Giọgis 9:27 - Edo Bible (E Baibol Ẹdo) Version 1996

²⁷ Iran kegha rrie ugbo iran, iran na ya kọlọ ọmọ erhan ne a ya ru ayọn ne ọ baa, iran keghi ru ayọn, iran na ya ẹe le evbare emwiukpo. Iran na gha rrie aro ẹbọ iran, iran na ya gha re, iran na ya gha da, iran na gha ye Abimẹlẹk gbe ogiẹ.

Giọgis 9:27 ပူးပေါင်းရင်းမြစ်များ

Psalm 109:17

Ihẹn ne a tie yẹ ọre, te ọ gha khian ne a fi ẹre unu! Ẹ i ho ẹmwẹ erhunmwu afiangbe, ai gha miẹn ọmwa ne ọ gha na erhunmwu ne ẹẹn.

Ẹksọdọs 32:19

E Mosis ghi sikẹ ọkpẹn agọ nii sẹ ne ọ na sẹtin bẹghe ovbi ẹkhuia ẹmila nii kevbe avbe emwa nii vbe iran ku, ohu keghi muẹn ẹsẹsẹmwẹse, ọ na filo avbe uhanhan ne ọ viọ mwẹ obọ kua, ọ na guọghọẹe rua ye ototọ oke nii.

Ẹksọdọs 32:6

Vbe owiẹ vbirrivbirri ẹdẹ ne ọ lele ẹe iran keghi gbele aranmwẹ ya zọ ese ne iran giẹn uan. Iran keghi vbe viọ aranmwẹ rre ne a ya zọ ese isara. Emwa nii keghi tota gha re gha da, ọ na keghi do khian ayọn ohọhọ kevbe iku okpia vbe okhuo.

Jerimaia 25:30

“Wẹ ne Jerimaia, ghẹ mwẹ u ma ta uhunmwu ne I gie hia. U ghi tama avbe emwa na wẹẹ, “ ‘E Nọyaẹnmwa gha davan ke ẹrinmwi rre ọ ghi vbe van avan ke ehe ne ọ yo vbe odukhunmwu ẹrinmwi rre, ọ gha van mu emwa rẹn, ọ gha da van vbe okpia ne okpia ne ọ minọ ọmọ erhan ne a ya ru ayọn. Emwa hia ni rre agbọn gha họn urhu ẹre.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Levitikọs 24:11

(Iye ọmwa nii keghi re Sielomit ne ovbi Dibri ne ọ ke ẹwae Dan rre) vbe uwu ẹzọ nii okpia nii ke ghi tie ihẹn ne Nọyaẹnmwa, iran keghi mu ẹẹn bu e Mosis gha khian.

Giọgis 16:23

Avbe ọkaolotu e Filistia keghi si egbe koko ne iran ghọghọ kevbe ne iran do zọ ese ghe Dagọn ne ẹbọ iran. Iran keghi so ihuan wẹẹ, “Ẹbọ ima gie a miẹn khọnmiotọ nẹ vbe uhunmwu e Samsin ne eghian mwa.”

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.

Giọgis 9:26

E Gaal ne ovbi Ẹbẹd kegha die Siẹkẹm ke iran kevbe etiọnrẹn. Ivbi e Siẹkẹm wa vbe mu ẹtin yan irẹn.

Giọgis 9:4

Iran keghi viọ igho esiliva ekigbesiyenẹ vbe aro Bal-ọghe-lle, iran na viọ ne ẹẹn, ọ na ya ye igho na viọ avbe emwa ni kuogboi ye ẹvbo eso ba egbe ne iran lele irẹn gha khian.

Giọgis 9:46

Avbe ekamakodin ni rre Owa ọkhẹ e Siẹkẹm ghi họn ẹmwẹ na, iran kegha rrie owa nọyo ọghe Bal-ọghe-lle ne iran ya lẹre.

I Samuẹl 17:43

Ọ keghi tama e Devid wẹẹ, “Vbe u a ye ovbi erhan nii ru yi? Te u ro ighẹ ekita mẹ khin ra?” Ọ na gha mu ẹbọ ne ọ gho gbe Devid.