Giọgis 8:27 - Edo Bible (E Baibol Ẹdo) Version 1996

²⁷ E Gidiọn keghi ya nene igoru ma amazẹ, ọ na mu ẹẹn ye ẹvbo irẹn ne Ọfra. Ivbi Izrẹl hia keghi sẹ Osanobua rae, iran na ya gha ya uhunmwu rhanmwotọ ne amazẹ nii. Ọ ke ghi yevbe ifi ne Gidiọn kevbe ẹgbẹe ọre.

Giọgis 8:27 ပူးပေါင်းရင်းမြစ်များ

Psalm 106:35

Sokpan, iran keghi gba gha ya ọmọ ne egbe iran na gha yin uyinmwẹ igẹbọ iran.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Ẹksọdọs 23:33

Iran i ra de uwa ẹvbo ya ne iran ghẹ ya ye uwa ru khọ ghe mwẹ. A deghẹ wa ga ẹbọ iran evba ọre ọfuan uwa la dee.

Ẹksọdọs 32:4

Ọ keghi viọ emwi ehọ nii, ọ na ranran ẹn hihiẹ ye emwi ne a ya sa ẹrọnmwọ, ọ ke ya ẹe ru ẹkhuia ẹmila. Emwa nii keghi kha wẹẹ, “Izrẹl, Osanobua ima ne ọ viọ ima ke Igipt ladian ọre ọna khin!”

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Ezikiẹl 7:20

Ẹghẹ okpa, iran keghi gha ya ikpẹrọnmwọ itegbe iran ni mose hio, sokpan, iran keghi ya iran gha mannọ amazẹ ni hu ọmwa ẹko. Ọnii ọ si ẹe ne Nọyaẹnmwa na ya ẹfe iran khian ne ọ ghi sọnnọ iran.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Diuteronomi 7:25

Giẹn avbe amazẹ iran an. Ghẹ gie esiliva ra igoru ni rre iran egbe viẹn ye uwa aro, wa ghẹ vbe viọ iran ya khiẹn ọwua. Wa gha ru vberriọ, uwu ọ re ọ ke ẹre ikian rhunmwuda ẹbọ na gho wa sọnnọ e Nọyaẹnmwa.

Giọgis 17:5

Okpia na ighẹ e Maika mwẹ ehe ne a na ga ọghe obọ ẹre ọ keghi mannọ avbe amazẹ, ọ kevbe mwẹ adaghọ, ọ na rhi ovbi ẹre ọkpa yọ ne ọ gha re ohẹn ọnrẹn.

Giọgis 18:14

Ẹre iran isẹn ni ya ba ẹvbo ni rre odẹ Lais ghi na tama ihua iran wẹẹ, “Wa rẹnrẹn nian ighẹ amazẹ erhan ne a ya esiliva rhu rre uwu owa na? Amazẹ ọvbehe ye vbe rrọọ deba adaghọ. Vbe uwa ro ighẹ a gha ru ẹe hẹẹ?”

Giọgis 18:17

Avbe ọrhẹ nisẹn nii keghi la owa, iran keghi mu amazẹ erhan nii ne a ya esiliva rhu, kevbe avbe amazẹ nekpa kevbe adaghọ. Ohẹn keghi gu arhin uri eha ni mu egbe okuo nii gha rre onurho.

Giọgis 2:2

Wa ghẹ gu emwa otọ na ta ile rhọkpa, wa guọghọ aka iran sotọ.’ Sokpan wa ma he ru vbene I tama uwa. Iyeke ẹre ọ re uwa ghi ru ye ihe ẹre.

Giọgis 2:3

Te ime ghi tama uwa na wẹ mẹ I ghi khulo emwa na ladian vbene uwa ya nana ghe odaro. Eghian uwa iran ra gha khin, ẹbọ iran ghi vbe gha re edanmwẹ nọ wegbe ne uwa.”

Giọgis 6:11

Ẹre odibo e Nọyaẹnmwa na do tota ye ototọ okan ne ọ rre igue ne a tie ẹre Ọfra ne ọ re ọghe Joas ne ovbi ẹwae Abiẹzẹ. Ovbi ẹre ighẹ Gidiọn kegha hẹko do khuọn ọka vbe okọ ne a na minọ ayọn ne emwa Midian i ghẹ bẹghe ẹre.

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)

Giọgis 8:26

Emwiehọ igoru ne Gidiọn nọ rẹn sẹ omwa uwan iyeha, a ma ka avbe emwi itegbe, emwiurhu kevbe ẹwu ododo ne avbe ọba Midian yọe, ra ne ọ gbalọ ẹyaẹn avbe ekẹtẹkẹtẹ iran ba ẹre.

Giọgis 8:28

Izrẹl keghi khọnmiotọ vbe uhunmwu e Midian, ọ ma ghi vbe gha re emwi ne ọ si afianma ọvbehe. Otọe nii kegha rre ọfumwegbe la ukpo iyeva vbe ẹghẹ ne Gidiọn na gha rre agbọn.