Giọgis 9:5 - Edo Bible (E Baibol Ẹdo) Version 1996

⁵ Ọ kegha rrie owa erha ẹe vbe Ọfra ọ keghi wa gbele ivbi erha ẹe ighẹ Gidiọn ne ekigbesiyenẹ ni vbe uhunmwu okuta ọkpa kẹkan. Sokpan e Jotam ne ọre ọmọ okpia ọkotọ ọghe Jerubal keghi lẹ re, a ma gbe ẹe rua.

Giọgis 9:5 ပူးပေါင်းရင်းမြစ်များ

I Ọba 1:12

A Deghẹ u ho ne u sinmwi uhunmwu uwẹ kevbe ọghe Solomọn ne ovbi uẹ ye agbọn, emwi ne I gha tama ruẹn ne u ru ọ re ọna khin.

I Ọba 1:21

A deghẹ u ma ru ẹe, u ghẹ ghi wu nẹ, etẹ ọ re a ra ka mwẹ kevbe Solomọn ne ovbi uẹ ba.”

II Ọba 10:17

Iran ghi sẹ evba, e Jehu keghi gbele etẹn Ehab hia fẹẹrẹ, ọ ma vbe sẹ ọkpa rae vbọ. Emwi ne Nọyaẹnmwa tama Elaija ighẹ ọ gha sunu ọ re ọ na khin.

II Ọba 10:7

Ugbẹn vbe ebe Jehu ghi sẹ iran obọ, avbe ekamakodin ni rre Sameria nii, keghi gbele ivbi Ehab ekigbesiyenẹ nii, iran na kun uhunmwu iran ye okhuae hẹ gie Jehu vbe Jezrẹl.

II Ọba 11:3

Ukpo ehan ọre Jehosiaba ya gha gbe aro ghe ọmọ okpia na, ọ keghi rhie ẹre lẹre ye uwu Ọgua Osa vbe Atalia rre ẹkete zẹ vbe ọba ne okhuo.

II Krọnikol 21:4

Obọ e Jehoram ghi wa gba otọe arriọba ni hia nẹ, ọ keghi gbele avbe etiọnrẹn hia a deba eso vbe avbe ekaokuo ivbi Izrẹl.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Matiu 2:20

Ọ wẹẹ, “Kpaegbe, mu ọmọ ni kevbe iye ẹe ne uwa gha rrie otọe Izrẹl rhunmwuda iran ni te gualọ ọmọ ni ne iran gbe ẹe rua wulo nẹ.”

Giọgis 6:11

Ẹre odibo e Nọyaẹnmwa na do tota ye ototọ okan ne ọ rre igue ne a tie ẹre Ọfra ne ọ re ọghe Joas ne ovbi ẹwae Abiẹzẹ. Ovbi ẹre ighẹ Gidiọn kegha hẹko do khuọn ọka vbe okọ ne a na minọ ayọn ne emwa Midian i ghẹ bẹghe ẹre.

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)

Giọgis 8:30

Ọ kegha mwẹ emọ ekigbesiyenẹ rhunmwuda, ọ viọ ikhuo ni bun.

Giọgis 9:18

Sokpan ẹrẹna nian te uwa ghi mu aro igbinna da owa erha mwẹ. Wa gbele emọ ikpia ekigbesiyenẹ ne ọ mwẹ vbe uhunmwu okuta ọkpa kẹkan, wa na ya Abimẹlẹk ne ọmọ ne okhuo ne ọre ọguọmwadia ẹre biẹ ne ẹẹn ma ọba ọghe Siẹkẹm rhunmwuda ighẹ ọ he ghi re ọtẹn uwa.

Giọgis 9:2

Wẹ ne iran nọ emwa Siẹkẹm wẹẹ, “De ne ọ ye uwa sẹ vbọ? Ne ivbi e Gidiọn ekigbesiyenẹ hia gha kha yan uwa ra ne orhiọnkpa gha kha yan uwa? Wa yerre wẹ esagiẹn kevbe egbe uwa ọre Abimẹlẹk khin.”

Giọgis 9:6

Iyeke ọnii, ivbi e Siẹkẹm kevbe Bẹtmilo hia keghi si egbe koko, iran na gha rrie ẹzi okan itaemwi ne ọ rre Siẹkẹm, iran na ya ma Abimẹlẹk ọba vbe evba.