Giọgis 8:3 - Edo Bible (E Baibol Ẹdo) Version 1996

³ Osanobua keghi viọ avbe ekhaẹmwẹ e Midian, Orẹb kevbe Zib ye uwa obọ. De emwi ne imẹ he ru ne a gha ya gie ọnii?” Rẹn ghi ta ẹmwẹ na, ohu ma ghi mu iran gbe ọvbehe.

Giọgis 8:3 ပူးပေါင်းရင်းမြစ်များ

Psalm 115:1

Nọyaẹnmwa, wẹ okpa, awẹ, wẹ okpa kẹkan ọ re a gha rhie uyi na, ighẹ ẹ i re ima, rhunmwuda umamwẹ kevbe ahoẹmwọmwa ruẹn ne ẹ i beghe.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 16:32

Ọmwa ne ọ ziengbe ọ re ọ maa sẹẹ ne ọ hẹ ẹtin. Ọmwa sẹtin kha yan egbe ẹre ọ re ọ maa sẹẹ ọ kha yan okpẹvbo.

Itan 25:11

Ẹmwẹ ne a ta la owa ẹre, te ọ yevbe iwinna ona igoru ne a ma yan esiliva.

Itan 25:15

Arhẹrhẹ, izin egbe, gha sẹtin dọ ohu I i kue ne ọ ghi wegbe sẹẹ yọ, uhin ighe te ọ vbe sẹtin fi enigie ekhọe werriẹ.

Iyẹn ne ọ Maan Ọghe Jọn 4:37

Rhunmwuda, itan ẹmwata nọ wẹ, ‘Ne ọ kọ emwiokọ, u ghaẹn, ne ọ rhọ ọre ughaẹn.’

Ebe ne Pọl gbẹẹn gie emwa Rom 12:3

Rhunmwuda, ẹsọhẹ Osanobua ne ọ ya ru mwẹ ẹse, I tama uwa hia wẹẹ, wa ghẹ mwa egbe ye ukpo ne ọ gberra ehe ne ọ ke yi. Sokpan wa gha re ne ẹ i si ukankan vbe iro ne uwa zẹ, ne dọmwadẹ ọghọe vbe uwu uwa gha mwa egbe ẹre ye vbene Osanobua rhie iyayi nẹẹn sẹ.

Ebe ne Pọl gbẹẹn gie emwa Rom 12:6

Rhunmwuda ọnii, wa gie ima gha lo dọmwadẹ emwi ughughan ne Osa ya we mwa ye omwa ẹsọhẹ ne Osanobua rhie ne ima. Deghẹ ne a gha kpe orhu Osanobua ọrọre emwi ne a ya we mwa, wa gie ima gha ruẹe vbene iyayi mwa sẹe.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

Giọgis 8:2

Sokpan rẹn keghi tama iran wẹẹ, “Emwi ne imẹ ru ma zẹdẹ sẹ vbe ne uwa ru hiehiere. Uhin emwi kherhe ne uwa ne ivbi Ifreim ru kpọlọ sẹ emwi hia ne ekhuarha mwẹ he ru ukhukhu uri.

Giọgis 8:4

E Gidiọn kevbe arhin eha ni gue ẹe, keghi do sẹ Jọdan, iran na fiaẹn rra. Egbe wọ iran nẹ, sokpan iran keghi ye gha khulo avbe eghian iran khian.