Giọgis 8:32 - Edo Bible (E Baibol Ẹdo) Version 1996

³² E Gidiọn ne ovbi Joas keghi wu vbe ọ wa khian ọmaẹn nẹ ẹsẹse. A keghi re ẹre ye idin Joas ne erha ẹe vbe Ọfra ne ọ rre ẹwae Abiẹzẹ.

Giọgis 8:32 ပူးပေါင်းရင်းမြစ်များ

Gẹnẹsis 15:15

A gha re rue vbe u gha ghi tọ sẹ nẹ ẹsẹse.

II Samuẹl 2:32

E Joab kevbe emwa rẹn keghi mu ikun Asahẹl, iran na ya re ẹre ye idin ẹgbẹe ne ọ rre Bẹtlẹhẹm. Iyeke ọnii, iran keghi wa ye asọn hia khian, iran na do sẹ Hibrọn vbe ẹdẹ ghi da wan.

Job 42:17

Ọ keghi wu vbe ọ khian ọmaẹn ne ghẹghẹghẹ nẹ.

Job 5:26

Zẹ vbe ọka ne ọ wo, ọ te sẹ ẹghẹ emwi orhọ, u gha tọ wirua a.

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)

Giọgis 8:27

E Gidiọn keghi ya nene igoru ma amazẹ, ọ na mu ẹẹn ye ẹvbo irẹn ne Ọfra. Ivbi Izrẹl hia keghi sẹ Osanobua rae, iran na ya gha ya uhunmwu rhanmwotọ ne amazẹ nii. Ọ ke ghi yevbe ifi ne Gidiọn kevbe ẹgbẹe ọre.

Giọgis 8:31

Ọ keghi vbe gha mwẹ ọse ọkpa vbe Siẹkẹm, ne ọ biẹ ọmọ okpia ọkpa nẹ ẹn. Rẹn na gha tie ẹre Abimẹlẹk.

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.