Giọgis 9:4 - Edo Bible (E Baibol Ẹdo) Version 1996
4 Iran keghi viọ igho esiliva ekigbesiyenẹ vbe aro Bal-ọghe-lle, iran na viọ ne ẹẹn, ọ na ya ye igho na viọ avbe emwa ni kuogboi ye ẹvbo eso ba egbe ne iran lele irẹn gha khian.
E Devid keghi dọlegbe gha rrie owa ya tuẹ emwa rẹn. E Mikal ne ovbi e Sọl nokhuo keghi ya khian vba ẹre, ọ tama rẹn wẹẹ, “Ọba Izrẹl wa vbe mu eni ne ọ hin usi ne egbe ẹre ẹrẹna. Ọ na wa bannọ egbe ua ye otọ zẹ vbe ọzuọ vbe odaro eguọmwadia ni ikhuo ọghe avbe emwa ni rre asẹ vbe ototọ ẹre.”
Vbe iyeke ọnii, ọ keghi si avbe emwa ne agbọn ma gie ẹe rre koko, iran na mu emwi ne iran ho yan e Rehoboam ne ovbi ọvbokhan ne ọ ma rẹn ne a ye, a ma wẹ te ọ gha sẹtin rrọ iran.
Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.
Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee.
E Jẹfta keghi lẹ hin ehe ne avbe etiọnrẹn ye rre, ọ na ya gha rre ẹvbo ne a tie ẹre Tob. Ọ keghi silo avbe irhia yevbe eso ba egbe, iran keghi gba gha hẹ yo hẹ rre.
Iran kegha rrie ugbo iran, iran na ya kọlọ ọmọ erhan ne a ya ru ayọn ne ọ baa, iran keghi ru ayọn, iran na ya ẹe le evbare emwiukpo. Iran na gha rrie aro ẹbọ iran, iran na ya gha re, iran na ya gha da, iran na gha ye Abimẹlẹk gbe ogiẹ.
Emwa hia fẹẹrẹ ne a ghi zẹ ọre owẹ ra ne ọ defi osa ra ne ẹkun agbọn ma sẹ ọre otọ, keghi bu ẹre gha khian, rẹn kegha re ọkaolotu iran. Iran keghi re omwa ikpia uri eva (400).