ọ re Zerubabẹl kevbe Simẹi. E Zerubabẹl kevbe biẹlẹ emọ ikpia eva, ena ọ re Mẹsiulam kevbe Hananaia deba ọmọ okhuo ọkpa ne a tie ẹre Sielomit.

Ẹzra 1:8

Ọ keghi viọ ehia, ne Mitredat, ne olotu iran ni gbe aro ghe aza ọba, rẹn na do gbẹnnẹ ehia ye ebe ne Siẹshaza, nọ khaemwisẹ yan e Juda.

Ẹzra 10:18

Eni emwa ni viọ ikhuo orhunmwuyẹn ọ re ena khin: Avbe ohẹn kevbe ẹwae ne iran ke rre: Ewae Jọsua kevbe etiọnrẹn, ivbi e Jehozadak ni rrọọ kegha re Maaseia Eliezẹ, e Jarib kevbe Gedalaia.

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 2:63

Ovbi e Ju ne ọ khaemwisẹ keghi tama iran wẹ ne iran ghẹ rri evbare ne a ya yo imuohan gie Osa, a te do miẹn ohẹn ne ọ guara lo Urim kevbe Tumin.

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Ẹzra 3:8

Ẹre ọ ghi na sẹ uki ne ogieva ne iran sẹ ehe ne a bọ Ọgua Osa yi vbe Jerusalẹm, iran keghi suẹn iwinna. E Jerubabẹl, e Jọsua kevbe ivbi ẹvbo iran ni dekẹe, avbe ohẹn kevbe avbe Livai, vbe ẹmwata, ne a wa kha wẹ, emwa hia ni ke iwe gha die Jerusalẹm, ehia na ku obọ gbe vbe nene iwinna. Avbe Livai hia ni ghi sẹ ọmọ ukpugie gha rrie odukhunmwu nẹ, a keghi viọ iran ye iwinna ọghe ne a dọlọ Ọgua Osa ni bọ.

Ẹzra 4:2

Rhunmwuda ọnii iran keghi bu e Zerubabẹl kevbe avbe ọkaẹgbẹe, iran tama iran wẹẹ, “Wa gie ima yaba uwa bọ Ọgua Osa na. Osanobua ne uwa ga ọ re ima vbe ga, te ima wa vbe zọ ese ghe ẹre ke ne Esahadọn ne ọgbaisi Asiria ya wẹ ne ima gha dee do yin edinran gha dee.”

Ẹzra 4:24

A te da obọ iwinna yi nẹ vbe Ọgua Osa, ọ keghi da obọ yi rhinrin ya sẹ ukpo ne ogieva ne Dariọs ne ọgbaisi e Pẹsia la ẹkete.

Ẹzra 5:1

Vbe ẹghẹ ne a kha na, akhasẹ eva, a tie ọkpa e Hegai, kevbe nọkpa Zẹkaraia ne ovbi Ido keghi suẹn gha ya eni Osanobua Izrẹl gu avbe Ju ni rre Juda kevbe Jerusalẹm guan.

Ẹzra 5:3

Uhin vbe ọwarọkpa nii, ọ re Tatenai ne Ne ọ khaemwisẹ otọe Orrie Yufretes, e Sieta Bozenai kevbe avbe emwa ni rre asẹ ne ihua iran, na gha die Jerusalẹm, iran keghi nọ wẹẹ, “Gha ọ rhie asẹ ne uwa ya bọ Ọgua Osa na, kevbe ne uwa vbe viọ emwi hia yọ?”

Ẹzra 6:14

Obọ keghi kẹ avbe ọkaolotu avbe Ju vbe nene Ọgua Osa ne a bọ vbene Hegai kevbe Zẹkaraia ne akhasẹ na gha rhie igiẹdu ne iran. Iran keghi bọ nene Ọgua Osa fo zẹ vbene Osanobua ọghe Izrẹl kevbe Sairọs, Dariọs, kevbe Atakzaziz ne avbe ọgbaisi e Pẹsia tama iran.

Nehimaia 12:1

Eni avbe ohẹn kevbe avbe Livai ni lele Zerubabẹl ne ovbi e Sieatiẹl kevbe Jọsua ne Ogie Ohẹn ke iwe rre ọre ena khin.

Nehimaia 12:10

E Jọsua ọ re ọ biẹ Joiakim, e Joia kim keghi biẹ Eliasib, Eliasib ọ re ọ biẹ Joiada.

Nehimaia 5:14

Vbe ukpo iweva ne I ya gha re ne ọkhaemwisẹ yan e Juda, ke ukpo ne ọ gba vbe ugie ne Atakzaziz ya gha re ọgbaisi, ya sẹ ukpo eva yan ọgban ne ọ ya ẹe, ke imẹ kevbe etẹn mwẹ, ne ọ rri evbare ne ọ khẹke mwẹ zẹ vbe ne ọkhaemwisẹ, ẹ i rrọọ.

