Giọgis 8:24 - Edo Bible (E Baibol Ẹdo) Version 1996

²⁴ Sokpan rẹn keghi rhie te ẹe wẹẹ, “Gunmwẹ nọ uwa emwi ọkpa. Dọmwadẹ ọghọe vbe uwu uwa, wa viọ emwiehọ ne uwa viọre mẹ.” (Te emwa Midian viọ emwiehọ igoru ye ehọ zẹ vbene avbe emwa ni rre ato hia vbe ru.)

Giọgis 8:24 ပူးပေါင်းရင်းမြစ်များ

Gẹnẹsis 24:22

Ugbẹn vbe ọ ghi sa amẹ ne avbe ekẹtẹkẹtẹ nii wọn fo nẹ, okpia nii keghi rhie oroka ihue ọghe igoru ighobioye ye ọre ihue, ọ keghi viọ emwiobọ eva ọghe igoru nekhua ye ọre obọ.

Gẹnẹsis 24:53

Ọ viọ esiliva kevbe igoru ladian kevbe ikpẹrọnmwọ kevbe ukpọn ọ na viọ ne Ribẹka, ọ kevbe ya emwi ighobioye ne ọtiọnrẹn nokpia kevbe iye ẹe.

Gẹnẹsis 25:12

Ismẹl kegha re ovbi Ebraham ne Hega ne ovbi Igipt ne ọviẹn Sera biẹ nẹẹn.

Gẹnẹsis 25:13

Eni ivbi Ismẹl ọre ena khin zẹ vbene a ya biẹlẹ iran lele egbe. Ovbi Ismẹl nọdiọn kegha re Nabaiọt vbe iyeke ọnii Keda, Adbil, Mibsam, e Misma, Duma, Masa,

Gẹnẹsis 35:4

Ẹre iran na do viọ ẹbọ ẹrrẹe ne iran mwẹ hia ne Jekọb, deba emwiehọ ne iran te lo, ọ keghi tọnnọ iran ye ototọ erhan okan ne ọ rre Siẹkẹm.

Gẹnẹsis 37:25

Ugbẹn vbe iran ghi rri evbare, iran keghi miẹn vbe ọwarọkpa emwa Ismẹl ni ke Giliad dee, iran rrie Igipt. Iran ye ekẹtẹkẹtẹ kun avbe ọmọ erhan ne a re eso kevbe ne ọ winhin, iran viọ rrie Igipt.

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

I Ọba 20:11

Ehab ne ọba keghi wanniẹn wẹẹ, ya khama e Benhadad ne ọba wẹẹ, “Ovbiyokuo ne ọ sekpe, te ọ khọn okuo sẹ owa nẹ ọ kegha ghagha ighẹ ẹ i re vbe ọ ma he yo okuo.”

Ẹksọdọs 12:35

Ivbi Izrẹl keghi ru vbene Mosis tama iran, iran keghi mọmọ ivbi Igipt ikpẹ ẹrọnmwọ kevbe esiliva kevbe igoru ke ukpọn.

Ẹksọdọs 32:3

Ẹre emwa nii hia na koko emwi ehọ igoru iran, iran na hẹ ehia gie Errọn.

Ẹksọdọs 32:4

Ọ keghi viọ emwi ehọ nii, ọ na ranran ẹn hihiẹ ye emwi ne a ya sa ẹrọnmwọ, ọ ke ya ẹe ru ẹkhuia ẹmila. Emwa nii keghi kha wẹẹ, “Izrẹl, Osanobua ima ne ọ viọ ima ke Igipt ladian ọre ọna khin!”

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Ezikiẹl 7:20

Ẹghẹ okpa, iran keghi gha ya ikpẹrọnmwọ itegbe iran ni mose hio, sokpan, iran keghi ya iran gha mannọ amazẹ ni hu ọmwa ẹko. Ọnii ọ si ẹe ne Nọyaẹnmwa na ya ẹfe iran khian ne ọ ghi sọnnọ iran.

Giọgis 8:25

Iran keghi wanniẹn wẹẹ, “Ẹkorhiẹnrhiẹnmwẹ ma gha ya viọ iran ne uẹn.” Iran keghi wa ukpọn ye otọ, edọmwadẹ ọghọe keghi viọ emwiehọ ne ọ viọre yọ.

I Samuẹl 25:11

Mẹ i rhie ebrẹd mwẹ ra amẹ mwẹ ra emiowo ne I gbele ne iran ni gun mwẹ gia eto ohuan, ne I viọ gie emwa ne a ma rẹn ẹvbo ne iran ke rre!”