Giọgis 9:19 - Edo Bible (E Baibol Ẹdo) Version 1996

¹⁹ Rhunmwuda onii nian a deghẹ emwi esi wa ru ghe Gidiọn kevbe ẹgbẹe ọre vbe ne ọ ke ekhọe rre, wa gie ẹko Abimẹlẹk gha rhiẹnrhiẹn uwa ne ẹko uwa vbe gha rhiẹnrhiẹn irẹn.

Giọgis 9:19 ပူးပေါင်းရင်းမြစ်များ

Aizaia 8:6

Ọ wẹẹ, “Rhunmwuda ighe avbe emwa na he amẹ Ẹzẹ Siloa ne ẹ i si ọfọ yotọ, iran na gha guọ zighazigha vbe odaro Ọba Rẹzin kevbe Ọba Pẹka,

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Jems 4:16

Wanwanna nian, wa wa tọn egbe mu, wa keghi vbe rhuọ, egbe orhuọ vberriọ rhọkpa, ne ọ diae i rrọọ.

Giọgis 6:32

Ke ẹghẹ nii kpao, a na ghi gha tie Gidiọn Jerubabẹl, rhunmwuda ne Joas na kha wẹẹ, “Gie Bal khọn ekhae ne egbe ẹre rhunmwuda, aka ẹre ọ re a guọghọ ua.”

Giọgis 9:18

Sokpan ẹrẹna nian te uwa ghi mu aro igbinna da owa erha mwẹ. Wa gbele emọ ikpia ekigbesiyenẹ ne ọ mwẹ vbe uhunmwu okuta ọkpa kẹkan, wa na ya Abimẹlẹk ne ọmọ ne okhuo ne ọre ọguọmwadia ẹre biẹ ne ẹẹn ma ọba ọghe Siẹkẹm rhunmwuda ighẹ ọ he ghi re ọtẹn uwa.

Giọgis 9:20

Sokpan a deghẹ ẹ i re vberriọ, te erhẹn gha vẹn ke Abimẹlẹk ladian ne ọ giẹn emwa Siẹkẹm kevbe Bẹtmilo ruan, te erhẹn gha vẹn ke ehe ne ivbi e Siẹkẹm kevbe Bẹtmilo rre ne ọ giẹn Abimẹlẹk ruan.”