Nehimaia 7:7

Avbe ọkaolotu iran kegha re Zerubabẹl, Jọsua, e Nehimaia Azaraia, e Raamaia, e Nahamani, e Modekai, e Bilsian, e Mizpẹrẹt, e Bigvai, e Nehum kevbe Baana.

Nehimaia 8:9

Iran ghi họn emwi ne Uhi nọ rẹn, ọ keghi da iran sẹrriọ wẹ iran na suẹn gha viẹ. Ẹre Nehimaia ne ne ọkhaemwisẹ, Ẹzra ne ohẹn kevbe ne ọ rẹn nene Uhi, kevbe avbe Livai ni gha rhan otọ nene Uhi ma emwa nii, keghi tama iran wẹẹ, “Ẹdẹnẹrẹ na, ẹdẹ nọhuanrẹn nọ ne Nọyaẹnmwa ne Osanobua uwa rhunmwuda ọnii, wa ghẹ khiẹ ra ne uwa vbe gha viẹ.

Ẹksọdọs 4:13

Sokpan e Mosis keghi kha wẹẹ, “Lahọ, ghẹ gui Nọyaẹnmwa, gie ọmwa ọvbehe ne ọ khọn ruẹn.”

Hagai 1:12

Ẹre Zerubabẹl kevbe Jọsua kevbe avbe emwa hia ni ke iwe vbe Babilọn rre, na ru zẹ vbene Nọyaẹnmwa ne Osanobua iran tama iran. Ohan mu iran, iran keghi gha họn ẹmwẹ ne Hagai ne akhasẹ ne odibo e Nọyaẹnmwa.

Hagai 1:14

E Nọyaẹnmwa keghi rhie igiẹdu ne emwa nii ne iran ya winna vbe Ọgua Osa, avbe Zerubabẹl ne e gọvina e Juda, e Jọsua ne Ogie Ohẹn, kevbe avbe emwa ni ke iwe rre hia. Iran keghi suẹn gha winna vbe Ọgua Osa ọghe Nọyaẹnmwa ne Oghodua ne Osanobua iran.

Hagai 1:15

Vbe ikpẹdẹ eneyanugie vbe uki ne ogiehan, vbe ukpo ne ogieva ne Dariọs ya gha re ọgbaisi.

Hagai 1:2

E Nọyaẹnmwa ne Oghodua keghi tama e Hagai wẹẹ, “Iran na ta ẹe khian we ẹghẹ na ma kei yọ ne a gha ya bọ Ọgua Osa.”

Hagai 1:3

E Nọyaẹnmwa keghi rhunmwuda ọnii giee Hagai ne akhasẹ uhunmwu na gie emwa ni, wẹẹ,

Hagai 2:10

Vbe ikpẹdẹ enẹyan-ugie vbe uki ne ogihinrin vbe ukpo ne Ogieva ne Dariọs ya gha re ọgbaisi, e Nọyaẹnmwa ne Oghodua keghi vbe dọlegbe gu e Hagai ne akhasẹ guan.

Hagai 2:20

Vbe ẹdẹ ọkpa nii, ikpẹdẹ enẹ yan ugie vbe uki, e Nọyaẹnmwa keghi vbe gie Hagai uhunmwu ukpogieva,

Hagai 2:21

gie Zerubabẹl ne gọvina e Juda wẹẹ, “I ra mu ẹrinmwi vbe agbọn rueghe.

Hagai 2:4

Sokpan, banbanna nian, wa ghẹ gie egbe wọ uwa rhọkpa, wa winna iwinna nii rhunmwuda, I rrọọ yaba uwa.

Zẹkaraia 1:1

Vbe uki ne ogierẹnrẹn ọghe ukpo nogieva ne Dariọs ya gha re ọgbaisi e Pẹsia, e Nọyaẹnmwa keghi gie ẹre uhunmwu na ighe Zẹkaraia ne ovbi e Berakia kevbe eyẹ Iddo.

Zẹkaraia 3:1

Vbe umian ọvbehe, e Nọyaẹnmwa keghi mu Ogie Ohẹn ighe Jọsua ma mwẹ, ọ keghi mudia ye odaro odibosa e Nọyaẹnmwa. E Satan keghi vbe mudia ke Jọsua, ọ mu egbe ne ọ ba ẹre ifi ẹzọ.

Malakai 1:8

“Ne uwa na mu aranmwẹ ne ọ rhu arọ ra ne ọ kunse ra ne ọ khuọnmwi do ya gha zọ ese ghe mwẹ ni, te uwa ro ighe emwi esi ọre ọnii khin ra? Wa mu egbe aranmwẹ vberriọ gie e gọvina ghe! Wẹ yayi wẹ ẹko ruẹ gha rhiẹnrhiẹn ọẹn ra ne ọ ru ẹse nuẹn?”

Iyẹn ne ọ Maan Ọghe Luk 3:27

Ne ovbi e Jonan, ne ovbi e Rhesa, ne ovbi e Zerubabẹl, ne ovbi e Sheatiẹl, ne ovbi e Neri.