Giọgis 9:20 - Edo Bible (E Baibol Ẹdo) Version 1996

²⁰ Sokpan a deghẹ ẹ i re vberriọ, te erhẹn gha vẹn ke Abimẹlẹk ladian ne ọ giẹn emwa Siẹkẹm kevbe Bẹtmilo ruan, te erhẹn gha vẹn ke ehe ne ivbi e Siẹkẹm kevbe Bẹtmilo rre ne ọ giẹn Abimẹlẹk ruan.”

Giọgis 9:20 ပူးပေါင်းရင်းမြစ်များ

Psalm 140:10

Te ogiọnmwẹ erhẹn ẹyin gha rhurhẹ yan iran, te iran gha dele ye uye, ne iran ghẹ ghi ladian.

Psalm 28:4

Rria iran ikhi ye emwi ne iran ru, kevbe emwi dan ne iran ru, rria iran ikhi ye emwi ne iran ru hia ru iran emwi ne ọ ma iran!

Giọgis 7:22

Ẹghẹ nii, iran iyisẹn eha nii ghi na kpee okpe iran, e Nọyaẹnmwa keghi ru ẹe ne iran ni rre agọ nii, ya umozo yan egbe iran. Iran keghi lẹ ghe odẹ Zarẹta ya sẹ Bẹt Sita ya sẹ Ebẹl Mehola vbe ọkpẹn Tabat.

Giọgis 9:15

Ere ọkhuẹnkhuẹn na tama iran wẹẹ, ‘Adeghẹ wa gele ho ne I gha re ọba uwa, wa do lẹre ye irhu mwẹ. Deghẹ wa ma ru vberriọ, erhẹn gha ladian ke uwu abọ mwẹ ni igbingban rre, ọ ghi giẹn avbe sida ne rre Lebanọn ruan.’ ”

Giọgis 9:19

Rhunmwuda onii nian a deghẹ emwi esi wa ru ghe Gidiọn kevbe ẹgbẹe ọre vbe ne ọ ke ekhọe rre, wa gie ẹko Abimẹlẹk gha rhiẹnrhiẹn uwa ne ẹko uwa vbe gha rhiẹnrhiẹn irẹn.

Giọgis 9:21

Ẹre Jotam na lẹ fua, ọ na ya gha rre Beẹ rhunmwuda ohan Abimẹlẹk ne ọtiọnrẹn mu ẹẹn.

Giọgis 9:23

Ẹre Nọyaẹnmwa na mu ikhẹko nọkhua ye ẹkpo Abimẹlẹk kevbe ivbi e Siẹkẹm, iran na sọtẹ Abimẹlẹk.

Giọgis 9:44

Abimẹlẹk kevbe emwa rẹn ke zẹgiẹgiẹ werriegbe, iran na ya gha khẹ onurho ẹvbo. Otu neva keghi dekun emwa ni rre uwu oha, ọ keghi gbele iran hia a.

Giọgis 9:6

Iyeke ọnii, ivbi e Siẹkẹm kevbe Bẹtmilo hia keghi si egbe koko, iran na gha rrie ẹzi okan itaemwi ne ọ rre Siẹkẹm, iran na ya ma Abimẹlẹk ọba vbe evba.